Yelemiya 11:4 - Luganuzi Luswanu Kuli Wanhu Wose 2002

⁴ Hambi nha co cilagane cono nacinoza ne walezi wawo, lono nawawusiza mu yisi ya Misili, mu yisi yono yali yinha nha moto mukali kuli wene. Nane nghawalonjela nha vyono wahulice 'ne no kwituma zinghani zose, zono nawalajiliza. Nane nghawaloloseza nha vyono, hono wazibate, wowa wanhu wangu, nane nowa Mulungu wawo.

Yelemiya 11:4 Referans Kwoze

Wukumbucize wo Wulajilize 4:20

Ninga anye muli wanhu mono mwawuswa ku Misili, mwi kongojelo lyono likwaka moto mukali. Yakamuletenyi, ho yamunozenyi muwe wanhu wakwe, nha vyono mwinha izuwali.

Walawi 26:12

Nowa nili hamonga nanye. Nane nowa Mulungu wenyu, nanye mowa wanhu wangu.

2 Wakolinto 6:16

Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, nane nowa Mulungu wawo, nawo wowa wanhu wangu.”

Zakaliya 8:8

Niwagomole wose wa ku wulawilila ku cilima sunga ko ku mwezi wawuye wekale mu Yelusalemi. Nawo wowa wanhu wangu, nane nowa Mulungu wawo, mono nowadimila mu mbeka na mu ling'ani.

Yelemiya 24:7

Nane nowasikamya, ho wamanye ane, vyono yo nene u Muwaha Mulungu. Nawo wowa wanhu wangu, nane nowa Mulungu wawo. Hambi lulo, nha wolombuyila 'ne, ko mutima wawo wose.”

1 Watemi 8:51

Hambi wene nha wanhu wako wono wawawusa ku yisi ya Misili mwi 'lambi lyo moto.

Zakaliya 13:9

Nane ho nowalanga wa walya we lifungu lye kadatu wono wasigaye, nane noweza nha fweza yono yezigwe no moto kanyhi nowajela nha vyono zahabu yikuwa kujelwa. Hobaho wonyhema, nane nowapitula, ‘Nane nowalonjela vyono wene wo wanhu wangu, awo wovumila vyono ane yo nene Mulungu wawo.’ ”

Ezekiyeli 37:23

Hamba si wolokwiyavufya weneco so wuhemba vihwani vye cevu, hamba kwiyinjiza mu wituma wubi yaye. Nane nolowawusiza lukulu mu zinzila zo wubi, na mu zinzila zono zosuma kuwambuza wangaluce'ne. Noloweza, nawo wolowa wanhu wangu, nane nolowa Mulungu wawo.

Ezekiyeli 36:28

Nanye ho mosuma kwikala mu yisi yono nawapela i walezi wenyu. Nanye mowa wanhu wangu, nane nowa Mulungu wenyu.

Ezekiyeli 14:11

Nane nokwituma zizi, i Waisilayeli ho walece kundeka'ne, no kwiyavufya so wubi wawo. Hambi nha yiwanojeye wawe wanhu wangu, nane niwe Mulungu wawo.” Yakutya Muwaha Mulungu.

Ezekiyeli 11:20

Nawo nhondo, ho wolowukamisa wulajilize wangu, no kugatyatya ko wihuwilwa malajilizo gangu. Nawo wolowa wanhu wangu, nane nolowa Mulungu wawo.

Yelemiya 30:22

Nawo wolowa wanhu wangu nane nolowa Mulungu wawo. Vyo nghutya, ane no Muwaha Mulungu.”

Yelemiya 26:13

Holeka anye munojeye du, mukawanize i mikalile yenyu mibi yono mwikalilaga, hamonga ne zinghani zenyu zimbi zono mwitumaga, kanyhi munojeye mumuhulice u Muwaha Mulungu u Mulungu wenyu. Nanye hono mwitume nhavivyo, nayo kowupitula wuhile wakwe wo kumongomezenyi, nha vyono yali yakondya kwihwesa.

Wukumbucize wo Wulajilize 11:27

Hono mugebate malajilizo go Muwaha Mulungu, u Mulungu wenyu, gono nghumulonjelenyi izuwali, ale, molugutwa.

Walawi 26:3

“Hono muwukamise wulajilize wangu no kwibata malajilizo gangu.

Mwamulizo 17:8

Nane nokupela gwegwe, hamonga no lulelo lwako, yisi yiyi yono wikaye nha wuli mujenzi, nha cinji yisi yose ya Kanani, yiwe yisi yenyu cibitilila, nane nowa Mulungu wawo.”

Wahebelaniya 5:9

Nayo yaza kukwilanicizwa, yakawa wo mwamulizo wo wukombozi we cibitilila kuli wose wono wakumuhulika,

Matayo 28:20

Kanyhi, muwejizaje, webate i malajilizo gose gono namupelenyi. Nane nili hamonga nanye vilo vyose, heya, sunga ko ku ndumilizo ye vilo.”

Zakaliya 6:15

Ne wanhu wono wekaye kutali, wose wolokuza ho mwitaze nawo, ku wuzenga kanyhi Nyumba yo Muwaha Mulungu. Nayo Nyumba kolo yakondya, baho ho molomanya vyono u Muwaha Mulungu we mihanga yo yanhuma kuli 'nye. Na zizi zose zoficilicila, hono anye wose mugavumile no kugatyatya i malajilizo go Muwaha Mulungu, u Mulungu wenyu.

Ezekiyeli 37:27

Nane nolokwikala baho hamonga nawo, Ane nolowa Mulungu wawo, nawo wolowa wanhu wangu.

Yelemiya 32:28

Nalu wulanje! Nomupela Nebukadineza u mutemi wa Babiloni hamonga ne wasilikale wakwe likaya lili, walisole,

Isaya 48:10

Nane nghakujeleka mu moto we magazo, nha vyono fweza yikwemwaga mu moto. Ninga hamba nhavivyo nghakuwona si wukwiliye yaye.

1 Samwili 15:22

Nayo Samwili yakamupitula yakatya, “Alu Sawuli, wukwihwesa Muwaha Mulungu yakwendezwa na nghani ya hayi, cihuliko, hamba vilavywa vye makumbiko? Ninga ane nghukutya, yili ciba kuwa ne cihuliko kuli mwene, si nha kumulavizya zingholo zono zijinile.

Wutuluce 20:6

Ninga nghuwawonela lusungu maelufu na maelufu, wawalya wono webate malajilizo gangu.

Isaya 30:6

Ayi nayo yo nghani yo Mulungu kuli vilimu vyose vyono vikaye mu nyika yo lubavu lwa kutakama, yakutya, “I wawaha wa Yuda, wajendaga muhinzo mutali, wakukola mu yisi yono yina mbali nyinji, i hanhu hono gekalaga masimba, mono mogali mazoka gono gena sumu nghali muno, hamonga ne mazoka gono gagulukaga. Wakukola mumo akuno ho wapaciye ne vinhu vyo wuguzi wukamu muno mu zindogowe na mu zingamiya zawo, ho walitegulile vipegwa likungugo lyono si lyosuma hamba kuwapela wutazi wo wose yaye.

Yelemiya 11:7

Hambi nha nawahomelela no kuwasugula i walezi wawo, lono nawawusiza mu yisi ya Misili, vyono yiwanojeye wahulice'ne. Kanyhi hamba si naduma baho du, langa najendelela kuwasugula wanhu sunga nalu.

Yelemiya 38:20

Ninga nane nghamutya, “Ng'o mutemi, si kosuma kwinjizwa mu miwoko yawo yaye. Ninga ane nghukunena wuyihulice nghani yo Muwaha Mulungu. Na zose zowa swanu du hali 'gwe, kokwiponya no wumi wako.

Danyeli 3:26

Hobaho Nebukadineza yakenuka yakasejelela behi no moto, yakacemeleza kwe vilungo yakatya, “Shedilaki! Meshaki! Na Abedinego! Wetumami wo Mulungu mumi! Mulawile muze kuno!” Nawo wakalawaniza lwa kamonga.

Wukumbucize wo Wulajilize 5:6

‘Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda.

2 Watemi 18:6

Hambi Hezekiya nha yali mwihuwilwa muno kuli Muwaha Mulungu, hasina hamba lizuwa linji lyono Hezekiya yamubeza Muwaha Mulungu. Ninga mwene, yali yagebate muno i malajilizo go Muwaha Mulungu gono yamupela Musa.