Yelemiya 1:16 - Luganuzi Luswanu Kuli Wanhu Wose 2002

¹⁶ Nane, nowalipiciza i wanhu wangu, ku soko yo wubi wawo wono wetuma. Hambi nha wandeka 'ne, wakawa kuyilavizya makumbiko, i milungu yinji, kanyhi wakenozeza ne vihwani viseswe, no kuvihemba.

Yelemiya 1:16 Referans Kwoze

Yelemiya 19:4

Nane nozituma zizi, vyono i wanhu wangu wakondya kundeka, no kuhavufya i hanhu baha, so wulavya makumbiko kuli milungu yinji, i milungu yono weneco, hamba i walezi wawo, hamba i watemi wa Yuda, wali si wayimanyile yaye. Nawo wakondya kuhamemya hanhu bahano, ne sakami ye wanhu wono wasina masutya.

Yelemiya 7:9

Mukuhiza, mukuwulaga, mukusenyha, mukwilahiza ko wulambi, kanyhi mukumulavizya Baali makumbiko, no kuyihemba i milungu yono si mwali muyimanyile hamba hadodo.

Metumo ge Watumwa 7:41

Baho ho wenozeza cihwani ca ndama, wakacikumbika, wakacisecelela cinhu cono wacinoza kwe miwoko yawo weneco.

Isaya 2:8

Ninga kanyhi yisi yawo yimemile vihwani vye milungu, nawo wakuvihemba vinhu vyono wenozeza weneco kwe miwoko yawo.

Wukumbucize wo Wulajilize 28:20

“Na hono mwitume zimbi du, no kumuleka Muwaha Mulungu, nayo komuletelenyi wulijitwe, no wongomele, hamonga no wulemwe mu milimo yenyu yose, sunga kolo mwokondya kongomelela lukulu musunho.

Hoseya 11:2

Ninga nha vyono nacila kumucema, nayo vyo yakacila kundeka no kutyatya zakwe. I wanhu wangu wakawalavizya makumbiko Mabaali, wakafusiza wuvumba ivihwani.

Hoseya 8:6

No munhu munghula mu Waisilayeli, yo munoza cihwani. Ninga yiyo ndama ye zahabu, yono wakuyihemba kuko ku Samaliya, yolobenanjizwa-benanjizwa tici-tici.

Yelemiya 44:17

Langa ase cojendelela du kwituma zinghani zose, nha vyono calonga. Cojendelela du kumulavizya makumbiko, mulungu wetu we cicekulu wa ku wulanga, no kumujidila vilavywa vyetu vye divayi, nha vyono canozaga ase, ne walezi wetu, ne watemi wetu, hamonga ne walongola wetu, mu makaya ga mu yisi ya Yuda, na mu zinzila za mu Yelusalemi. Na lono canozaga nhavivyo, cikatuga ndigwa nyinji muno, kanyhi cikamoteswa muno, cikawa cisina hamba wugaye wo wose yaye.

Yelemiya 17:13

Gwe go Muwaha Mulungu, agwe yo gwegwe go witumbilo wa Isilayeli, no munhu wo wose mono kokuleka 'gwe, kokwikoza cevu mweneco. Hambi nha wolokwajilila wose, nhe litagwa lyono lyandicigwe mu manghundi. Ku soko vyono wakuleka gwegwe go Muwaha Mulungu, go muvwilo we malenga momi.

Yelemiya 4:12

Langa yowa mbeho yono yikuziza mu wulajilize wo Muwaha Mulungu. Nayo yowa mbeho yono yili vilungo muno si nhe civulavumbi! Nayo yo Muwaha Mulungu du, mono kolavya ze ning'aniza kuli wanhu wakwe.

Isaya 37:19

Wakayikongoga ne milungu yawo, yono na mbeka si yali milungu yaye, langa gali vihwani vye mabici masese na vye mabwe, yono minoze ne miwoko ye wanhu.

2 Watemi 22:17

Hambi i wanhu wawa, nha wakondya kunema, nalu wakuyilavizya milungu yo wulambi makumbiko. Na ku soko yiyo, wakondya kunghoza likuwo yiwaha, ku soko ya zono wetumile. Holeka likuwo lyangu, nilikoleywe muno likaya lya Yelusalemi, hamba si lyocepuka yaye.

Yoshuwa 24:20

Hono mumulece no kuhemba milungu mijenzi, nayo kopituka yamulipicizenyi, kanyhi komongomezenyi, hamba yiwe ha mwamulizo yamunozezenyi ziswanu.”

Wukumbucize wo Wulajilize 31:16

Muwaha Mulungu yakamulonjela Musa yakatya, “Alu agwe Musa, weza wuli behi no kufwa, na lono kowa wakondya kufwa, hodu wanhu hamba si wowa wehuwilwa kanyhi kuli'ne, kanyhi wocibena ne cilagane cangu cono nalagana nawo. Wondeka, wawe kuhemba milungu yo wulambi yono yili mu yisi yono wene wokwinjila.

Ezekiyeli 24:14

Vyo nghutya ane no Muwaha Mulungu. Nha vyono cidaha caza, nane nokwituma. Nane hamba si nowunenela wubi wako, hamba kukuwonela lusungu, hamba si nokuleka yaye. Langa nokulipiciza du ku soko ye metumo gako gono wetuma.” Vyo yakutya u Muwaha Mulungu.

Yelemiya 51:17

Na muli zizo zose, i wanhu wawonaga nha wulele du, kanyhi wasina mahweso. Nawo wono wasesaga vihwani, wakozwa cevu, hambi i milungu yono wayinozaga, nha milungu ya wulambi du, kanyhi musina wehele muli yene.

Yelemiya 16:11

Nagwe wuwapitule, wuwalonjele zono u Muwaha Mulungu yakulonga yakutya nhavi, ‘I walezi wenyu, wandeka ane no Mulungu wawo, wakawa kuyihemba milungu yinji, no kuyitumamila. Wakalemela lukulu no kugahulika i mejizo gangu.

Yelemiya 15:6

Hambi anye nyo wanhu, nha mwakondya kundeka 'ne, nalu mwamhitucila migongo yenyu. Ku soko yiyo, holeka nane nghawugolola muwoko wangu, nghamongomezenyi, hambi nha nali nalemwa kulimila likuwo lyangu.

Yelemiya 11:17

“Ane no Muwaha Mulungu, u Mulungu we mihanga, yo nene mono nawahadika Isilayeli hamonga na Yuda. Ninga lu lanje, nakondya kuwogofya ne magazo. Ninga zizi zose, nha weletela weneco du, so wituma zimbi wawo. Hambi nha wanghoza likuwo so wulavizya Baali makumbiko.”

Yelemiya 11:12

Hanyuma yayo wawo wanhu wa Yuda na Yelusalemi, wawe kuyibitila i milungu yiyo, yono wayilavizyaga makumbiko, wakayililile yiwapele wutazi. Ninga i milungu yiyo, si yosuma hamba hadodo kuwaponya, kolo weza kuza u wongomezwe wuwo.

Yelemiya 10:15

Holeka yisina cambuzi, langa co cinhu ca caka du. Ninga i lizuwa lyono Muwaha Mulungu yalaziza, kolokuza yayongomezeze lukulu, i milungu yiyo yose.

Yelemiya 5:29

“Ninga nane, ane no Muwaha Mulungu, mbeka, nowalipiciza du ku soko ye zinghani zawo zizo. Na mbeka, nowalipiciza du likungugo lili.

Yelemiya 5:9

Alu nane hongo, ho ndece kuwalipiciza ku soko ye zinghani zizo? Hamba ma! I nhumbula yangu yilece kwilipiciza simbili mu nghungugo yono yinha yiyi?

Yelemiya 4:28

Yisi yololila, no wulanga wolotukuwala U Muwaha Mulungu vyo yakutya. Nayo hamba si kolowukawaniziza lukulu u wuhile wakwe. Mwene vyono yakondya kuzilonga, hodu yazilonga du, hamba si kokawaniza kanyhi wulonje wakwe.

Yelemiya 2:17

Gwe Isilayeli, alu zizi, nha kwiletela gwegwe go mweneco! Hambi nha kundeka 'ne no Muwaha Mulungu, u Mulungu wako, mono nakulongoza agwe mu nzila.

Yelemiya 2:13

Hambi i wanhu wangu nha wetuma wubi wuli hejete, wandeka 'ne mono nili muvwilo we malenga go wumi. Wene wehimbila visima vyono vikung'welela mbela mbela, vyono si vyosuma kwikala na malenga.

Isaya 65:3

Kanyhi wasina hamba cevu yaye lono wakunghoza likuwo. Hambi nha wendile kulavya makumbiko ge wanhu wono si wamumanyile Mulungu mu zibusitani zisiwanulwe, hamonga no kufusa wuvumba mu vikumbicilo vye wanhu wono si wamumanyile Mulungu.

Isaya 44:15

Na hanyuma kawa kusola libici linji lyo mubici wuwo, so ngwagu, na linji kawa kusesa cihwani, Ne mabici ganji go mubici wuwo kawa kugetumamila nha ngwagu zono kokota ho zimupele civuce, no kutelecela ndigwa zakwe. Ne libici linji lyo mubici wuwo du, kawa kusesa mulungu, kawa kumuhemba.

2 Zinghomo 34:25

Hambi nha wakondya kunema'ne, no kuyilavizya makumbiko milungu yinji. Holeka nane, wakondya kunghoza likuwo so zose zono wetumile. Nakondya kuyikolelwa likuwo Yelusalemi, ne likuwo lyangu, hamba si lyowuka yaye.

2 Zinghomo 15:2

Nayo yakawa kubita kwitang'anila no mutemi Asa. Yakawa kumulonjela yakutya, “Gwe go mutemi Asa, hamonga nanye mo wanhu wa Yuda na Benyamini, ta muhulicizaje! U Muwaha Mulungu yali hamonga nanye, lono nanye mukali mukumuhulika mwene. Na hono mujendelele kumulondola, nayo kokwijela hali'nye, ninga hono mumulece, nayo komulecenyi.

2 Zinghomo 7:19

Ninga wulanjilile! Hono gwegwe, hamba wanhu wako, muwubene wulajilize wangu hamonga ne malajilizo gangu gono namupelenyi, nanye muwe kuyitumamila no kuyihemba milungu yinji,

Yoweli 2:11

Hambi Muwaha Mulungu nha yakuwalajiliza lipuga lye wasilikale wakwe kwe'zi yiwaha, nalyo lipuga lyono limuhulicile, wo wenji muno, kanyhi wali vilungo. Wugayeci wono wolowa, mwi'zuwa lilyo lyo Muwaha Mulungu! Nani 'mbi mono kolokangalila?

Wugubule 9:20

I wanhu wanji wono wasigala, wono si wawulagwa no wongomezwe wuwo, nawo hamba si wanena, no kuvileka vinhu vyono wali wavinozize kwe miwoko yawo weneco, langa wakajendelela du kuhemba masetani, ne vihwani vye zahabu, na vye fweza, na vye shaba, na vye mabwe, na vye mabici, vinhu vyono sivikusuma hamba kuwona yaye, hamba kuhulika, hamba kujenda.

Yelemiya 2:28

“Alu i milungu yono mweyinozeza nyenye nyo weneco, yili hayi lu? Nanye kolo mwenjila mu magayo, mweze yileka le yimuponyenyi, hono mbeka yosuma kumuponyenyi! Nagwe Yuda, wina milungu minji muno, hambi liwalo lye milungu yako, nha liling'aniye ne liwalo lye zikaya zako.

Yelemiya 10:3

No wuhembi we wanhu wawo, nha wusina cambuzi hamba hadodo, hambi u mubici, nha wukutemwa mu mbago, hanyuma wuwa kuseswa ne wasesi ko wunghula,

2 Zinghomo 28:2

Mwene yatyatya i metumo mabi ge watemi wa Isilayeli. Hambi nha yali yena vihwani vye shaba vya Baali.

Yelemiya 2:19

Ninga u wubi wako, wo wokulipiciza, no wibavye wako, nawo wo wokuling'aniza 'gwe. Nagwe baho ho kokwifundila u wubi we nghani yiyi, hamonga no wusungu wo kundeka 'ne, ane no Muwaha Mulungu, u Mulungu wako, no wuwe wako wo kuwa wusina cihuliko ca kuli'ne kanyhi. Vyo nghutya, ane no Muwaha Mulungu we mihanga.”

Yelemiya 7:17

Alu 'gwe si wukuziwona yaye, zinghani zono wakwituma mu makaya ga Yuda, na mu zinzila za mu Yelusalemi lo?

Yelemiya 7:18

I wana wawo, wo watenyi we zingwagu, i wasogo zawo, wo wapembi wo moto, i wanyina zawo, wo wavuwi wo wusaje ho wamunozeze mikate, u mulungu we cicekulu mono wamucemaga, mulungu we cicekulu wa ku wulanga. No kuyijidila milungu yinji, i vilavywa vye divayi, ho wanghoze likuwo'ne.

Yelemiya 18:15

Ninga i wanhu wangu wakondya kusemwa 'ne nalu wakuvifusiza wuvumba i vihwani. Nawo wekobaza mu zinzila zawo, hamba si wakusuma kuzityatya kanyhi zinzila ze katali, alu weza kukola mu zinzila zono si nozelezwe yaye.

Ezekiyeli 16:18

Wukasola myenda yo wihambo yono nakupela, wukawa kuvivwika vihwani. Wukavilavizya vihwani, i mafuta hamonga no wuvumba wono nakupela.