Yelemiya 1:15 - Luganuzi Luswanu Kuli Wanhu Wose 2002

¹⁵ Hambi 'ne, nha nogacema i makungugo gose, gono gekalaga ku lubavu lwa kusumuka, gaze. Ne watemi wawo, wologasimya i magoda gawo go wutemi, mu malango ga Yelusalemi, no kwidoma ne majinji gayo gose, mbavu zose. Hamonga no kugapilima i makaya gose ga Yuda.

Yelemiya 1:15 Referans Kwoze

Yelemiya 43:10

Hanyuma wuwalonjele nha vyono, ane yo nene Muwaha Mulungu, u Mulungu we mihanga, u Mulungu wa Isilayeli, nomutuma u mwitumami wangu Nebukadineza, u mutemi wa Babiloni, yaze hanhu bahano. Nayo koliwika ligoda lyakwe lyo wutemi, mucanyha ye mabwe gago gono wugazenjeleze, yakome ne lihema lyakwe lyo lukumyo mucanyha yago.

Yelemiya 25:9

‘Mulanje, ta! Nane nowatuma i wanhu wo lubavu lwa kusumuka, hamonga no mwitumami wangu Nebukadineza, u mutemi wa Babiloni. Waze wayihome yisi ya Yuda, ne wekazi wayo wose, hamonga ne makungugo gose gono gayipilime. Nane nolyongomezeza lukulu likungugo lili, hamonga ne wekalani wayawo wose, niwalece mu wongomele we cibitilila, wawe cinhu co kogofya no kuhowelezwa, hamonga no wucelewazwe wuwaha. Vyo nghutya ane no Muwaha Mulungu.

Yelemiya 9:11

U Muwaha Mulungu yakutya, “Nane noyinoza Yelusalemi yiwe malundo ge matongo, hawe hanhu hono macewe gowa kwikala, nago makaya ga Yuda, gowa nyika, hawe hanhu hono yunji si kosuma kwikala.”

Yelemiya 4:16

I wanhu wawo, waza kuwasugula we makungugo, no kuwalonjela wono wekaye mu Yelusalemi, nha vyono i walugu wakuza, wakulawa ku yisi yo kutali. Ne walugu wawo kolo wakuza, wologazozeza i makaya ga Yuda.

Yelemiya 39:3

(Na lono Yelusalemi yali yakondya kutekwa, i wetumami wawaha wose wo mutemi wa Babiloni, wakawa kubita, wakawa kutandala ha mulango wa haciligati. Ne wetumami wawo, wali wali hamonga ne wanhu awano. Neligali Salezeli, na Samugali Nebo u muwaha we wapaswe na Selisekimu, hamonga na Neligali Salezeli yunji kanyhi.)

Yelemiya 10:25

Langa wite likuwo lyako kuli we makungugo wono si wakumanyile, hamba kukuhemba gwegwe, na muli wanhu wono si wakwendile 'gwe. Hambi nha wawawulaganga i wanhu wako, kanyhi wakondya kucongomezeza lukulu, wakondya kuyinoza ne yisi yetu yeza matongo du.

Isaya 22:7

Ne lilolo liswanu lya Yuda, lyono lina moso mwinji, likamema matuka menji muno go wulugu. Ne wasilikale wono wali wali mucanyha ye zifwalasi, wakawa wemile ha mwande ye milango ye likaya lya Yelusalemi.

I Cililo 5:11

Ne wagolece zetu nawo, wakwibatwa ne walume, no kugona nawo kwe vilungo mwi'tunda lya Sayuni, na mu vitumbi vyose vya Yuda. Ne wana wetu we cicekulu, nawo wakudindimizwa ho wagone ne walume kwe vilungo.

Yelemiya 44:6

Holeka nane nghawa kulimwaga likuwo lyangu mu makaya ge yisi ya Yuda, sunga na mu zinzila za Yelusalemi, nghawa kugapembela moto. Gakawa kulekwa matongo go kogofya muno ku wulangwe, nha vyono gakwijela sunga nalu.

Yelemiya 34:22

Nowalajiliza nawo wokuza kanyhi mwi'kaya lili. Wololihoma, walisole, no kulikongoga. Nane noganoza makaya ga Yuda, gawe nhe nyika, hawe hanhu hono hamba wanhu wo wose si wosuma kwikala mumo. Vyo nghutya ane no Muwaha Mulungu.”

Yelemiya 33:10

U Muwaha Mulungu yakutya nhavi, “I wanhu wakutya nha vyono, i hanhu baha heza nhe nyika, hono hasina cinhu cono colokwikala cumi mumo, wanhu hamba malimu. Na zizi, wakulonga mbeka, hambi mbeka vikaya vya Yuda hamonga ne zinzila za mu Yelusalemi, nha zisina mbeka wanhu hamba malimu wono wekaye mumo. Ninga hamba nhavivyo, kolosuma kanyhi kuhulika mumo,

Yelemiya 25:28

Na hono wejelele, waleme kucibocela cikombe cico mu mawoko gako, no kucing'wa, wuwalonjele nha vyono, u Muwaha Mulungu, we mihanga, vyo yalonjile nha vyono yiwanojeye wose wacing'we du cikombe cico.

Yelemiya 10:22

Ninga luno ta muhulicize! Nghani yakondya kuza! Lanje, kowuli musindo muwaha muno, wukulawa ku yisi yo lubavu lwa kusumuka, ne lipuga lyayo lye wasilikale, lyogongomeza i makaya ga Yuda gawe nha nyika, hawe hanhu hono gowa kwikala macewe du.”

Yelemiya 6:22

U Muwaha Mulungu yakutya nhavi, “Ale, i wanhu wakuza wakulawa ku yisi yo lubavu lwa kusumuka, we likungugo lyono lili vilungo, wakwiwikaniza so wulugu.

Yelemiya 5:15

Nye nyo wanhu wa Isilayeli, u Muwaha Mulungu koleta likungugo ku wulawa kutali, lize limuhomenyi. Ne likungugo lilyo lyowa lili vilungo muno, kanyhi lya katali. Likungugo lyono ne milonjele yalyo, anye si muyimanyile yaye.

Yelemiya 4:6

Mutyatye nzila yono yidomile ku Sayuni! Mutize, ho mwiponye, mulece kucela! Hambi u Muwaha Mulungu nha koleta magazo hamonga no wongomele wuwaha ku wulawa ku lubavu lwa kusumuka.

Yelemiya 13:20

Ale lu Yelusalemi, winule meso gako wulanje! I walugu wako nha weza kukuziza wakulawilila ku lubavu lwa kusumuka! Ku lubavu lwe wanhu wono wali wakwitumbiye muno u wudimi wako, i wanhu wono nagwe wedunhumulilaga muno.

Yelemiya 34:1

U Muwaha Mulungu, yakanonjela kanyhi, mu mapango lono Nebukadineza u mutemi wa Babiloni, ne wasilikale wakwe wose, no wutemi wose wa mono'nze, lono wali wuli mu vilungo vyakwe, hamonga ne makungugo gose, wehomaga na Yelusalemi ne vikaya vyayo vyose vye behi behi.

Yelemiya 46:24

Ninga i wanhu wa Misili, wakozwa cevu, hambi nha wakondya kusumwa ne wanhu wa ku lubavu lwa kusumuka. Vyo nghutya, ane no Muwaha Mulungu.”

Ezekiyeli 32:30

“Ne watemi wose wa ku lubavu lwa kusumuka, nawo wali baho, hamonga ne Wazidoni. Nawo wawo ha lulongozi, wali wali vilungo wono wogofyaga wanhu, ninga aluno wakondya kufwa ne cevu cawo, hamonga na wono wawulagwa ku wulugu, wose lu wagonile wacehile kanyhi hamba si wamumanyile Mulungu. Wahanga cevu na wono wakubita ku yisi ye wafu.”

Yoweli 2:20

Noliwusa litewa lye zinzije lyono lyaza ku wulawa kusumuka. Noziwinjila ku nyika, nago matewa ga ku mwande, nogategula ko kwi'lenga lyo mwino, nago ga mu nyuma ko kwi'lenga lya Meditelaneya. Nazo zofwila mumo, ne miwili yazo, yolavya munungho mumo mwi'lenga. Nozihodanga ku soko ya zose zono zamutendelenyi.

Zakaliya 6:6

Ligali lyono likukwegwa ne zifwalasi zi nhitu, likubita ku lubavu lwe sumuka ku Babiloni, nazo zi nzelu zidomile ku lubavu lwa ku mwezi, nazo ze buli zikubita ku yisi ya ku lubavu lwa kutakama.