Yelemiya 12:12 - Luganuzi Luswanu Kuli Wanhu Wose 2002

¹² Ne wanhu wakulawa mu yisi yose yono yili mu matunda, mu nyika, wakuza kuyiteka yisi yangu. Holeka nane luno, nayiletela wulugu wuyongomeze yisi yose. Na howa hasina hamba monga mono kokwikala yapolile.

Yelemiya 12:12 Referans Kwoze

Amosi 9:4

Na hono wasolwe wawopwe ne walugu wawo, nowalonjela wawo walugu wawo wawawulaje. Nane hamba si nowataza yaye, anga ndumuye nghani niwongomeze du.”

Yelemiya 47:6

Mukulila mukutya, ‘Woyi hee! U mumaje wo Muwaha Mulungu! Alu kojendelela kutemanga sunga nili? Wuwuye mu njasulu yako, wikale mumo wucehe!’

Ezekiyeli 14:17

“Hamba lunji nosuma kuleta wulugu mu yisi yiyo, hamonga ne vitwalo vyono vyongomezaga, ho viwamale i wanhu wose, hamonga ne mitugo zose.

Isaya 34:6

No mumaje wuwo wolokwila sakami ne mhama ye zingholo ne zimhene zono zikuwa kulavywa makumbiko. Nayo Muwaha Mulungu kololavya makumbiko gago mwi'kaya lya Bozila. Kowunoza wuwulaji wuwu wuwaha mu yisi ya Edomu.

Wugubule 6:4

Nane nali neza kulanga, kumbe kanyhi hakawa na fwalasi yinji ndunghu baho. Nayo mono yali yali mucanyha yayo, yakapegwa vilungo vyo kuleta wulugu mono'nze, wanhu wewulaje, kanyhi yakapegwa no mumaje muwaha muno.

Zefaniya 2:12

Muwaha Mulungu kanyhi, kolowawulaga nhavivyo ne wanhu wa Kushi.

Ezekiyeli 5:2

Wusole lifungu limonga, wuziticimize mu moto, wuziticimizize mwi'kaya mugati, lono milewo yamalika. Hanyuma kanyhi wulisole lifungu linji, nazo wuzidumulanje no mumaje wako, akuno wukujenda, lono wukuwuka mwi'kaya. Ne lifungu lyono lisigaye, nazo wuzigumile mucanyha ziyagale mu mbeho, nane nozityatilila no mumaje wangu.

Yelemiya 48:2

No lukumyo lwa Mowabu, lwakondya kuwuka. Nawo i walugu wakondya kuyiteka Heshiboni, nalu wakwiwikaniza, ho yalyongomeze likungugo lya Mowabu. Nago i makaya ga Madimeni gonyamazwa twii. Hambi ilipuga lye wasilikale nha lyokuziza.

Yelemiya 34:17

Holeka nane, ane no Muwaha Mulungu, nghuwona nha vyono, anye mwawula cogopo kuli 'ne. Hambi nha si muwakomboye wawe welecele i wandugu zenyu Waisilayeli. Ale, heya, viswanu. Nane nomupelenyi nanye welecele, u welecele wo kufwila ku wulugu, na mu matamwa, na mu nzala. Nane nowanoza makungugo gose, wogofywe muno so zono nomutendelenyi 'nye.

Yelemiya 15:2

Nawo kolo wakukuwuza vyono wabite hayi lo, nagwe wuwalonjele zono ane nonjile, nitya, Woyi hee, hambi wanji nha wofwa ne matamwa, na kuko ko wobita! Woyi hee, wanji wofwila ku wulugu, na kuko ko wobita! Woyi hee, wanji wofwa ne lizala, na kuko ko wobita! Woyi hee, nawo wanji wosolwa wategulwe kutali nha wafungwa, nawo kuko ko wobita!

Yelemiya 3:2

Alu wugalamile ta wulanje mu matunda mucanyha, wule, ho hali hanhu hanji hono agwe si wetuma nha munhu musenyha? Hambi agwe nha wekalaga ha mhelo ye zinzila wuwalindiye wendece wako, wukawa wehwana u mwalabu mono kehundikaga mu nyika, ho yawatendele vibi i wakola nzila. Nagwe Isilayeli wakondya kuyavufya yisi, ku soko yo wusenyha wako.

Isaya 57:21

Mulungu yakutya nhavi, ‘Muli wanhu wabi, musina wuswanu wo mutulano yaye.’ ”

Walawi 26:33

Noleta wulugu muli'nye, kanyhi nomwiyagazenyi mwiyagalile mu zi'si zo wujenzi. Ne yisi yenyu yowa matongo, ne makaya genyu golekwa gagwiye caka.

Wukumbucize wo Wulajilize 32:42

Nozing'wesa zisonga zangu ne sakami yawo, no mumaje wangu nawo, wowawulaga wose wono wakusula. Nane si nosigaza hamba monga, muli wawo wono wakwisumaniza nane, sunga na we zinghomele, ne wafungwa, wose wofwa du.’

Yelemiya 3:21

Ne lizi likuhulikwa ku wulawa mu matunda mucanyha. Lizi lye wanhu wa Isilayeli, so wulile wawo, no wulombe wawo. Hambi nha wekalaga mu mikalile yo wubi du, wakondya kumusemwa u Muwaha Mulungu, u Mulungu wawo.

Yelemiya 4:27

(U Muwaha Mulungu yali yalonga nha vyono yisi yose, yolowa mbago yose, ninga hamba nhavivyo, mwene hamba si koloyongomezeza lukulu yaye.)

Yelemiya 16:5

“Nagwe, yikunojeye wulecele lukulu kwinjila mu kaya yo yose yono yina cililo. Kanyhi nagwe wulece kumulilila hamba munhu monga. Nane hamba si nowamotya wanhu wangu no mulamu yaye, hamba si nowalajila zo wendo wangu, hamba si nowawonela lusungu yaye.

Yelemiya 25:11

Ne yisi yiyo yose, yololekwa nyhiwa hamonga no wucelewale. Nago i makungugo gono gapilime, golomwitumamila Nebukadineza u mutemi wa Babiloni, myaka makumi mupunghati.

Yelemiya 30:5

“Nahulika lizi lye cililo co wogofye, cililo co woga, hamba si cililo co mulamu yaye.

Yelemiya 46:10

I zuwali, lyo lizuwa lyo Muwaha Mulungu, we mihanga, lyono kokwilipiciziza. Izuwali, kokwilipiciza lilipicizo mu walugu wakwe. No mumaje wakwe wowalya sunga wigute, woying'wa ne sakami yawo, sunga wuce. Hambi izuwali, u Muwaha Mulungu we mihanga, nha yakuwalavya walugu wakwe makumbiko, he kolongo lya Efulata, ku lubavu lwa kusumuka.

I Cililo 3:17

Nane lu nakondya no kuvisemwa na vyono vinha, u wumoteswe, no mulamu, hamonga no wusangalale.

Ezekiyeli 21:4

Nowitumamila mumaje wangu niwawulaje wanhu wose, ku wulawilila ku lubavu lwa kusumuka, sunga ko ku lubavu lwa kutakama.

Ezekiyeli 21:28

“Gwe go munhu, ale wuwile. Wuwalonjele zono ane no Muwaha Mulungu, nghuwalonjela wawo Waamoni, wono wakuwatovulanga i Waisilayeli. Wuwalonjelaje wutye. ‘U mumaje wawikanizwa ho wongomeze. Wakondya kukwemwa ho wuwulaje, wumulice nhe limuli.’

Yelemiya 8:15

Hambi ase nha calanjililaga mulamu, ne madaha go kuponywa, ninga ziswanu hamba si zejela yaye, langa wogofywe wo wukacila muno.

Ezekiyeli 21:8

Muwaha Mulungu yakanonjela kanyhi yakatya,

Ezekiyeli 21:9

“Gwe go munhu, alu wuwile. Wuwalonjele wanhu zono ane no Muwaha Mulungu nghutya, Wuwatye nhavi; Mumaje wakondya kunolwa, kanyhi wakwemwa wakondya.