Yelemiya 1:11 - Luganuzi Luswanu Kuli Wanhu Wose 2002

¹¹ Hanyuma ya zizo, u Muwaha Mulungu yakambuza yakutya, “Gwe Yelemiya, wukuwona cici?” Nane nghamupitula nghatya, “Ane, nghuwona cinhambi co mubici wo mulozi.”

Yelemiya 1:11 Referans Kwoze

Amosi 7:8

Hodu Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona cipimilo.” Nayo yakanyitya, “Ane nghwitumamila cipimilo cici, kulajila vyono wanhu wangu wenha lijinji lyono si ligoloce libinuce, yono lili kunze yo mucilili. Holeka nane sinokawaniza yaye wuhile wangu kanyhi, wo kusaka kuwongomeza wene.

Amosi 8:2

Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona nhoto ye mikalo.” Muwaha Mulungu yakanyitya, “U mudumo we wanhu wangu Isilayeli, wakondya kuza. Nane sinokawaniza yaye wuhile wangu wo kuwongomeza wene.

Zakaliya 5:2

Malayika yakawa kumbuza, alu wukuwona cici? Nghamupitula nghatya, nghuwona citabu ciguluce mucanyha, cono cina wutali wa mita yicenda no wugazi wayo mita yine na nusu.

Zakaliya 4:2

Yakambuza yakutya, “Alu wukuwona cici?” Nane nghamupitula nghamutya, “Nghuwona ciwicilo ce ziala cinozwe na zahabu. Kanyhi mucanyha, mo yili bakuli yono yina mafuta, a mu ciwicila ce zitala, mozili tala mupunghati, zono zina vitajililo vye mafuta mu zitala zizo.

Yelemiya 24:3

Ale, baho u Muwaha Mulungu yakambuza yakutya, “Gwe Yelemiya, alu wukuwona cinhuci?” Nane nghamupitula nghamutya, “Nghuwona nghuyu. Nghuyu ziswanu muno, ne zinghuyu zimbi muno muno, zono si zisumice hamba ku wuligwe kose.”

Wuwale 17:8

Ne mitondo yaco. Lono Musa yali yali mwi Hema, yakawona vyono nghome ya Haluni, yono yali so mhuga ye Walawi, yakondya kutula, yibonhoye, kanyhi yilelile malozi!

Ezekiyeli 7:10

Langa ta, lizuwa lye magazo lyeza kumuzizenyi 'nye nyo Isilayeli. Woyi he kuli'nye so magazo gago mawaha. Hambi wiwoni wenyu nha woduma.

Mwamulizo 30:37

Ale, kono nyuma, nayo Yakobo yakawa kusola mikotya midece ye mibici ye milibina, no mulozi, no muwalamoni, yakayikubula kubula i mabada gayo mikotya yiyo, no kuyinoza yiwe na mabandagu mazelu.

Isaya 55:11

Holeka yo nhavivyo sunga ne nghani yono nghuyilonga, si yo mbuyila bwete caka yilece kwituma zono niziwikanize mu mahweso gangu ninga langa yokwituma zose du zono niyitumile yitume.”

Ezekiyeli 12:25

Hambi ane no Muwaha Mulungu, nha yo nene du mono nolowa kuwalonjela zo wuhile wangu, na zono nolowa kuwalonjela, zose, zolowa kufisilizwa, hamba kucela yaye. Ninga mumanye anye nyo we cibede, nha vyono ane mu vilo vyenyu, nolomutendelenyi zose, nha vyono nali nakondya kumusugulenyi lu lulya. Vyo nghutya ane no Muwaha Mulungu.”

Ezekiyeli 12:28

Ninga agwe wuwalonjele nha vyono ane no Muwaha Mulungu nghutya, i vilo vivyo, hamba si vyotinya kuza. Na zono nakondya kuzilonga, mbeka zofisilizwa du. Vyo nghutya ane no Muwaha Mulungu!”