Yakobo 4:3 - Luganuzi Luswanu Kuli Wanhu Wose 2002

³ Kanyhi kolo mukulomba simupegwaga, vyono mulombaga ko wuhile wubi, hambi nha mulombaga ho mwigutye imasulumizi genyu.

I CILAGANE CIPYA 1991

³ Kanyhi kolo mukulomba simupegwaga, vyono mulombaga ko wuhile wubi hambi nha mulombaga ho mwigutye imasulumizi genyu.

Yakobo 4:3 Referans Kwoze

1 Yohana 5:14

Nase cina wuluwuce hali Mulungu, hambi nha cimanyiye lukulu vyono hono cimulombe cinji ca mu wuhile wakwe, u Mwene yakuwa kucihulika.

1 Yohana 3:22

nase cosuma kubocela co cose cono colomba, hambi nha cigebate malajilizo gakwe, no kwituma zono zikumwendeza.

Yakobo 4:1

U wulugu no wisonji wose muli nyenye vilawaga hayi? Vilawaga mu masulumizi genyu mabi, gono galewanaga nhondo zose muli nyenye.

Mika 3:4

Hambi icipango nha cikuza, cono anye nanye molomulilila Muwaha Mulungu, ninga mwene si kolomupitulenyi yaye, hamba si kolowuhuliciza no wulombe wenyu, ku soko 'nye mwetuma zimbi.

Zimbazi 15:8

Nayo Muwaha Mulungu, kendezwaga no wulombe we wanhu we ling'ani. Ninga yagasulile makumbiko gono wamulavizyaga i wanhu wabi.

Zimbazi 21:13

Na hono wuleme kuwahuliciza waciwa cililo cawo, Nagwe cililo cako, co kulondola wutazi, hamba si cohulikwa yaye.

Jobu 35:12

Wamulililaga Mulungu yawapele wutazi, ninga nayo Mulungu, hamba si kawapitulaga yaye, hambi nha wanhu wedunhumuzi kanyhi wabi.

Zakaliya 7:13

Alu vyono siwahuliciza zangu, holeka nane sinawapitula no wulombe wawo.

Luka 15:13

Hanyuma ya vilo vicefu, u mwana mudodo yakawa kuguza u wuhazi wakwe, yakatuluka ne zipesa zakwe zono yazituga, yakabita yisi yinji ya kutali, kono yeyagaziza sawo yakwe mu mikalile mibi.

Maluko 10:38

Yesu yakawatya, “Simumanyile cono mukulomba! Ma, mosuma kung'wa cikombe ce Magazo cono ane nong'wa, hamba kubaputizwa nha vyono nobaputizwa 'ne?”

Matayo 20:22

Yesu yakapitula, yakatya, “Anye si mucimanyile cono mukulomba yaye. Alu mosuma kucing'wela icikombe ce magazo cono nocing'wela nene?” Nawo wakamupitula wakatya, “Heya cosuma.”

Yelemiya 11:14

Holeka ku soko yiyo, 'gwe Yelemiya, wulece kuwalombela wanhu wawa kuli'ne, hamba kuneneleza 'ne ku soko yawo. Hambi lono wali mu magayo, na kolo wakundilila ho niwapele wutazi, nane si nowahuliciza hamba hadodo ng'o.”

Zimbazi 21:27

Nayo Muwaha Mulungu, hamba si yendile i wanhu wabi, wamulavizye makumbiko, ko muno, gono gakulawa mu wuhile wawo wubi.

Zimbazi 1:28

Ale baho nanye, ho mulagalondolela mahala, ninga nane hamba si nolomutondowozenyi ng'o. Nanye molonondola hanhu hose, ninga hamba si molombona yaye.

Yelemiya 14:12

Nawo hamba walece kulya, ninga 'ne hamba si nowahuliciziza lukulu cililo cawo ho niwaponye, ng'o. Hamba wandavizye ne cilavywa cinyanywe, hamonga ne cilavywa co wusaje, ane si nokwendezwa nawo yaye. Langa 'ne nowawulajila wose ku wulugu na mu nzala, na mu matamwa.”

Zabuli 18:41

Wazoza izozo yiwaha, ninga hakawa hasina hamba yumonga wo kuwaponya, wamulilila Muwaha Mulungu, ninga nayo hamba kuwahuliciza yaye.

Yelemiya 11:11

Holeka sunga nalu, ane no Muwaha Mulungu, nghali kuwasugula du, nha vyono nowaletela wongomele wuwaha muno, wono si wosuma hamba kuwilega yaye. Nawo kolo wakundilila wakusaka wutazi, nane hamba si nowahuliciza yaye.

Luka 15:30

Ninga yeza kuza du mwanago ayu, mono yalya sawo yako hamonga ne wasenyha, kuwa kumuwulajila ng'ombe yono yijinile.’

1 Watemi 3:11

Hobaho yakamutya, “Alu, vyono wulombile mahala, ho wusume kutema kwe ling'ani, hamba si wukulomba ho wikale mumi vilo vinji, hamba lunji wuwe mugoli muno, hamba lunji walugu wako wafwe.

Luka 11:10

Hambi mono yakulomba nha yakupegwa; na mono yakulondola, yakutuga; na mono yakukong'onha, yakudigulilwa.