Yelemiya 10:7 - Luganuzi Luswanu Kuli Wanhu Wose 2002

⁷ Hamba nani 'mbi kanyhi, mono si kakogopaga gwegwe go mutemi we makungugo gose? Yo gwegwe du wuli wene mono wunojeye kogopwa, hambi nha hasina yunji wo wose, mono yehwanile gwegwe, muli we mahala wose wa mu makungugo, hamba muli watemi wawo.

Yelemiya 10:7 Referans Kwoze

Wugubule 15:4

Go Muwaha, alo nani'mbi mono si yakogopile gwegwe? Hamba nani'mbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali ling'ani kanyhi gejeye ne wanhu wose.”

Zabuli 22:28

Hambi u Muwaha Mulungu nha Mutemi, nayo yagatemile makungugo gose.

Yelemiya 10:6

Gwe go Muwaha Mulungu, nha hasina yunji wo wose kanyhi, mono yehwanile gwegwe, agwe wuli vilungo. Ne litagwa lyako likumucile muno, na mu wusume.

Yelemiya 5:22

Hambi ane nha yo nene Muwaha Mulungu, alu so cici si mukunyogopa yaye? Hamba socici si mukucicima hali'ne ng'o? Ane nha nawuwika musawawa wuwe wo mupaka we lilenga, wuwe wo mupaka we vilo vyose, wono lilenga si lyosuma kuwuponghola yaye. Heya hamba mawingo galyo gatunhume muno muno, ninga si gosuma kuponghola yaye. Ne mawingo, heya gokoloma muno muno, ninga hamba nhavivyo si gosuma kulapucila ku nhumbi yo mupaka yaye.

Zabuli 89:6

Alo nani 'mbi ku wulanga, mono kokwihwananizwa no Muwaha Mulungu? Hasina hamba monga mu viwumbwa vyose, vya ku wulanga, mono kokwihwananizwa nagwe!

Luka 12:5

Ninga nghumulajilenyi mono yinojeye mumogope: Mogopenyi mwene, mono yena wulajilize wo kumutajilila munhu mu moto we gehena, kolo yakondya kuwulaga, heya ye, nghumutyenyi, Mumogopaje yuyo.

Zakaliya 2:11

Na mu vilo vivyo makungugo menji golokuza kuli Muwaha Mulungu, nawo wowa wanhu wakwe. Nayo Muwaha Mulungu kolokwikala hamonga na nyenye. Nanye ho molomanya vyono mwene yo yanhuma kuli'nye.

Isaya 2:4

Kololamula zo wiwanganile we makungugo mawaha. Nawo wolotyana mimaje yawo yiwe masili, ne migoha yawo yiwe mimaje yo kududulila. Ne makungugo hamba si golokwihoma yaye, hamba kwiwikaniza so wihomi kanyhi.

Zabuli 86:9

I makungugo gose gono wagawumba, gokuza no kukuhemba gwegwe, 'gwe go Muwaha Mulungu, nago gokwanza zo wuwaha we litagwa lyako.

Zabuli 76:7

Agwe go Mulungu, mbeka wuli wa kogofya muno, alu nani kanyhi 'mbi, mono kosuma kukangalila hono wuwe wakolwa likuwo?

Zabuli 72:11

Ne watemi wose wa mono'nze, womupela cogopo, sunga ne wanhu we makungugo gose, womwitumamila.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

1 Wakolinto 8:6

hamba nhavivyo, kuli'se koyuli Mulungu yumonga du, Baba, u Muwumbi we vinhu vyose, mono sunga na sese nase, cili baha ku soko yakwe. Na kanyhi, koyuli u Muwaha yumonga du, yo Yesu Kilisito, mono nayo mu nzila yakwe, vinhu vyose vikawumbwa, na mu nzila yakwe na sese nase mo cikuwumipila.

Wutuluce 8:10

Nayo mutemi Falawo yakamupitula yakatya, “Ale, nhondo wunombelaje mitondo.” Nayo Musa yakatya, “Ale viswanu, nokwituma nha vyono wulombile. Nagwe nhondo, baho ho komanyila vyono, hasina mulungu yunji wo wose mono yehwanile no Muwaha Mulungu, u Mulungu wetu.

Wutuluce 9:14

Kanyhi wumanye nhondo vyono muhinzo wuwuno, hamba si nowalipiciza wetumami wako wali wene du, langa nokulipiciza sunga na gwegwe go mweneco, nagwe ho wumanye nha vyono hasina hamba monga mono yinze yiyino yose, mono yehwanile nene no Muwaha Mulungu.

Yoshuwa 4:24

Ku soko yiyo holeka wanhu wose wa kono'nze yiyi, wovimanya vilungo vyo Muwaha Mulungu, u Mulungu wenyu, vyono vinha. Nanye ho mojendelela kumupela cogopo u Muwaha Mulungu u Mulungu wenyu cibitilila.”

Esita 1:13

Moto wo mutemi, yali yendile kuwawuza i wetumbilwa wakwe zo wityatye no wulajilize we yisi.

Danyeli 2:27

Danyeli yakapitula yakatya, “Gwe mutemi, hasina muhawi, hamba mutowa cisangu, hamba we mahala go wizuce we zinyelezi, mono kosuma kuzilolosa zizi.

Danyeli 2:28

Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.

Habakuki 3:2

Gwe Muwaha Mulungu, ane hulika zono wetuma, nane nhuga woga wuwaha. Ale, alu'kanyhi mu vilo vyetu, witumaje metumo mawaha gono wagetuma lulo. Na lono wuli mwi'kuwo lyako, ninga weze no lusungu.

Malaki 1:11

Wanhu ku wulawa ku mhelo ye yinze, sunga ko ku mhelo nzagwe, wose wanyogopile nene. Hanhu ho hose wakufusiza wuvumba, no kulavya vilavywa vyono vikwiliye. Na wose wawo, wanyogopile nene!”

2 Watemi 17:39

Mweze muli cihuliko kuli'ne no Muwaha Mulungu u Mulungu wenyu, nane ho nomuponyenyi mu walugu wenyu.”

1 Zinghomo 16:25

Muwaha Mulungu nha yo yalawiliciye, yo munya lilumbo liwaha, kanyhi yo we cogopo kuciza milungu yose.

Zabuli 47:3

Kacipela wusume wo kuwasuma wanhu we makungugo, kagawika makungugo hasi yo wulajilize wetu.

Zabuli 86:8

Gwe Muwaha Mulungu, hasina mulungu mono yehwanile gwegwe, hamba hasina mono kosuma kuzinoza, zono agwe kuzinozaga.

Zabuli 147:5

Muwaha Mulungu wetu, yo Muwaha mono yalawiliciye, kanyhi yo we vilungo muno. No wizuce wakwe wusina ndumo.