Yelemiya 10:12 - Luganuzi Luswanu Kuli Wanhu Wose 2002

¹² Hambi u Muwaha Mulungu, nha yayiwumba yinze kwe vilungo vyakwe mweneco, yakayiwumba yinze kwe mahala gakwe mweneco, yakawutandalika sunga no wulanga.

Yelemiya 10:12 Referans Kwoze

Jobu 9:8

Hasina munhu wo wose mono yamutaziliza Mulungu kuwutandaza wulanga no kulikanyanjila i mawimbi ge lilenga.

Mwamulizo 1:1

Ku mwamulizo Mulungu yawumba u wulanga ne yinze.

Zimbazi 3:19

Muwaha Mulungu yayiwumba yinze, kwe mahala gakwe. Na ko wizuce wakwe, yakawusimya wulanga.

Isaya 40:22

Yinze yiyi, yawumbwa na mono yekaye mwi'goda lyakwe lyo wutemi, kucanyha ye yinze kuko ku wulanga. Ne wanhu wono wekaye mono'nze, wejelaga nha vinhu vidodo du, wehwanile mumehe. Mwene yakawukunzulula wulanga kotya mutote, yakawugolola nhe lihema, ho yekale mumo.

Wakolosayi 1:16

Hambi nha muli mwene mo Mulungu yaviwumbila vinhu vyose vyono vili mono yinze na vyono vili ku wulanga, vinhu vyono vijelaga ne vinhu vyono si vijelaga, we magoda matambule, ne Watemi, i Wawaha na wose wono wena u wulajilize. Vivi vyose u Mulungu yaviwumbila muli mweneco, na ku soko yakwe.

Yohana 1:3

Ivinhu vyose vyawumbilwa muli mwene, na hasina ciwumbwa cinji co cose cono cawumbwa, hono hasina mwene.

Zabuli 24:2

Hambi mwene nha yo yayizenga yinze mu cisolo ce lilenga, yakayisimya mu makolongo ge malenga.

Zakaliya 12:1

Azi zo nghani zono yakuzilonga Muwaha Mulungu kuli wanhu wa Isilayeli. U Muwaha Mulungu mono yawutandaza wulanga, yakayiwumba ne yinze, yakamupela no munhu wumi, yakutya,

Yelemiya 32:17

“Gwe go Muwaha Mulungu, hambi nha yo gwegwe du mono wawumba wulanga ne yinze, kwe vilungo vyako na ko wusume wako. Hambi nha hasina nghani yinji yo yose nghamu hali 'gwe.

Yelemiya 10:13

Yakagalajiliza i malenga ga ku wulanga gakolome, kanyhi yo mweneco mono kagaletaga mavunde, ku wulawilila ku ndumo ye yinze. Kanyhi yo mweneco mono kaganozaga mamuli, gawe kumulika mu madaha ge mvula, kanyhi kayiletaga mbeho mbaha mu wulawa mu viwutwa vyakwe.

Isaya 49:8

Muwaha Mulungu yakuwalonjela wanhu wakwe yakutya, “Kolo lizuwa lyo kumuponyenyi lyakondya kuza, ane nomuponyenyi, nomupitulenyi cililo cenyu co kusaka wutazi. Nolomudimenyi no kumucitilenyi, hamba muwe mwali mwakondya kuwika cilagane ne wanhu wose co kusaka wutazi. Kanyhi nolomudimenyi no kumucitilenyi, so cilagane cono nacinoza ne wanhu wose muli nyenye. Nane nomuwicenyi mwikale kanyhi mu yisi yenyu yono yali lyeza yitongo.

Isaya 48:13

Ne miwoko yangu yo yayiwika misinji ye yinze nghawutandaza no wulanga, nane kolo nghuzicema wulanga ne yinze, zikuwa kuza kamonga du ha mwande yangu.

Isaya 45:18

No Muwaha Mulungu yo Mulungu du yali wene mono yawuwumba wulanga! Kanyhi yo yayisimya no kuyiwumba yinze yakayinoza yisikame no kwikala cibitilila. Hamba si yayiwumba ho yiwe yitongo du lya caka, langa yayiwumba yiwe wikalo we wanhu. Kanyhi yo mweneco mono yakutya, “Ane yo nene Muwaha Mulungu du hamba hasina kanyhi mulungu yunji, langa nene du.

Isaya 45:12

Hambi nha yo nene mono nayiwumba yinze, hamonga ne wanhu wose wono wekaye mumo. Na mu vilungo vyangu, nghawutandaza wulanga. Kanyhi yo nene mono nghulilajiliza lizuwa, no mwezi, hamonga ne zinyelezi.

Isaya 44:24

“Ane yo nene Muwaha Mulungu wenyu, u muponyi wenyu. Ane yo nene mono namuwumbenyi. Ane yo nene Muwaha Mulungu, u muwumbi we vinhu vyose yo nene mono nawutandaza wulanga na lono nayiwumbile yinze, hasina hamba monga mono yanhaziliza.

Isaya 42:5

Mulungu yawumba wulanga, yakawa kuwutandaza, yakawa kuyisikamya yinze na vyose vyono vili mumo. Nayo yo kawapelaga wehele wanhu wose. Ninga aluno Muwaha Mulungu yakumulonjela mwitumami wakwe yakutya,

Zabuli 104:24

Gwe go Muwaha Mulungu, milimo yako, nha minji muno kanyhi yo wizine muno muno! Wavinozeza vinhu vyose mu mahala mawaha! Ne yinze yimemile viwumbwa vyako du!

Zabuli 33:6

U Muwaha Mulungu, yawuwumba wulanga ko wulajilize wakwe, ne vinhu vyose vya ku wulanga, vyawumbilwa mu wahulile wakwe.

Zimbazi 30:4

Alo nani 'mbi mono yagatema mahala ga ku wulanga? Hamba nani mono yasuma kuyifumbata mbeho mu muwoko wakwe? Hamba mono yasuma kugavunga malenga mu citema? Hamba mono yawika mipaka ye yinze nani? Alo yo nani mwene, hono wumumanyile? Ne litagwa lyo mwanagwe nani?

Zabuli 119:90

No wihuwilwa wako wikalaga mu zindelo zose, nagwe wuyisimizye yinze hanhu hayo, nayo hamba si yilawuka.

Zabuli 78:69

Nayo yakayizenga Nyumba yakwe kuko, yikawa yinha nho wikalo wakwe ku wulanga, yikawa yihwanile ne yinze, yono yayisimya yikamile cibitilila.

Jobu 26:7

Mulungu yo yawutandaza mwanya wa kusumuka, yakayitumbika ne yinze mu mwanya.

Zabuli 104:2

Wipilimye wuzelu nhe bulanjeti, kanyhi wuwutandaze wulanga nhe hema,

Zabuli 93:1

U Muwaha Mulungu yatemile yena ne nhojo yakwe! Muwaha Mulungu yevwicile nhojo ne vilungo! Nayo yayisimya yinze hanhu hayo, hamba si yosinjisicila lukulu yaye.

Mwamulizo 2:5

i yinze yali yisina vilimwa vyo vyose, hamba mibici yali yikali sinacindika, hambi Mulungu, u Muwaha Mulungu, nha yali yakali sinatonyeza mvula mu yinze, hamba munhu wo kuyilima, hali hakali hasina.

Jobu 37:18

Alu, wule, kosuma kumutaza Mulungu, mu wutandaze wo wulanga, no kuwunoza wuwe wung'alaye, nhe cilole ce cuma cono cikung'alala?

Isaya 37:16

“Gwe go Muwaha Mulungu we mihanga, go Mulungu wa Isilayeli, mono wikaye kucanyha ha ciligati ye Makelubi. Yo gwegwe du Mulungu wuli wene, mono wutemile mu matemi gose ge yinze.

Yelemiya 10:16

Hambi u Mulungu wa Yakobo, nha si yehwanile na wene, hambi mwene, nha yo yavinoza vinhu vyose, kanyhi yo mweneco mono yawahagula i wanhu wa Isilayeli, wawe wo wanhu wakwe wahagulwa. Ne litagwa lyakwe yakucemwa, U Muwaha Mulungu, we mihanga.

Yelemiya 27:5

“Mumanye vyono yo nene mono nayiwumba yinze kwe vilungo vyangu, hamonga no munhu, ne vilimu vyose vyono vikaye mono'nze. Nane nimupelaga munhu wo wose nha vyono nyendile nene no mweneco.

1 Zinghomo 16:26

Ne milungu ye zinghungugo zose, nha vihwani du, ninga u Muwaha Mulungu, yo yawumba wulanga.

Zabuli 65:7

kunyamazaga wukolome we lilenga, ne lizozo lye mawingo galyo, agwe kunyamazaga sunga ne lizozo lye wanhu.

Yelemiya 14:22

Hambi mu makungugo gose, nha musina cihwani co cose cono cosuma kutonyeza mvula, sunga ne mavunde, nha sigosuma geneco du kunyunyutya mvula. Holeka ase, witumbilo wetu wose, wuli kuli 'gwe go Muwaha Mulungu go Mulungu wetu. Hambi nha yo gwegwe du mono kwitumaga zizi zose.