Yelemiya 1:17 - Luganuzi Luswanu Kuli Wanhu Wose 2002

¹⁷ Holeka, aluno wiwikanizaje 'gwe Yelemiya, wubite wukawalonjele zinghani zose, zono ane nghukulajiliza wukazilonje. Ninga luno, wulecele lukulu kuwogopa. Na hono wuwogope, nane nokunoza wucile kuwogopa lono wuli hali wene.

Yelemiya 1:17 Referans Kwoze

1 Watemi 18:46

I vilungo vyo Muwaha Mulungu vikamuziza Eliya, yaketunga myenda yakwe mu ciwino, yakebata lumangho ku mwande ya Ahabu, yakamangha nzila yose, sunga yakafika ku Yezeleli.

1 Petelo 1:13

Ale, holeka mwiwikanizizaje lukulu ko wuhile no kwikala meso. Wicenyi witumbilo wenyu wose mu wumoti wulya wono molopegwa mwi'daha lono Yesu Kilisito yakwijela!

Luka 12:35

“Mweze mwiwikanize muli yoyose yono yokwijela, ne misipi yenyu yeze miwope mu viwino, ne zitala zenyu ziwe kwaka;

Yelemiya 23:28

U muwizi mono yena zindoto, yalonje ze zindoto zakwe du. Nayo muwizi mono yena i nghani yangu, yayilongaje nghani yangu ko wihuwilwa. Alo mawaje gena cambuzici, ho wugehwanicize no wuhemba?

Wutuluce 7:2

Nagwe wumulolosezaje Haluni zose zono nghukulajiliza, nayo yamulonjele mutemi Falawo yawalece Waisilayeli wawuce mumo mu yisi yakwe.

Jobu 38:3

Witungaje nha wuli munhu, wupitule mawuzo gono nokuwuza.

Metumo ge Watumwa 20:27

Hambi nha sinaleka kumuganulilenyi nghani zose zo Mulungu.

Metumo ge Watumwa 20:20

mumanyile vyono sinaleka hamba hadodo kumuganulilenyi cagalanze na mu zinyumba zenyu, no kumwijizenyi yo yose yono yomukwilenyi.

Wutuluce 3:12

Ninga Mulungu yakamutya Musa, “Ane nowa nili hamonga nagwe, na kolo wakondya kuwawusa wanhu ku wulawa ku Misili, waze wahembe nene mwi'tunda alino, cico cowa co citanjilo cono colajila vyono, ane yo nene mono nghutumile.”

1 Wakolinto 9:16

Na hono yiwe ane nghuluganula u Luganuzi Luswanu, ayo yo si nghani yo kwilumbila, langa wo mulimo wangu du, wono napegwa. Holeka, woyi he kuli ne, hono ndece kuluganula Luganuzi Luswanu!

Yona 3:2

Yakamutya, “Ale wubite ku Ninawi, kwi'kaya alilya liwaha, wukawalonjele i wanhu zinghani zono nghupeye.”

Yelemiya 17:18

Holeka 'gwe go Muwaha Mulungu, wuwakoze cevu, wose wono wakunyiwonela'ne. Ninga 'ne nghukunena wundece 'gwe go Muwaha Mulungu. Wuwogofye wene muno muno, ninga ane, wulece kunyogofya. Wuwaletele wongomezwe, wuwabenanjize.

2 Watemi 4:29

Elisha yakamupitucila Gehazi, yakamutya, “Ale, wusunhe! Wusole nghome yangu wubite mbela. Kanyhi wulece kucela mumo mu nzila so wilamusa na wanhu, na hono yunji yakulamuse, ale wulece kusola yidaha mu witambuze. Wubite wugolocile sunga wufice ku kaya, wukayijelece nghome yiyi mucanyha yo mwana.”

1 Watesalonike 2:2

Mumanyile vyono catamiswa, no kutovulwa akulya ku Filipi, lono cali cikali si nafika u kwenyu ku Tesalonike. Hamba kuwe kwali kowuli wiwanganile winji, ninga u Mulungu wetu, yakacipela wuluwuce wo kumuganulilenyi u Luganuzi lwakwe Luswanu.

2 Watemi 9:1

Hanyuma Elisha yakamucema yumonga wa muli wawizi we cizelelo, yakamutya, “Alu, wiwikanizaje, wubite ku Lamoti ya ku Gileyadi. Wusole ne cupa ayi ye mafuta,

2 Watemi 1:15

Nayo malayika wo Mulungu, yakamulonjela Eliya yakatya, “Ale lu mubitane nayo, wulece kogopa.” Hodu Eliya yakawa kutulukana hamonga no mwitumami yuyo wakawa kubitana ko mutemi.

Yelemiya 1:18

Ninga wuhulicize Yelemiya! I wanhu wose wa mono yisi yiyi, nha cinji, i watemi, ne wawaha we wanhu, ne wakohani, hamonga ne wanhu wose wokugaluka. Ninga nane izuwali, nghukupela i vilungo vyo kulewana nawo. Nagwe kokwihwana ne likaya lyono lina magomawakali, ne lisumbili lye cuma, ne lijinji lya shaba.

Yelemiya 26:2

u Muwaha Mulungu yakanonjela yakatya, “Ale, wime he wanza lye Nyumba yo Mulungu, wuziganule kuli wanhu wose wono wakulawa mu makaya ga Yuda, wakuza kuhemba bahano. Wuwalonjele zinghani zose zono nghulajilize kuli wene. Ninga wulanjilile, wulece kusigaza hamba nghani monga yaye.

Yelemiya 26:12

Nane nghapitula nghatya, “Nye wayangu, u Muwaha Mulungu, yo yanhumile 'ne, nonje zose zizi zono muzihulice nghuzilonga, za kuli Nyumba yo Mulungu, na za mwi'kaya lili.

Yelemiya 36:8

Ale, baho nayo Baluku, yakawa kuzisoma zinghani zose zo Muwaha Mulungu mu Nyumba yo Mulungu, yakatyatya nhavivilya du vyono namulajiliza yetume.

I Cililo 3:57

Wukamhitula, wukanonjela vyono wulece kogopa.