Yelemiya 11:8 - Luganuzi Luswanu Kuli Wanhu Wose 2002

⁸ Ninga wene hamba si wahulika yaye, hamba kwituma zono nghulonga. Langa wene wakajendelela du kuwa wasina cihuliko, no kwituma zimbi nha vyono wali wazoweye. Ninga nane, nghacila muno kuwalajiliza wetume ze cilagane cici, ninga wene wakalemela lukulu kwituma. Holeka nane nghawalipiciziza mu wulipicize wono wukuloloswa mu cilagane cici.”

Yelemiya 11:8 Referans Kwoze

Yelemiya 7:24

Ninga wene si wahulika 'ne, hamba kuzicelelela bwete, zono nawalonjela. Wene waketuma zimbi vyono wasakaga weneco mu zinhumbula zawo. Wakacila kuwa wabi muno, wakawuka ku wuswanu.

Yelemiya 7:26

Ninga hasina hamba munhu monga, mono yawahulika, hamba kuzicelelela bwete zono wazilongaga. Ninga 'nye mukajendelela kuwa musina cihuliko kuli'ne, no kuwa wabezi muno si nhe walezi wenyu.

Ezekiyeli 20:8

Ninga wene wakebavya, hamba si wenda no kuhuliciza yaye. Hamba si waviwusa vihwani vye milungu yawo ye mawifyo, hamba kuyileka i milungu ye Wamisili yaye. Sunga nhondo, nasakaga niwalajile likuwo lyangu liwaha, kuko ku Misili.

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Yelemiya 3:17

Ne vilo vivyo kolo vyakondya kuza, Yelusalemi nhondo, yolocemwa, ‘I ligoda lyo wutemi lyo Muwaha Mulungu.’ Ne makungugo gose golokwikongholela baho gawe kuhemba nene du. Nawo lulo, hamba si wolokwitumila lukulu kanyhi za mu cibede cawo, hamba i zimbi za mu zinhumbula zawo.

Zakaliya 7:11

Ninga i wanhu wangu wangu wakawa wali cibede siwakasaka hamba no kuhuliciza, wakadinda ne makutu gawo ho walece kuhulika,

Yelemiya 44:17

Langa ase cojendelela du kwituma zinghani zose, nha vyono calonga. Cojendelela du kumulavizya makumbiko, mulungu wetu we cicekulu wa ku wulanga, no kumujidila vilavywa vyetu vye divayi, nha vyono canozaga ase, ne walezi wetu, ne watemi wetu, hamonga ne walongola wetu, mu makaya ga mu yisi ya Yuda, na mu zinzila za mu Yelusalemi. Na lono canozaga nhavivyo, cikatuga ndigwa nyinji muno, kanyhi cikamoteswa muno, cikawa cisina hamba wugaye wo wose yaye.

Nehemiya 9:29

Wukawasugula wagavumile mafundo gako, ninga so cibede cawo, wakagalema ne malajilizo gako, hamba yiwe, mu wibata wulajilize wako, yo nzila yo wumi. Ninga wene so cibede cawo wakafyula wakalema no kukuhulika.

Nehemiya 9:26

“Ninga hamba nha vivyo i wanhu wako siwakuhulika yaye. Wene wakakugaluka, wakataga ne malajilizo gako. Wakawawulaga sunga ne wawizi wono wawasugulaga, no kuwalonjela wakupitucile gwegwe. Wakakutovula kenji na kenji.

Yelemiya 13:10

Hambi i wanhu wawa, nha wakulema kuzihulika zinghani zangu. Weza wanhu wabi ku wulawa na katali, wakuhemba no kuyitumamila i milungu yinji. Holeka nawo wokwihwana ne kaputula yiyino, yono yeza yisina kanyhi cambuzi co cose.

Yelemiya 31:32

Ne cilagane cico, si colowa cihwanile ne cilagane ce katali yaye, cono nacinoza ne walezi wawo, lono nawakamisa, nghawawusa mu yisi ya Misili. Hamba niwe nali nili mulume wawo, ninga wene si wacikamisa yaye cilagane cico.

Yelemiya 32:23

Ninga nawo wali weza kuza mono yisi yiyi, no kuyisola yiwe yawo, hamba si wasaka no kugebata ne malajilizo gako yaye, hamba kwikala mu mikalile ye mejizo gako ng'o. Hamba si wasuma kwituma nha vyono wali wuwalajilize wetume. Holeka nagwe luno wawaletela magayo gaga gose.

Yelemiya 38:20

Ninga nane nghamutya, “Ng'o mutemi, si kosuma kwinjizwa mu miwoko yawo yaye. Ninga ane nghukunena wuyihulice nghani yo Muwaha Mulungu. Na zose zowa swanu du hali 'gwe, kokwiponya no wumi wako.

Yelemiya 44:5

Ninga 'nye si mwasacila lukulu kuzihulika hamba kuzicelelela yaye. Hamba si mwasaka ho mugalece gago metumo genyu mabi go kuyikumbika milungu yinji.

Yelemiya 44:16

“Gwe Yelemiya, ase cayilemela lukulu nghani yono wacilonjela, mwi'tagwa lyo Muwaha Mulungu.

Zakaliya 1:4

Mulece kwihwana nhe wasogo zenyu wono katali i wawizi wawapela zinghani zangu ho wagalece metumo gawo mabi, hamonga no wubi wawo. Ninga wene siwahulika, hamba kumvumila 'ne yaye.

Yelemiya 7:13

Nanye mwetuma u wubi wuwu wose, hamba niwe namulonjelenyi zizi zose kali kenji na kenji, ninga nye mukalema kuhulika 'ne. Yali yiwe yili ciba le, hono mwali mulece kwidika, lono nali kumucemenyi.

Yelemiya 34:14

mu ndumilizo yo mwaka wo mupunghati, yimunojeye munhu wo wose yamulece yawe welecele u muwanda wo wose we Cihebelaniya, mono yakondya kumwitumamila myaka mutandatu. Ninga i walezi wenyu si wazicelelela yaye, hamba kuzihulika zono nawalonjela ng'o.

Yelemiya 35:17

Holeka ku soko yiyo, alu mowona! Ane no Muwaha Mulungu, u Mulungu wa Isilayeli, nomuletelenyi anye nyo wanhu wa Yuda na Yelusalemi, i magazo gose gono nehuwiza. Nomutendelenyi nhavivyo, vyono anye si mukusaka kuwa ne cihuliko kuli 'ne, nghamucemenyi, nanye hamba kumhitula yaye.”