Yelemiya 1:8 - Luganuzi Luswanu Kuli Wanhu Wose 2002

⁸ Holeka wulece kuwogopa i wanhu wawo, hambi ane nha nowa hamonga nagwe ho nghudime. Vyo nghutya ane no Muwaha Mulungu.”

Yelemiya 1:8 Referans Kwoze

Yoshuwa 1:5

Kanyhi Yoshuwa, wumanye vyono kowa kusina hamba yunji wo wose mono kokusuma, sunga ko ku ndumo yo wikale wako. Nowa hamonga nagwe nha vyono nali nili hamonga na Musa. Nowa hamonga nagwe mu vilo vyose, hamba si nokuleka yaye.

Yoshuwa 1:9

Wukumbucile vyono, yo nene nakulajiliza wuwe ne vilungo ne nhumbula yo wutung'ati. Holeka wulece kogopa hamba kukatala, hambi ane no Muwaha, Mulungu wako, nha nowa hamonga nagwe ko kose kono kowa kubita.”

Isaya 51:7

“Ale, muhulicizaje ta anye wose mono muzimanyile ze ling'ani, anye wose mono mugebate mejizo gangu mu zinhumbula zenyu. Mulece kuwa no woga lono wanhu wakumulijenyi no kumutovulenyi,

Wukumbucize wo Wulajilize 31:6

Mweze ne vilungo ne nhumbula yo wutung'ati, mulece kuwa no woga hamba kuwogopa yaye. Hambi Muwaha Mulungu, u Mulungu wenyu, nha yali hamonga nanye, si komucepucilenyi, hamba si komulecenyi yaye.”

Metumo ge Watumwa 4:13

Wawo wanyamhala wo mukung'ano, wali wawamanyile wa Petelo na Yohana vyono wali wanhu du wono si wasomile, ninga wakawezina kuwawona wakulonga kwe vilungo wasina hamba woga. Wakawezuka, vyono wawezanaga na Yesu.

Wukumbucize wo Wulajilize 31:8

Nayo Muwaha Mulungu, mweneco yo kokutonga kanyhi kowa hamonga nagwe. Nayo si kokucepucila hamba kukuleka yaye. Holeka wulece kutununhika mu nhumbula yako hamba kuwa na woga yaye.”

Wutuluce 3:12

Ninga Mulungu yakamutya Musa, “Ane nowa nili hamonga nagwe, na kolo wakondya kuwawusa wanhu ku wulawa ku Misili, waze wahembe nene mwi'tunda alino, cico cowa co citanjilo cono colajila vyono, ane yo nene mono nghutumile.”

Metumo ge Watumwa 18:10

hambi ne nha nili hamonga nagwe. Hamba hasina munhu mono kosuma kukutamisa, hambi nha nina wanhu wenji wono wali ku lubavu lwangu, mumu mwikaya lili.”

Isaya 43:2

Na kolo mukukola mu malenga matali, ane nowa nili hamonga nanye. Ne magayo genyu, hamba si gomugubizenyi yaye. Na kolo mukukola mu moto, hamba si mopya yaye, ne majelo mawaha muno, hamba si gomusumizenyi yaye.

Metumo ge Watumwa 26:17

Nane nokuponya muli wanhu wa Isilayeli, na muli wanhu wono si Wayahudi, kuli wono nghukutuma.

Metumo ge Watumwa 4:29

Alu Muwaha wulanje wogofye wawo. Wucipelaje vilungo co wetumami wako ho ciyiganule nghani yako cisina woga.

Matayo 28:20

Kanyhi, muwejizaje, webate i malajilizo gose gono namupelenyi. Nane nili hamonga nanye vilo vyose, heya, sunga ko ku ndumilizo ye vilo.”

Matayo 10:26

“Holeka anye mulece kuwogopa iwanhu we liwala lilyo. Hambi co cose cono cigubicizwe, nha cologubulwa, na co cose cono cihundicizwe nha cololawila kuzelu.

Yelemiya 20:11

Ninga 'gwe go Muwaha Mulungu, nha wuli hamonga nane, yo gwegwe wuli vilungo vyangu, hamonga no wusume wangu. Nawo wono wakungaza, wose wogwa citawima, hamba si wosuma yaye, langa wokozwa cevu cibitilila. Ne cevu cawo hamba si colosemigwa yaye.

Yelemiya 1:17

Holeka, aluno wiwikanizaje 'gwe Yelemiya, wubite wukawalonjele zinghani zose, zono ane nghukulajiliza wukazilonje. Ninga luno, wulecele lukulu kuwogopa. Na hono wuwogope, nane nokunoza wucile kuwogopa lono wuli hali wene.

Isaya 51:12

Muwaha Mulungu yakutya nhavi, “Ane, yo nene du, mono nghuwa kumusikamyenyi. Alu nhawule mukumogopa munhu we nghuli mono si kekalaga vilo vinji, yehwanile mahanze?

Waefeso 6:20

Ane nili mutumwa ku soko ya lulo Luganuzi Luswanu hamba niwe alu nili mu jela. Ale lombenyi ho sume kuwa sina woga mu wuganule nha vyono yinojeye.

Yelemiya 1:19

Holeka wene wolewana nagwe, ninga si wokusumila lukulu. Hambi ane nha nowa nili hamonga nagwe ho nghudime. Vyo nghutya ane no Muwaha Mulungu.”

Yelemiya 30:11

Ane nolomuzizenyi, nimuponyenyi. Nologongomeza i makungugo gose, i hanhu hose hono namwiyagazizenyi. Anye langa, si nolomongomezenyi yaye. Ninga hamba nhavivyo, si nolomulecenyi du, ndece kumulipicizenyi yaye, langa nolomulipicizenyi kwe ling'ani du, vyo nghutya, ane no Muwaha Mulungu.”

Yelemiya 39:11

Lulo, u mutemi Nebukadineza, yakamulajiliza Nebuzaladani, u muwaha we wasilikale, yakamutya,

Yelemiya 42:11

Holeka luno, mulecele lukulu kumogopa kanyhi u mutemi wa Babiloni. Hambi 'ne nha nili hamonga nanye, nane nomuponyenyi mu miwoko yakwe.

Danyeli 3:17

Langa u Mulungu wetu mono cikumuhemba, yo kosuma kucitaza mwi'lambi lyo moto, hamonga na mu vilungo vyako.

Danyeli 3:25

Kanyhi yakawatya, “Alu nhawule nghuwona wanhu wane, wono wakujendajenda mu moto? Kanyhi hamba siwawopwe yaye, hamba siwakulajila vyono watamiswe. No muyawo we kane, yakwijela kotya nha malayika.”