Yelemiya 12:1 - Luganuzi Luswanu Kuli Wanhu Wose 2002

¹ Gwe go Muwaha Mulungu, hamba ciwangane nagwe muli zangu, agwe ninga vyo kojendelela kuwa mu mbeka du. Holeka nane luno, nosuma kukuwuza zinghani zono zinojeye wiling'ano, nha vyono nhavi, Alu mwene, nhawule i wanhu wabi nawo wamoteswe muno? Hamba nhawule i wanhu wono si wehuwilwa nawo wekaye wacehile?

Yelemiya 12:1 Referans Kwoze

Malaki 3:15

Ninga nha vyono ase cikuwona, i wanhu wevuni wo wawo wono wekalaga wena nyemo. Ninga i wanhu wabi, si vyono wakumota du, langa kanyhi wakuwa kumujela Mulungu wukangalizi wakwe mu metumo gawo mabi, nawo wakupona.’ ”

Zabuli 92:7

nha vyono nawo i wabi, wosuma kuwiluka nhe mahanze, nawo wono wetumaga zo wubi, vyono wosuma kumoteswa, ninga hamba yiwe nhavivyo, ndumilizo yawo wawo wose, yowa wongomele we cibitilila,

Zabuli 37:1

Wulece kwigaza ku soko ye wanhu wabi, wulece kuwawonela wivu i wetuma zimbi.

Danyeli 9:7

Gwe go Muwaha Mulungu, agwe yo gwegwe mono kwitumaga nhondo zose ze ling'ani. Ninga ase yo ciyiletelaga cevu nhondo zose sese co weneco du. Na yiyi yo nghani ya mbeka kuli sese wose mono cikaye mu Yuda na mu Yelusalemi, sunga na kuli Waisilayeli wose, wono waweyagaziza mu ma'si ge behi na go kutali, vyono wali si wehuwilwa kuli'gwe.

Jobu 12:6

Ninga i wahizi hamonga ne wanhu wono wasina mulungu, awo wekalaga wapolile. Hamba wawe mulungu wawo yali mu vilungo vyawo weneco.

Habakuki 1:4

No wulajilize weza wusina vilungo kanyhi, sunga ne ling'ani yeza yili musina. I wanhu wabi wakuwapilima we ling'ani, holeka no wuling'anizi weza wusina vilungo.

Zabuli 51:4

Nane nghusutizya gwegwe du wuli wene, nituma zimbi hali gwegwe. Holeka lono wukuning'aniza, wukunoza viswanu, hambi nha wina ling'ani lono wukundipiciza.

Zabuli 37:35

Nimuwona u mubi yakalipe muno muno, yetandaze nhe libici lyo muhagata lya Lebanoni.

Zefaniya 3:5

Ninga Muwaha Mulungu, yali mwi'kaya, yakwituma ze ling'ani, si yakwituma zimbi ng'o. Nayo kawaletelaga wanhu wakwe ze ling'ani, nhondo zose. Ninga i wanhu wono wasina ling'ani, vyo wajendeleye du ku wituma zimbi, hamba kuwona cevu yaye.

Yelemiya 11:20

Hobaho nane nghawa kumulomba Mulungu nghatya, “Gwe go Muwaha Mulungu u Mulungu we mihanga, agwe yo gwegwe mono wuli muling'anizi we ling'ani, kanyhi yo gwegwe du mono kuwajelaga i wanhu mu zinhumbula zawo, sunga na mu mitima yawo mugati. Holeka nane luno, nghuziwika zinghani zangu mu miwoko yako, nane nghulanjiliye wuwalipicize wanhu wawa.”

Yelemiya 12:6

Alu, lanje, vyono, sunga ne wanduguzo wose mono muli mhuga monga, nawo wakugaluka, nalu wakondya kwilunza mwi'puga lya wono wakukuhoma 'gwe. Holeka nagwe, hamba wakulonjele nghani swanu muno, ninga wulecele lukulu kuwetumbila hamba hadodo.”

Yelemiya 5:11

Hambi anye nyo wanhu wa Isilayeli na Yuda, nha mwakondya kungalucila lukulu. Vyo nghutya ane no Muwaha Mulungu.”

Jobu 13:3

Ane yinojeye cilongane no Mulungu, ninga si nyenye yaye. Nghuhila nimulonjele Mulungu zangu zose.

Ezila 9:15

Ninga agwe go Muwaha Mulungu wa Isilayeli, agwe yo wuli we ling'ani, hambi nha kucileka cikale cili womi. Holeka nase cikunena wubi wetu ne masutya getu hali'gwe, hamba si cinojeye kuza na ha mwande yako.”

Hoseya 6:7

“Ninga wene weza nha Adamu, wacibena cilagane cono calagana nane.

Isaya 48:8

Ninga nali manyile vyono kowa wuli mwihuwilwa, hambi nha wali wumanyice vilo vyose nha vyono wali wuli muhodanji. Na yiyi yo soko yono yikaleka si wasuma hamba hadodo kuzihulika zizi, na yo yaleka wulece kuhulika nghani hamba monga.”

Isaya 41:21

U Muwaha Mulungu, u mutemi wa Isilayeli yakutya, “Nye nyo milungu ye makungugo, ale mulete zinghani zenyu Mulonje nghani zono mwina nazo!

Zimbazi 1:32

Holeka i wanhu walele, wofwila mu wulele wawo, hambi nha si wakusaka mahala. Vyono i wanhu wono wasina mahala, nha wakuwa kongomezwa no wuwula mahala wawo.

Zabuli 145:17

Muwaha Mulungu, yo yali ling'ani mu zinzila zakwe zose, kanyhi mwene muswanu muli milimo yakwe yose.

Zabuli 119:137

Gwe Muwaha Mulungu, wuli mwihuwilwa, ne zining'aniza zako zo ze mbeka.

Zabuli 119:75

Nane manyile vyono wuling'anize wako, wo we ling'ani 'gwe go Muwaha Mulungu, na vyono kanyhi kundipiciza, vyono 'gwe wuli mwihuwilwa.

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

Mwamulizo 18:25

Ninga nitumbiye vyono si konoza nhavivyo! Nha cinji wuwawulaje i wanhu waswanu hamonga ne wanhu wabi, wo wutya, i waswanu wanozezwe muling'ano ne wanhu wabi! Aa ng'o! Viswanu kuli muling'anizi we yinze yose kuwituma ling'ani.”

Nehemiya 9:33

Wetuma viswanu kucilipiciza, kanyhi wuketuma ze ling'ani, hambe nha cakunozeza wubi.

Zabuli 116:5

Muwaha Mulungu yo munghala wuswanu wose, no wihuwilwa, Mulungu wetu, yo Mulungu wo lusungu.

Muganuzi 8:14

Kanyhi hoyili nghani yinji 'mbi yono nakondya kuyiwona baha hono yinze, vyono i wanhu waswanu, wakuwa kutendelwa zimbi, zono ziwanojeye i wanhu wabi wo watendelwe, nawo i wabi wakutendelwa ziswanu, zono ziwanojeye i i wanhu waswanu, wo watendelwe. Nane nghatya, ayi mbeka yo nghani ya bwete du.

Yelemiya 3:7

Nane nghawa kwihwesa nha vyono, kolo yakukondya kwituma zizo zose, nhondo ho kosuma kumbuyila'ne. Ninga mwene hamba si yasuma kumbuyila 'ne hamba nhavi, sunga no lumbulye Yuda mono si mwihuwilwa, nayo yakaziwona zizi zose.

Yelemiya 3:20

Ninga kumbe nagwe, wukawa si wuli mwihuwilwa kuli'ne yaye, wukehwana nho mucekulu musenyha. Vyo nghutya ane no Muwaha Mulungu.

Yelemiya 9:2

Na mbeka, nali nyende nhuje hanhu ho kwikala ku nyika, hono nosuma kuwa kutali ne wanhu wangu. Hambi wene, wose nha si wehuwilwa, lipuga lye wagaluci.

Yelemiya 32:16

Nane, nali neza kukondya kumupela Baluku, zikalatasi zizo, hodu, nghawa kumulomba Muwaha Mulungu nghatya,

I Cililo 1:18

“Ninga Muwaha Mulungu yo we ling'ani, hambi nha yo nene mono si nali kwenda kumuhulika. Holeka muhulicizaje anye wanhu wose, muwuwone wugaye wangu. Hambi i wazelelo wangu hamonga ne wacekulu, nha wakondya kusolwa no kutegulwa kutali.

Ezekiyeli 18:25

Ninga na lunji kotya nhavi, “Alu mwene zizi zono Muwaha Mulungu yakwituma, wule nghani zizi swanu? Alu muhulicize nimulonjelenyi anye nyo Waisilayeli. Alu anye mukwihwesa nha vyono zinzila zangu si zili ling'ani hongo? Ninga mumanye nha vyono zinzila zenyu zo si zili ling'ani yaye.

Jobu 8:17

Ne milela yago, yigazingaga mabwe yiwa kwibata zii mu mabwe gose.

Jobu 24:12

Na mu makaya mukuwa mo wali wono wena nghomele hamonga na wono wakulila wakufwa, ninga Mulungu hamba si kawutondowozaga wulombe wawo.

Jobu 24:23

Mulungu kamupelaga yekale yapolile, ninga meso gakwe, galangaga zinzila zakwe.

Zabuli 51:6

Ninga agwe wendile winenenyhezi wa mugati, holeka wunyijizaje mahala mu nhumbula.

Danyeli 9:14

Gwe go Muwaha Mulungu, go Mulungu wetu, wali wiwikanize wucilipicize, na vyo wanoza. Hambi 'gwe nha kwitumaga ze ling'ani nhondo zose. Ninga ase hamba kukuhulika yaye.

Malaki 2:17

Mwamukataza u Muwaha Mulungu ne zinghani zenyu zono mukulonga. Ninga kanyhi mukuwuza mukutya, “Camukataza nhawule?” Mwamukataza no wulonje wenyu wono mukutya, “Muwaha Mulungu kehwesaga i wetuma vibi wose waswanu, kanyhi yakuwenda.” Hamba lono mukutya, “Yali hayi Mulungu mono koling'aniza?”