Yelemiya 1:10 - Luganuzi Luswanu Kuli Wanhu Wose 2002

¹⁰ Nane i zuwali, nghukupela wulajilize kuli makungugo, hamonga ne matemi gose. Ho wusume kukula, no kumwagula, no kongomeza, hamonga no kuhodanga, ho wuzenje no kuhadika.”

Yelemiya 1:10 Referans Kwoze

Yelemiya 31:28

Kanyhi yolowa nha vyono, mu nghango yono nali nanjiliye muno wene ho wakulwe, wagwiswe, wapondangwe, wongomezwe, hamonga no kutendelwa vibi, ale, yo nghango yiyo kanyhi, nolanjilila muno sunga wahadikwe, wazengwe.

Ezekiyeli 36:36

Nhondo baho sunga ne wanhu we makungugo wono wakali womi wono wayipilime Isilayeli, nawo womanya vyono ane no Muwaha Mulungu, yo nene mono nigazengaga kanyhi, i makaya gono geza matongo, no kuhadika kanyhi vilimwa mu migunda yono yali yalekwa. Yo nene Muwaha Mulungu mono nakondya kwihuwiza nha vyono nozituma zizi, na mbeka nozituma.”

Yelemiya 24:6

Nowadima sunga nize niwagomole, wawuye mono yisi yiyi, kanyhi nowakamisiza mu ziswanu zose, hamba si nowaleka yaye. Nowazenga, hamba si nowamwagula yaye. Kanyhi nowahadika, hamba si nowakula yaye.

Amosi 9:11

Muwaha Mulungu yakutya, “Lizuwa likuza lyono ane nolowusimya wutemi wa Dawudi, wono winha kaya yono yigwiye so wongomezwe. Nolonozeleza majinji gose gono gamwaguka, no kugasimya kanyhi. Noloyizenga no kuyinoza yiwe nha vyono yali katali.

Amosi 3:7

U Muwaha siketumaga cinji co cose lono siyawagubuliye wetumami wakwe wawizi.

Zakaliya 1:6

Nane nghawapela i wasogo zenyu suguzi hamonga no wulajiize, mu nzila ye wetumami wangu wawizi. Ninga wene wakalema kuzityatya, hodu nane nghawa kuwaleka, wakatuga wugaye wuwaha. Ninga kanyhi wakanena no kumanya vyono, Ane no Muwaha Mulungu, we Mihanga, nakondya kuwalipiciza nha vyono yiwanojeye, nha vyono nali nalamula niwatendela.

Ezekiyeli 32:18

“Gwe go munhu, wuwalililaje liwumbi lyose lye wanhu wa Misili. Wuwategule ku yisi ye wafu hamonga ne wanhu we zinghungugo zinji, wono wali vilungo.

Ezekiyeli 43:3

No wugubulilwe wuwu, wukawa vihwanile no wugubulilwe wono nawuwona lono Mulungu yayongomezeza Yelusalemi, no wugubulilwe kanyhi wono nawuwona he kolongo lya Kebali. Nane ho baho baho nghagwa hasi wugubama.

1 Watemi 19:17

Ho yiwe mono kopona yekale si yawulagwe na Hazayeli, ale kowulagwa na Yehu. Na mono kopona yekale si yawulagwe na Yehu, ale, kowulagwa na Elisha.

1 Watemi 17:1

Kwali no muwizi litagwa lyakwe Eliya, mulawa ku Tishibi mu yisi ya Gileyadi. Muwizi Eliya yakamulonjela mutemi Ahabu yakamutya, “Ane nghukulonjela mwi'tagwa lyo Muwaha Mulungu, u Mulungu mumi, u Mulungu wa Isilayeli, mono ane nghumwitumamila, nha vyono, kowa kusina buhe, hamba mvula yono yotonya, sunga yipulute myaka myejete, hamba midatu, sunga nene kanyhi kono nolotela.”

Yelemiya 1:5

“Ane nali nakondya kukuhagula, na lono nali nghali hamba kukuwumifya kose. Na lono wali wukali hamba nalelwa, ane nali nakondya kukusiwanula wuwe muwizi kuli makungugo.”

Yelemiya 25:13

Noloyilipiciziza Babiloni mu magazo gose gono nagalonga katali, nha vyono nalonga na Yelemiya, nha vyono nologaleta magazo gago muli zinghungugo zose. Nha cinji, i magazo gose gono gandicigwe mu citabu cicino.

Yelemiya 31:40

Ne lilolo lyose lyono wazikaga mivimba, no kugamwaga mavu, ne migunda yose, sunga ko ku cikolongo ca Kidiloni, sunga ko ku nhuzi yo mulango we zifwalasi, ku lubavu lwa kucilima. Mumo mose, mosiwanulwa ku soko yangu. Ne likaya, si lyolokulwa kanyhi hamba kuhodangwa yaye.”

Yelemiya 36:2

“Alu gwe Yelemiya, wusole kalatasi mhalinje ye ligolo-golo, wandice zinghani zose za Isilayeli na Yuda, hamonga ne makungugo gose, zono nakulonjelaga. Wandice zinghani zose zono nakulonjelaga, ku wulawilila ha mwamulizo lono namula kulongana nagwe, lono Yosiya yali yakali yatemile, sunga mwi'zuwa lye zuwali.

Yelemiya 44:27

Nane nolanjilila ta, hono motuga wumoteswe. Ninga hamba si momoteswa ng'o, langa mokongomezwa wose du. Wose molofwa du, wanji wolofwa ko wulugu, na wanji wolofwa so nzala, hasina hamba monga wa muli'nye, mono kolosigala yaye.

Yelemiya 45:4

“Ninga ane no Muwaha Mulungu, nghuzimwagula zono nazizenga, kanyhi nghuzikulanga na zono nazihadika. Nane nozinoza zizi, mono yisi yose.

Ezekiyeli 21:19

“Gwe go munhu, alu wuwicile vitanjilo mu nzila zimbaha nyejete, zono u mutemi wa ku Babiloni kosuma kuzikola, akuno yadinghuye no mumaje wakwe. Ninga zinzila zizo zose, zeze zilawiliye mu yisi monga. Kanyhi wuwicile ne zimbawo ze vitanjilo ha nzila panda ye zinzila zizo.

Ezekiyeli 23:36

Nayo Muwaha Mulungu yakanonjela kanyhi yakatya, “Gwe go munhu, wule, wakondya kwiwikaniza ho wuwaling'anize Ohola na Oholiba? Ale wuwalonjelaje ze makani ge mawifyo gono wali kwituma.

Hoseya 6:5

Ayi yo soko yono yaleka nghamutumilenyi wawizi wangu, hamonga no luganuzi lo wuling'anizwe, no wongomezwe kuli'nye. Na yono nghusaka kuli'nye yoyi.

Muganuzi 3:3

cipango co kuwulaga, ne cipango co kuponya, cipango co kumwagula, ne cipango co kuzenga,