Yelemiya 11:7 - Luganuzi Luswanu Kuli Wanhu Wose 2002

⁷ Hambi nha nawahomelela no kuwasugula i walezi wawo, lono nawawusiza mu yisi ya Misili, vyono yiwanojeye wahulice'ne. Kanyhi hamba si naduma baho du, langa najendelela kuwasugula wanhu sunga nalu.

Yelemiya 11:7 Referans Kwoze

2 Zinghomo 36:15

Ninga u Muwaha Mulungu, u Mulungu we walezi wawo, yakajendelela kuwatumila wawizi, wawasugule wanhu wakwe. Hambi nha yakawawonela lusungu wanhu wakwe, hamonga ne Nyumba yakwe.

Waefeso 4:17

Ale, nghumusugulenyi mwitagwa lyo Muwaha, mulece kujendelela kwikala kanyhi mu mikalile nha ye wanhu wono si wamumanyile u Mulungu, wono i mahweso gawo gaweza wulele,

1 Samwili 8:9

Holeka agwe wuwahulicizaje du muli zose. Ninga hamba nhavivyo, wuwakagaje hawaha muno muno, kanyhi walolosezaje sunga na zono yuyo mutemi wawo kowatendela.”

Wutuluce 15:26

Yakawalonjela yakatya, “Hono mbeka mulihulice lizi lyangu ane no Muwaha Mulungu, no Mulungu wenyu, mwitume zono zili ling'ani hali'ne, na kanyhi hono muwukamise no wulajilize wangu, hamonga ne malajilizo gangu, ale, nane si nomugumililenyi matamwa gagalya gono nawagumilila Wamisili yaye. Hambi ane nha yo nene Muwaha Mulungu mono nghumuponyenyi.”

2 Watesalonike 3:12

Mwitagwa lyo Muwaha wetu Yesu Kilisito, cikuwalajiliza kanyhi cikuwasugula wanhu we liwala lilyo vyono yiwanojeye wawe no wunhu wuswanu, kanyhi wetume milimo ho wetujile vyawo weneco.

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Yelemiya 25:4

Holeka yikwijela nha vyono kumbe, hamba yiwe u Muwaha Mulungu, yajendelela kumutumilenyi i wetumami wakwe wawizi, ninga anye hamba si mwawahulika yaye.

Yelemiya 11:4

Hambi nha co cilagane cono nacinoza ne walezi wawo, lono nawawusiza mu yisi ya Misili, mu yisi yono yali yinha nha moto mukali kuli wene. Nane nghawalonjela nha vyono wahulice 'ne no kwituma zinghani zose, zono nawalajiliza. Nane nghawaloloseza nha vyono, hono wazibate, wowa wanhu wangu, nane nowa Mulungu wawo.

Yelemiya 7:13

Nanye mwetuma u wubi wuwu wose, hamba niwe namulonjelenyi zizi zose kali kenji na kenji, ninga nye mukalema kuhulika 'ne. Yali yiwe yili ciba le, hono mwali mulece kwidika, lono nali kumucemenyi.

Wukumbucize wo Wulajilize 30:20

Mumwende Muwaha Mulungu, u Mulungu wenyu, mumuhulice, kanyhi muwe muli wehuwilwa kuli mwene, holeka nyenye hamonga ne wana wenyu, mosuma kwikala vilo vinji, mu yisi yono yehuwiza vyono kowapela i walezi wenyu Abulahamu, na Isaka, na Yakobo.”

Wukumbucize wo Wulajilize 12:32

Holeka muzitumaje zose zono nakondya kumulajilizenyi, mulece konjeleza hamba kucepula nghani yo yose muli zizi.”

Wukumbucize wo Wulajilize 8:6

Holeka munojeye mwitume nha vyono Muwaha Mulungu yamulajilizenyi, kanyhi mujendele muli ze malajilizo gakwe, akuno mumogopile mwene.

Wukumbucize wo Wulajilize 6:2

Nanye hamonga ne wana wenyu mweze muli cogopo kuli Muwaha Mulungu, u Mulungu wenyu, muwukamise wutemye wakwe malajilizo gakwe gono nghumulajilizenyi izuwali, mu vilo vyose vyo wikale wenyu, ho musume kwikala vilo vinji mumo mu yisi yiyo.

Wukumbucize wo Wulajilize 5:29

Na hono mbeka nhondo zose wawe kwihwesa nhavivi! Na hono mbeka wawe wanyogopile, no kuwa ne cihuliko kuli'ne nhondo zose, muli ze malajilizo gangu, nawo wojendelela kuwa no wumoteswe muli zose, ne wana wawo cibitilila.

Wukumbucize wo Wulajilize 4:6

Mugakamisaje ko wihuwilwa. Na mu nzila yiyo, i wanhu we makungugo ganji, mumo mo wowonela vyono anye muli wanhu we mahala no wizuce. Nawo kolo wakuzihulika zose ze malajilizo gaga, wotya, ‘Mbeka nghungugo yiyi mbaha, wo wanhu wono wena mahala no wizuce!’

Yelemiya 25:3

“Nye wayangu! Mumanyile nha vyono mu myaka yiyi yose makumi mejete ne 'datu, ku wulawilila mu mwaka we likumi ne 'datu wo mutemi Yosiya, u mwana wa Amoni, lono yali yatemile mu yisi ya Yuda, sunga mwi'zuwa lye zuwali u Muwaha Mulungu kanonjelaga zinghani zakwe, ho nimulonjelenyi nanye. Nane nghali si naleka hamba kamonga ku wulawa lulo, kumulonjelenyi zose zono yakuwa kunhuma nimulonjelenyi. Ninga 'nye, hamba si muzityatililaga yaye.

Yelemiya 31:32

Ne cilagane cico, si colowa cihwanile ne cilagane ce katali yaye, cono nacinoza ne walezi wawo, lono nawakamisa, nghawawusa mu yisi ya Misili. Hamba niwe nali nili mulume wawo, ninga wene si wacikamisa yaye cilagane cico.

Yelemiya 35:14

Ninga mulanje vyono i wana wa Yonadabu wamuhulika u sogo yawo, lono yawalonjela vyono walecele lukulu kung'wa divayi. Na mbeka si wang'wezaga divayi, sunga nalu. Ninga ane nikalaga nghulonga nanye du nhondo zose, nanye hamba si mukuhulika yaye.

Zakaliya 1:4

Mulece kwihwana nhe wasogo zenyu wono katali i wawizi wawapela zinghani zangu ho wagalece metumo gawo mabi, hamonga no wubi wawo. Ninga wene siwahulika, hamba kumvumila 'ne yaye.

2 Watemi 17:13

Ninga Muwaha Mulungu yali yakondya kuwasugula Isilayeli na Yuda, mu nzila ye wanhu wono yawatumaga, hamonga ne wawizi, yakuwalonjela yakutya, “Mupituce muzilece zinzila zenyu zimbi, mwibate wuhile wangu, ne mejizo gangu gono gali mu wulajilize, wono nawalajiliza walezi wenyu, nghamulonjelelenyi nanye mu nzila ye wetumami wangu wawizi.”

Yelemiya 32:23

Ninga nawo wali weza kuza mono yisi yiyi, no kuyisola yiwe yawo, hamba si wasaka no kugebata ne malajilizo gako yaye, hamba kwikala mu mikalile ye mejizo gako ng'o. Hamba si wasuma kwituma nha vyono wali wuwalajilize wetume. Holeka nagwe luno wawaletela magayo gaga gose.

Yelemiya 34:14

mu ndumilizo yo mwaka wo mupunghati, yimunojeye munhu wo wose yamulece yawe welecele u muwanda wo wose we Cihebelaniya, mono yakondya kumwitumamila myaka mutandatu. Ninga i walezi wenyu si wazicelelela yaye, hamba kuzihulika zono nawalonjela ng'o.

Hoseya 4:1

Muwaha Mulungu, yena nghani yo kuwahosa wanhu wono wekaye mu'si ayi. Muhulicize, Isilayeli, muli zizo zono yakulonga, “Kweza kusina wihuwilwa hamba lusungu mu'si, ne wanhu hamba si wakumanya 'ne vyono nili Mulungu.

Hoseya 5:1

“Ale, muhulicize zizi, anye mo wakuhani! Muhulicize nyo Waisilayeli! Muteje makutu genyu anye nyo we nyumba yo mutemi! Hambi nha munojeye nyenye mulavye ning'aniza ye mbeka. Ninga alu, wuling'anizwe womuwuyilenyi nyenye nyo weneco. Hambi nha mweza muli mutego ku Mizipa, no lwavu lono lugoloywe mwi'tunda lya Taboli.