Yelemiya 1:9 - Luganuzi Luswanu Kuli Wanhu Wose 2002

⁹ Hanyuma ya zizo, u Muwaha Mulungu yakawugolola muwoko wakwe, yakamhamiza mu mulomo wangu, yakanyitya, “Langa ta, alu, nghukutajila zinghani zangu mu mulomo wako zono kosuma kuzilonga.

Yelemiya 1:9 Referans Kwoze

Luka 21:15

hambi nha nomupelenyi mahala no wizuce wo kulonga, vyono walugu wenyu wose si wosuma kuvimila hamba kupinga.

Luka 12:12

Hambi u Muhe Mono Yelile nha kolomwijizenyi mu cipango cico zono mololonga.

Isaya 51:16

Yo nene mono nawutandaza wulanga, nghasimya ne misinji ye yinze, nghayilonjela Yelusalemi nghatya, ‘Anye muli wanhu wangu! Nakondya kumwijizenyi mejizo gangu, kanyhi nghumucitilenyi no muwoko wangu.’ ”

Isaya 50:4

Nayo Muwaha Mulungu nha yanyijiza zono nolonga, ho sume kuwasikamya wono wakataye muno. Nhondo zose hakali mitondo, kanozaga niwe muhidimbazi kuzihulika zono yakunyijiza.

Matayo 10:19

Holeka kolo wakumutegulenyi kuli mahakama, anye mulece kuwa na mahwele kuli zono molonga hamba lunji molonga nyhici, hambi nha mopegwa yono molonga mu cipango cico.

Yelemiya 5:14

U Muwaha Mulungu yakanonjela yakatya, “Gwe Yelemiya, alu vyono i wanhu wawa wakulonga nha vivyo, alu nane noyinoza inghani yangu yiwe nha moto mu mulomo wako. Nawo wanhu wawa, wawe nha ngwagu, nawo moto, wowatakamiza wose.

Ezekiyeli 3:10

Mulungu yakajendelela kunonjela kanyhi yakatya, “Gwe go munhu, zinghani zangu zose zono nghulonjeye wuzikumbucilaje, kanyhi wuzibate mu nhumbula yako.

Isaya 49:2

Yakazinoza zinghani zangu ziwe kuhoma nho mumaje. Kanyhi yakanyhitila no muwoko wakwe. Yakanoza 'ne niwe nha songa nghali muno yono yiwikanizwe ku wugume.

Maluko 7:33

Nayo Yesu yakamutezeza ha mhelo ye lipuga lye wanhu, yakenjiza vidole vyakwe mu makutu, yakafunya mate no kumupamiza mu lulimi lwakwe.

Wuwale 23:5

Muwaha Mulungu yakamulonjela Balamu zose zono yanojeye yakazilonje. Yakawa kumukombola yabite kuli Balaki yakamulonjele zono yamulonjeye yalonje.

Wukumbucize wo Wulajilize 18:18

Holeka alu nowaletela muwizi mono yehwanile gwegwe, mono kolawa muli weneco. Nane nomulonjela zono kolonga, nayo kowalonjela i wanhu zinghani zose zono nowa kulajiliza.

Yelemiya 36:2

“Alu gwe Yelemiya, wusole kalatasi mhalinje ye ligolo-golo, wandice zinghani zose za Isilayeli na Yuda, hamonga ne makungugo gose, zono nakulonjelaga. Wandice zinghani zose zono nakulonjelaga, ku wulawilila ha mwamulizo lono namula kulongana nagwe, lono Yosiya yali yakali yatemile, sunga mwi'zuwa lye zuwali.

Danyeli 10:10

Ninga hanyuma hadodo, u munhu yuyo yakanyibata no muwoko, yakawa kunyinula, yakawa kusimya fugame, ne miwoko yangu yibate hasi. Ninga mwi'daha lilyo, nali nghali du nghucicima.

Danyeli 10:16

Hanyuma malayika yuyo mono yejelaga yehwanile munhu, yakawugolola muwoko wakwe, yakamhamiza mulomo wangu Nane nghamutya, “Gwe muwaha, wugubulilwe wuwu, wukunyhepula vilungo vyangu, si nghusuma no kwiyimila ho ndece kucicima.

Wukumbucize wo Wulajilize 18:16

Kanyhi mukumbucile mwizuwa lilyo, lono mwali mwihangulize he 'tunda lya Sinayi, mwatya vyono si mosaka mwidome no Muwaha Mulungu yalongane nanye kanyhi, hamba si mwasaka muwuwone no wusu wakwe, vyono mogopaga mulece kufwa.

Wukumbucize wo Wulajilize 18:17

Nayo Muwaha Mulungu yakanonjela yakatya, ‘Heya wanoza wulamule wuswanu we mahala.

Isaya 59:21

Hambi nha nakondya kunoza cilagane nanye. Nane nakondya kumujidilenyi muhe wangu, nghamwijizenyi ne mejizo gangu ho gawe muli'nye cibitilila. Holeka ku wulawilila lulu, munojeye muhulice'ne, kanyhi muwejize ne wana wenyu hamonga ne zindelo zenyu, vyono wose wanojeye weze ne cihuliko kuli'ne ku wulawa lulu sunga cibitilila.”

Yelemiya 15:19

Nayo Muwaha Mulungu yakamhitula yakatya, “Hono wuwuye, nane nokugomola, nagwe kowa wuli mwitumami wangu kanyhi. Na hono wuzilece zinghani ze cibwete-bwete, wuwe kuganula zinghani zangu, baho langa ho kowa wuli muwizi wangu kanyhi. Ne wanhu wokuziza gwegwe, ninga agwe kowa wusina soko yo kuwabitila wene.

Yelemiya 34:6

Ale du, nane nghawa kumubitila mutemi Zedekiya, kuko ku Yelusalemi,