Yelemiya 12:11 - Luganuzi Luswanu Kuli Wanhu Wose 2002

¹¹ Wayinoza yawa mbago, nalu yawa wambuce du hali'ne. Ne yisi yose yakondya kuwa nyika na hasina hamba yunji mono yakuyitondowoza yaye.

Yelemiya 12:11 Referans Kwoze

Yelemiya 23:10

Alu yisi yose yimemile i wanhu wono si wehuwilwa kuli Muwaha Mulungu, hambi wanhu nha wekaye mu mikalile yo wituma ze metumo mabi, ne vilungo wasoceye. Nalu yisi yikulila ku soko ye lilijito lyo Muwaha Mulungu, no wudimo wose wakondya kunyala.

Isaya 42:25

Holeka nayo yacijidila wukali we likuwo lyakwe, no wusungu we milewo. Ne likuwo lyakwe, likawakolelwa Isilayeli nha moto mukali ninga 'se hamba kumanya zono zacijelelaga yaye, hamba kumanya co cose muli zizo.

Yelemiya 14:2

“Alu Yuda yeza yili mu cililo, hambi i makaya gayo nha geza kufwa, ne wanhu wayo, wagonile hasi du so wukalale, nayo Yelusalemi, yikulilila wutazi.

Malaki 2:2

Ninga hono mulece kuzihuliciza zono nghulonga, nane nomuletelenyi wulijitwe. Novilijita sunga na vyose vyono mukuvibocela so vitumamilwa vyenyu. Heya, nakondya kuvilijita, ku soko vyono si mukwibata lilajilizo lyangu musimbiliye.

Zakaliya 7:5

Yakanonjela kanyhi yakatya wuwalonjele wanhu wa mu yisi hamonga ne wakohani vyono, lono walekaga kulya, akuno wa kulila mu mwezi we hano na wo mupunghati mu myaka yi yilya yose makumi mupunghati, wule, si yali nzila yo kulajila cogopo ca kuli'ne.

Yelemiya 19:8

Nane nololeta wogofywe, hamonga no wuhodanjice mumu mwi'kaya lilino, sunga ne wanhu wose wono wowa kukola behi nalyo, wowa kuyisinjisa ne mitwe yawo ko wizine wuwaha.

Yelemiya 10:25

Langa wite likuwo lyako kuli we makungugo wono si wakumanyile, hamba kukuhemba gwegwe, na muli wanhu wono si wakwendile 'gwe. Hambi nha wawawulaganga i wanhu wako, kanyhi wakondya kucongomezeza lukulu, wakondya kuyinoza ne yisi yetu yeza matongo du.

Yelemiya 10:22

Ninga luno ta muhulicize! Nghani yakondya kuza! Lanje, kowuli musindo muwaha muno, wukulawa ku yisi yo lubavu lwa kusumuka, ne lipuga lyayo lye wasilikale, lyogongomeza i makaya ga Yuda gawe nha nyika, hawe hanhu hono gowa kwikala macewe du.”

Yelemiya 9:11

U Muwaha Mulungu yakutya, “Nane noyinoza Yelusalemi yiwe malundo ge matongo, hawe hanhu hono macewe gowa kwikala, nago makaya ga Yuda, gowa nyika, hawe hanhu hono yunji si kosuma kwikala.”

Yelemiya 6:8

Nye nyo wanhu wa Yelusalemi, alu mwali mulece ta i magayo gaga, gawe suguzi kuli nye ye, na hono si nhavivyo, hodu nane nomulecenyi, nilinoze likaya lyenyu, liwe nyika, hawe hanhu hono u munhu wo wose si kosuma kwikala mumo yaye.”

Isaya 57:1

I wanhu waswanu wakufwa, hasina yunji mono yakwizuka hamba kuzicelelela zizo. Ninga kolo wafwa, howa hasina kanyhi wusungu wono wowatamisa.

Muganuzi 7:2

Ciba kubita ku cililo, si nho kubita ku sikukuu, kanyhi i womi yiwanojeye wakumbucile vyono, lifwa licilindiye sese wose.

Walumi 8:22

Hambi nha cimanyile vyono, sunga lulu iviwumbwa vyose vikulila mu wusungu, kotya wo kulela mwana.

Walawi 26:32

Nane noyihodanjila lukulu yisi yenyu, sunga ne walugu wenyu wono wakwikala mumo, wezine so wongomezwe wayo.

Yelemiya 4:20

Ligazo ali likuza, hanyuma linji nalyo likutyatya, sunga ne yisi yose nhondo, yalekwa matongo du. Ne mahema getu gongomezwa musunho, ne mapaziya getu gademulwanga vitema vitema.

Yelemiya 4:27

(U Muwaha Mulungu yali yalonga nha vyono yisi yose, yolowa mbago yose, ninga hamba nhavivyo, mwene hamba si koloyongomezeza lukulu yaye.)

Yelemiya 4:28

Yisi yololila, no wulanga wolotukuwala U Muwaha Mulungu vyo yakutya. Nayo hamba si kolowukawaniziza lukulu u wuhile wakwe. Mwene vyono yakondya kuzilonga, hodu yazilonga du, hamba si kokawaniza kanyhi wulonje wakwe.

Yelemiya 25:11

Ne yisi yiyo yose, yololekwa nyhiwa hamonga no wucelewale. Nago i makungugo gono gapilime, golomwitumamila Nebukadineza u mutemi wa Babiloni, myaka makumi mupunghati.

Yoweli 1:10

Hambi migunda nha yeza yisina cinji. Yisi nayo, yikulila ku soko wuhemba nha wahodangwa, sunga ne divayi yawula, ne mafuta geza sigakwijela.

Yelemiya 9:9

Alu'ne ho ndece kuwalipiciza so makani gago hongo? Hamba nolecelaci kwilipiciza ne likungugo lyono linha nhavivi? Vyo nghutya ane no Muwaha Mulungu.”

Yelemiya 9:10

Nane Yelemiya nghatya, “Ale, nane nogalilila matunda, no kugalavya mahozi gangu ku soko yo wudimilo. Hambi wudimilo wose nha wanyala hasina hamba yunji kanyhi mono yakukolela mumo. Ne mazi ge zimitugo, gapela no kuhulikwa mumo. Sunga ne malimu gose hamonga ne zindeje, vyose vyakondya kuwuka mumo.”