Yelemiya 10:10 - Luganuzi Luswanu Kuli Wanhu Wose 2002

¹⁰ Ninga agwe go Muwaha Mulungu, nha yo gwegwe du, go Mulungu we mbeka, yo gwegwe du go Mulungu mumi, kanyhi yo gwegwe du go mutemi we cibitilila. Na lono wuwe wakolwa ne likuwo, i yinze yicicimaga, sunga ne makungugo, si gakuwa kusuma yaye kulikangalila likuwo lyako.

Yelemiya 10:10 Referans Kwoze

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Zabuli 76:7

Agwe go Mulungu, mbeka wuli wa kogofya muno, alu nani kanyhi 'mbi, mono kosuma kukangalila hono wuwe wakolwa likuwo?

Nahumu 1:6

Nani mwene mono kosuma kupona, kolo mwene yakukolwa likuwo? Hamba nani mono kolosuma kusigala mu wogofye we likuwo lyakwe? Yakwita lilambi lye likuwo lyakwe, ne matalawe gakubiduka mu manghundi ha mwande yakwe.

Zabuli 42:2

Nimukaluciye Mulungu, heya, nina nyhilu yo Mulungu mumi. Alu, hamba nomuficila nili ho nimuwone?

Zabuli 100:5

Hambi u Muwaha Mulungu nha muswanu, no lusungu lwakwe lwikalaga cibitilila, ne mbeka yakwe yikalaga mu zindelo zose.

Wugubule 20:11

Hanyuma nghawona ligoda liwaha lyo wutemi, yizelu, na mono yekaye mwi'goda lilyo. I yinze hamonga no wulanga, vikatiza ha mwande yo wusu wakwe, hamba si vyejelela lukulu kanyhi.

Zabuli 31:5

Nghuwuwika muhe wangu mu miwoko yako, wumhonye 'gwe go Muwaha Mulungu, go Mulungu we mbeka.

Zabuli 10:16

Nayo Muwaha Mulungu, yo mutemi, cibitilila ne cibitilila! Ne makungugo gono si gamumanyile mwene, gokwajililila lukulu, hamba kwijela kanyhi mu yisi yakwe.

Zabuli 18:7

Baho yisi yikasinjisika no kucicima, ne misinji ye matunda nayo yikayumbayumba, vyono Mulungu yali yakolwa likuwo.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Wahebelaniya 10:31

Ku wugwila mu miwoko yo Mulungu mumi yo nghani ya kogofya muno muno.

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

1 Watesalonike 1:9

Hambi i wanhu wawo weneco nha wakuciganulila nha vyono caza kwenyu, ne nghango ya vyono mwacibocela, na vyono mukaleka vihwani, no kumupitucila u Mulungu mumi na we mbeka,

Metumo ge Watumwa 14:15

“Nhawulenyi mukwituma zizi? Nase nha cili wanhu du kotya nyenye. Nase cili baha ho cimuganulilenyi Luganuzi Luswanu, ho muzilece zizi zo wulele, mumupitucile Mulungu mumi mono yawumba wulanga ne yinze, lilenga na vyose vyono vili mugati.

Malaki 3:2

Nani 'mbi mono kolosuma kukangalila mwi'zuwa lilyo lyo wuze wakwe? Hamba nani mono kolosuma kwima kolo yakwijela mwene? Hambi mwene nha kolowa nha sabuni yono yikukanza myenda, kanyhi kolowa nha moto wono wukukwema fweza.

Habakuki 3:6

Hono yakwima, yisi yikusinjisika, na mu wulanje wakwe, makungugo gakucicima. Ne matunda ge cibitilila gakubeneka. Ne vigongo vye cibitilila vikudodomela hasi, vigongo vyono mwene yakolaga mu vilo vye katali.

Mika 1:4

Ne matunda gokwenjeduka hali mwene, kotya lihula vyono lyenjedukaga mu moto, gohulumila mu malolo, kotya malenga gakuhuluma gakulawa mu cigongo.

Zabuli 146:6

mono yawumba wulanga ne yinze, ne lilenga, sunga na vyose vyono vili mumo. Mwene kawukamisaga wihuwizo wakwe cibitilila.

Zabuli 145:13

No wutemi wako, wo wutemi we cibitilila, no wulajilize wako, nha wikalaga cibitilila. U Muwaha Mulungu nha mwihuwilwa, mu wihuwizo wakwe, kanyhi yali lusungu mu nyituma yakwe.

Zabuli 114:7

Holeka 'lu agwe go yinze, wucicime hali Muwaha Mulungu, heya, hali Mulungu wa Yakobo,

Zabuli 104:32

Mwene kayilangaga du, yinze nayo yiwa kucicima caka, kanyhi kagapamizaga du matunda, nago gawa kulavya lyosi!

Zabuli 97:4

Ne mamuli gakwe gakuyimulicila yinze, nayo yinze yikugawona yiwa kucicima.

Zabuli 93:2

Ne ligoda lyako lyo wutemi, lyawikwa ku wulawa katali. Nagwe wali wuli baho, ku wulawa cibitilila ne cibitilila.

Zabuli 90:11

Alo nani 'mbi, mono kosuma kumanya zo wukali we likuwo lyako? Hamba nani lu mono yaziceleleye zo wukali wako?

Zabuli 84:2

Nghusulumila niwe mu Nyumba yo Muwaha Mulungu. Nane nghumusangalalila Mulungu, mumi kwe nhumbula yangu, na ko muwili wangu wose.

Zabuli 77:18

Lizi lye libalalusi lyako, likaza, limuli lyayo, likayimulika yinze nayo, yinze yikasinjisika, yikacicima.

Jobu 9:6

Mulungu kaletaga litulo, kawa kuyisinjisa yinze, ne masumbili gayo, gawa kucicima.

2 Zinghomo 15:3

Hambi nha wulawa vilo vinji, Waisilayeli wali wekaye wasina Mulungu we mbeka, hamba Wakohani, wono wali wawejize, kanyhi wali wasina hamba wulajilize, wono wali wawutyatye.

1 Watemi 18:39

Nawo wanhu wali weza kuziwona zizi, wakebamiliza hasi, wakazoza wakutya, “Muwaha Mulungu yo Mulungu, u Muwaha Mulungu yo Mulungu yali wene du!”

1 Samwili 17:36

Ane nakondya kugawulaga masimba sunga ne madubu, holeka nomunoza nhavivyo no Mufilisiti yuyu mono si yalame, mono yakulitovulanga lipuga lye wasilikale wo Mulungu mumi.

1 Samwili 17:26

Dawudi yakawawuza i wanhu wono wali wemile behi nayo yakawatya, “Ati, u munhu mono komuwulaga u Mufilisiti yuyu, yawakomboze ne Waisilayeli mu wulawa mu cevu cici, kotuga cici? Hamba nhavivyo mwene yuyu yo nani mwene u Mufilisiti mono si yalame, mono yakuwatovulanga lipuga lye wasilikale wo Mulungu mumi?”

Walamuzi 5:4

“Go Muwaha Mulungu lono wagaleka i matunda ga Seyili. Wukajendelela sunga wukalawila mu nyika ya Edomu. Yisi yikacicima, wulanga wukalagaza malenga, ne mavunde gakatonya malenga.

Wukumbucize wo Wulajilize 5:26

Alu mwene, mbeka ho yuli munhu wo wose we nghuli, mono yekala mumi mono yahulika Mulungu mumi yakulonjela mu wulawa mu moto?

1 Timoteyo 6:17

Wuwalonjelaje iwanhu wagoli we vinhu vye mikalile ya lulu, walece kwidunhumula, hamba kuwika u witumbilo wawo mu sawo yono siyidahile kwitumbilwa, langa wamwitumbilaje Mulungu, mono ko wuswanu wakwe, kacipela i vinhu vyose civisangalalile.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Matayo 26:63

Ninga Yesu yakanyamala twii du. Nayo u Mukohani Muwaha yakamutya, “Nghukwilahiza kuli u Mulungu mumi, wucilonjelaje hono yo gwegwe Kilisito u Mwana wo Mulungu!”

Matayo 16:16

Simoni Petelo yakapitula yakatya, “Agwe yo gwegwe Kilisito u Mwana wo Mulungu mumi.”

Habakuki 3:10

Ne matunda nago, kolo gakukuwona, gakucicima, ne malenga nago, gakumwajika ku wulawa ku wulanga, ne malenga gono gali hasi ye'si, gakukoloma hawaha.

Yoweli 2:11

Hambi Muwaha Mulungu nha yakuwalajiliza lipuga lye wasilikale wakwe kwe'zi yiwaha, nalyo lipuga lyono limuhulicile, wo wenji muno, kanyhi wali vilungo. Wugayeci wono wolowa, mwi'zuwa lilyo lyo Muwaha Mulungu! Nani 'mbi mono kolokangalila?

Danyeli 7:14

Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Danyeli 6:26

Nene Daliyo, nghumulajilizenyi anye wose wa mu wutemi wangu, vyono wanhu wose, munojeye mumogope no kumupela cogopo Mulungu wa Danyeli. “Mwene yo Mulungu mumi, Mono kolotema cibitilila. No wutemi wakwe, siwulahodanjika yaye, ne vilungo vyakwe sivyoloduma yaye.

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Danyeli 4:3

Vitanjilo vyakwe nha viwaha, vyono Mulungu mumi yakucilajila! Ne mezino ge vilungo nha mawaha gono yakwituma. Mulungu yo Mutemi cibitilila, kanyhi yo kolotema mu zindelo zose.”

Yelemiya 23:36

Ninga si yiwanojeye wajendelele kwitumamila zinghani zo wutya, ‘U mutegulo wo Muwaha Mulungu.’ Na hono munhu wo wose yejelele du yanoze nhavivyo, nane noyinoza nghani yangu mbeka yiwe mutegulo kuli munhu yuyo. Hambi i wanhu nha wakondya kuzileka zinghani zo Mulungu wawo, u Mulungu mumi, u Muwaha Mulungu, we mihanga.

Isaya 37:17

Alu 'gwe go Muwaha Mulungu wucihulice, kanyhi wuzilangaje zono zeza kucijelela. Kanyhi wuzihulikaje zinghani zose zono Senakelibu yakukulonga agwe no kukutovula go Mulungu mumi.

Isaya 37:4

Hambi u mutemi wa Ashuli, nha kamutuma mwitumami wakwe ho yaze yamutovule u Mulungu mumi. Holeka nghukulomba, u Muwaha Mulungu, u Mulungu wako yagahulice matovulo gaga, yawalipicize wawo wono wagalonjile. Na kanyhi nghukunena wuwalombele kuli Mulungu i wanhu wetu wono wasigaye.”

Zabuli 68:11

U Muwaha Mulungu kalavyaga wulajilize kamonga du, nawo wacekulu yipuga yiwaha, wawa kuzitandaza zinghani zizo,

Mwamulizo 21:33

Abulahamu yakawuhadika kuko ku Belisheba u mubici wo musisi, yakamuhembo Mulungu, u Mulungu we cibitilila.

1 Watemi 8:60

Ne makungugo gose ga kononze ho gomanya nha vyono, Muwaha Mulungu yo Mulungu du yali wene, hasina yunji kanyhi.

Zabuli 29:10

U Muwaha Mulungu yo yatemile lihwazi lye malenga Muwaha Mulungu yo mutemi, yatemile cibitilila.

Zabuli 68:8

Yinze yacicima, sunga no wulanga nawo wukatonya mvula, ku so wuze wako, go Mulungu wa Sinayi, heya, so wuze wako go Mulungu wa Isilayeli!

Zabuli 90:2

Agwe yo gwegwe go Mulungu, we cibitilila ne cibitilila, mono wali wuli baho du, sunga na lono matunda gali gakali si nawa, hamba yinze kuwumbwa.

Isaya 40:15

Makungugo gose, yo nghani ya bwete du hali Muwaha Mulungu, hambi nha genha mabanhi du ge malenga, ne vizingwa vyo kutali, kaviwonaga vipelumhile muno nhe manghundi.

Isaya 65:16

No munhu wo wose wa mu'si, mono kosaka wumoteswe, kololomba yapegwe wumoteswe no Mulungu Mwihuwilwa. No munhu wo wose, mono kokwilahiza, kolokwilahiziza mwi'tagwa lyo Mulungu Mwihuwilwa. Ne magazo ga mu vilo vye katali, gose golomalika no kugasemwa.”

Yelemiya 4:2

ale, yowa viswanu kuli'nye mwilahizize mwi'tagwa lyangu. Na mu nzila yiyo i makungugo gose wosaka'ne, niwapele wulugutwe, nawo womhela lukumyo.”

Yelemiya 4:24

Nali neza kulanga mu matunda, nghagawona matunda gakucicima, navyo vigongo vyazumhazumhaga du ako na ako.

Yelemiya 50:46

Na kolo Babiloni yakondya kugwa, yisi yolocicimila lizi lyo wugwe wuwo, ne cililo cayo colohulikwa kutali, sunga ko ku nghungugo zinji.”

Yelemiya 51:29

Sunga ne yisi yose yikucicima, ku soko u Muwaha Mulungu, yeza kuzifisiliza zono yazilonga, yayinoze Babiloni yiwe nyika, yiwe yisina hamba munhu mono kokwikala mumo.

Yoshuwa 3:10

Munghango yono mocila kwinjila, u Muwaha Mulungu nayo vyo kocila kuwawinga Wakanani, Wahiti, ne Wahivi, ne Wapelizi, hamonga ne Wayebusi, ne Wagiligashi, ne Waamoli. Ho momanya vyono u Mulungu mumi yali hamonga nanye.

1 Zinghomo 29:11

Agwe yo gwegwe mono wuwaha wo wako, kanyhi ne vilungo, no lukumyo, no wusume, no wutemi. Ne vinhu vyose vya ku wulanga na vyono vili mono yinze, vyose nha vyako, kanyhi agwe wutemile vyose, kanyhi wuli muwaha muli vyose.

Zabuli 9:8

Nayo yakuyiling'aniza yinze kwe ling'ani, kanyhi yakugaling'aniza makungugo mu wulunji.

Zabuli 74:12

Agwe go Mulungu, yo gwegwe mono wuli mutemi wetu ku wulawa katali na katali, mono kunozaga mhonelo mono'nze yose.

Zabuli 76:8

Nagwe nha kuyilajila ning'aniza yako, vyono yinha, ku wulawa ku wulanga, nayo yinze yiwa kogopa no kunyamala twii,

Zabuli 100:3

Mumanye vyono Muwaha Mulungu, yo Mulungu du. Yo mweneco mono yaciwumba, nase cili sawo yakwe, cili wanhu wakwe, kanyhi cili ngholo ze madimo gakwe.

Isaya 40:28

Alu mwene anye si mumanyile? Hamba mukali nahulika? Hambi Muwaha Mulungu, nha yo Mulungu we cibitilila, kanyhi yo yayiwumba yinze yose. Mwene si kakatalaga, hamba kudobanya yaye. Hasina munhu mono kosuma kugamanya mahala gakwe.

Danyeli 6:27

Mwene kaponyaga no kudima, ketumaga mapoto no wizine ku wulanga na kono'nze. Kamuponya Danyeli, yalece kuwulagwa ne zisimba.”

Nahumu 1:5

Ne matunda gawa kucicima ha mwande yo Muwaha Mulungu, ne vigongo vyayo viwa kwenjeduka ha mwande yakwe. Nayo Muwaha Mulungu, kolo yakwilajila, yisi yiwa kusinjisika, yinze hamonga ne wanhu wose wawa kucicima.