Yakobo 1:5 - Luganuzi Luswanu Kuli Wanhu Wose 2002

⁵ Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose ko winji, na kwe nhumbula swanu.

I CILAGANE CIPYA 1991

⁵ Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose kwa winji, na kwe nhumbula swanu.

Yakobo 1:5 Referans Kwoze

Yohana 15:7

Hono mwikale muli nene ne zinghani zangu hono zikale muli nyenye, ale, mulombe co cose cono mukusaka, nanye mopegwa.

2 Zinghomo 1:10

Holeka ane, nghukulomba wumhele mahala no wizuce, wono wonghwila kunhaza, ho sume kuwatema wanhu wawa. Hono si nhavivyo, ane ho nosuma wule kuwatema wanhu wako wawa i wenji muno?”

Yakobo 3:17

Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

Yohana 14:13

Na yo yose yono molomba mwitagwa lyangu, nokwituma, ho Sogo yo Munhu yakumizywe muli mwanagwe.

1 Yohana 3:22

nase cosuma kubocela co cose cono colomba, hambi nha cigebate malajilizo gakwe, no kwituma zono zikumwendeza.

Wutuluce 31:3

Nayo nimumemya no Muhe wangu. Kanyhi nimupela wumanye no wizuce, mahala no wunghula.

Yakobo 5:16

Ale, mweze kwiyivumilila mabi genyu, mwilombelaje, ho muponywe. Uwulombe wo munhu we ling'ani wina vilungo vyo kwituma nyinji.

Wutuluce 31:6

Kanyhi nimuhagula Oholiyabu u mwana wa Ahisamaki, wo mulango wa Dani, nayo wetumane milimo hamonga na Bezaleli. Hamonga na zizo, niwapela wizuce wuwaha wanhu we hayo hayo, ku so milimo ye hayo hayo. Ho wasume kunoza vitumamilwa vyose vyono ndajilize vinozwe.

Yohana 4:10

Yesu yakamupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, wumhele malenga ning'we, nagwe wali wumulombe, nayo yali yakupele malenga go wumi.”

1 Zinghomo 22:12

Kanyhi Muwaha Mulungu, u Mulungu wako, yakupele wizuce ne mahala, ho wuwatemele Waisilayeli mu wibate Lilajilizo lyakwe.

Yakobo 1:17

Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo yo munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

Matayo 11:20

Baho yakawa kwanza kugatacila i makaya gono, hamba yawe yanoza mapoto menji mugati yago, ninga iwanhu wayo hamba si wasaka kuwukawaniza zo wuhile wawo wubi, yakutya,

2 Wakolinto 2:16

Kuli'walya wono wakwajilila, i mhunjile yiyo yikuwa nha munungho mubi kuli wene, yikuleta 'fwa, ninga kuli'walya wono wakuponywa, i mhunjile yiyo, yikuwa mhunjile swanu kuli wene yono yikuleta wumi. Alu nani 'mbi mono kosuma kuwituma u mulimo we liwala lilyo?

Maluko 16:14

Na ku ndumilizo, Yesu yakejela kuli wejizwa we likumi na monga, lono walizanaga ha meza. Nayo yakawatacila muno so wuleka kwihuwila kwawo, no wukamu we zinhumbula zawo, hambi nha siwawehuwila wawalya wono wamuwona lono yali yazuka.

Zabuli 51:6

Ninga agwe wendile winenenyhezi wa mugati, holeka wunyijizaje mahala mu nhumbula.

Zimbazi 8:17

Niwendile wono wanyendile nayo mono yakunondola, kombona.