Yelemiya 10:9 - Luganuzi Luswanu Kuli Wanhu Wose 2002

⁹ Hambi i vihwani vivyo, nha vihiliwe du fweza yono yikulawa ku Sipeyini, ne zahabu yono yikulawa ku Ufazi, nayo yo milimo ye watyani wanghula, yivwalile myenda ye liwala lyo lugandu, hamonga na ye liwala lidunghu, i myenda mihone ne wanghula.

Yelemiya 10:9 Referans Kwoze

Zabuli 115:4

I milungu yawo nha ya fweza na zahabu du, yono yinozigwe ne miwoko ye wanhu.

Danyeli 10:5

Nali neza kugalamila kucanyha, nghawona munhu yunji yavwalile myenda ya bafuta, na mu ciwino, yewopile musipi wa zahabu.

Isaya 40:19

Hambi mwene nha si yehwanile ne vihwani vyono wanhu wavisesaga, vyono i watyani nawo, wavihiliwaga zahabu, hanyuma wawa kuvinozeza litende lya fweza.

1 Watemi 10:22

Hambi mutemi Solomona, nha yali yena ngalawa zono zajendaga mwi'lenga hamonga ne zingalawa za Hilamu. Na mu myaka yose, mu mwaka we kadatu, ngalawa zakwe zawuyaga zidinghuye zahabu, fweza, meno ga nhembo, ne manyani, hamonga ne majedengwa.

Ezekiyeli 27:12

“Wukanoza wusuluza ne yisi ya Hisipaniya, wukatuga fweza, na cuma, na bati, wukavitumamila mu vinhu vyako.

Zabuli 72:10

Ne watemi we Talishishi, hamonga ne vizingwa, wose womulipa kodi, watemi we Sheba na Seba, nawo womuletela vipegwa.

Isaya 23:6

Holeka nanye nyo wanhu wa Foyinike, mulile ko wusungu wuwaha! Mutizize ku Sipaniya!

Ezekiyeli 27:7

Ne mitote yako yo kwambila mbeho mu ngalawa, yali ya myenda ya bafuta. Yali mitalazwe ne bafuta ya Misili, ho yiwe vipelu kuyiwona, ku wulawilila kutali. Ne mapaziya gako, gali manoze no mwenda muswanu we liwala lyo lugandu, yono yikulawa ku vizingwa vya Kupulo.

Yona 1:3

Ninga Yona yakatuluka, ho yamutize Muwaha Mulungu. Yakabita ko ku Yopa, na kuko yakagana ngalawa yono yabitaga ku Talishishi. Yakalipa mu nghango ye nawuli yo kubitila, ho yabitane nawo ku Talishishi, i hanhu hono kosuma kuwa kutali no Muwaha Mulungu.

Habakuki 2:19

Woyi hee kuli 'nye! Mono mulilonjelaga libici mukutya, “Usinhuce!” Hamba kwi'bwe lyono si likulonga mukutya, “Winuce!” Alo mukwihwesa vyono cihwani cosuma kumugubulilenyi nghani yo yose lo? Heya, cidahile kuwa cihiliwe ne fweza hamonga ne zahabu, ninga hamba nhavivyo vyo cisina wumi du.

2 Zinghomo 9:21

Mutemi Solomona, yali yena ngalawa zono zabitaga ku Talishishi hamonga ne zingalawa zo mutemi Hulamu. Na mu myaka midatu, ngalawa zo mutemi Solomona, zaletaga zahabu, fweza, mbali za nhembo, ne zinyani, hamonga ne zindeje.

Hoseya 8:6

No munhu munghula mu Waisilayeli, yo munoza cihwani. Ninga yiyo ndama ye zahabu, yono wakuyihemba kuko ku Samaliya, yolobenanjizwa-benanjizwa tici-tici.