Yakobo 1:26 - Luganuzi Luswanu Kuli Wanhu Wose 2002

²⁶ Na hono munhu yewone mweneco nha munhu mono yebate dini muno muno, ninga kuno siyakusuma kulwimila lulimi lwakwe, dini yakwe u munhu yuyo yikuwa yisina hamba cambuzi co cose, langa yakwikonga mweneco du.

I CILAGANE CIPYA 1991

²⁶ Na hono munhu yewone mweneco nha munhu mono yebate dini muno muno, ninga kuno siyakusuma kulwimila lulimi lwakwe, dini yakwe u munhu yuyo yikuwa yisina hamba cambuzi co cose, langa yakwikonga mweneco du.

Yakobo 1:26 Referans Kwoze

Waefeso 4:29

Ne makani mabi galece kuhulikwa muli nyenye hamba hadodo, izinghani zenyu ziweze zono zina cambuzi nhondo zose, zono zikuwazenga no kuwataza wanji, ho ziwapele lihewa wono wakumuhulicizenyi.

Zabuli 141:3

Gwe go Muwaha Mulungu wuwudime lulimi lwangu, wuwice mulindilizi ha mulomo wangu.

1 Petelo 3:10

Hambi i Mandiko Gono Gelile nha gatezaga, “Mono yakusaka yawumipe no wusangalale, sunga yawone ne cambuzi ce vilo vyakwe, yimunojeye yalece kulonga zimbi, kanyhi yalece kulonga wulambi.

Waefeso 5:4

Kanyhi i zinghani ze cevu, na zo wulele, na zo wiwanganile, zose zizo si nghani swanu kuli nyenye, langa yili ciba mweze kumulumba u Mulungu.

Zimbazi 19:1

Yili ciba wuwe muciwa, ninga wuli mwihuwilwa. Si nho kuwa wuli mulambi, kanyhi wuli mulele.

Zabuli 34:13

Ale, wulecele lukulu kuzilonga zinghani, zimbi, kanyhi wulecele lukulu kulonga wulambi.

Zimbazi 10:31

Ne wanhu we mahala, walongaga zinghani ze mahala, ninga u lulimi lono lulongaga zimbi, lodumulwa.

Zimbazi 10:19

Mu winji we zinghani zako, no wubi mo winjililaga mumo. Ninga hono wuwe wina mahala, yili ciba wuwe si wuli mulonji muno.

Wakolosayi 4:6

No wulonje wenyu nhondo zose weze wuswanu, wono wukwendeza, kanyhi mumanye vyono yimunojelenyi kuwapitula viswanu i wanhu wose.

Yakobo 1:22

Mulece kwiyikonga nyo weneco, mu wuhuliciza i nghani yakwe du, langa mweze wetuma i nghani yakwe.

Yakobo 1:19

Wandugu zangu wendece, kumbucilenyi nghani yiyi! Umunhu wo wose yeze mupelu kuhulika, ninga yalece kuwa mupelu kulonga, hamba yalece kuwa mupelu kusimba.

Zimbazi 16:25

Ne nzila yono agwe wukwihwesa yo swanu, Ninga yokulongoza kwi'fwa.

Luka 8:18

Holeka mwiyihenje vyono mukuhulika. Hambi mono yena, nha kopegwa; na mono yasina, kosolelwa sunga na cono yakutya yena naco.”

Wagalatiya 6:3

Munhu hono yewone kotya nha yali cinji, na kumbe ho si yali cinji, yuyo yakwikonga mweneco.

Zimbazi 14:12

Ne nzila yono wukwihwesa yo nzila swanu, kumbe yo nzila yono yokutegula kwi'fwa.

Wukumbucize wo Wulajilize 11:16

Holeka mwiyilanjililaje muno muno ho mulece kumuleka Muwaha Mulungu, no kuhemba milungu yinji, no kuyitumamila.

Wagalatiya 2:6

Ninga i wanhu wawa wono wakutegwa wo walongola, hono mbeka vyo wali wenha, hamba yiwe si nhavivyo, kwangu si nghani yaye, hambi u Mulungu nha siyakuwa kuling'aniza so wulanga za kunze, ne wanhu wawa wali wasina cinji cono wali wadahile konjeleza mu Luganuzi lulu Luswanu nha vyono ane nghuluganula no mweneco.

Maluko 7:7

No wuhembi wawo wa kuli'ne hamba si wukwiliye cinji, hambi zinghani zono wejizaga, nha malajilizo ga cimunhu-munhu du.’

Isaya 44:20

Ne nghani yiyi, yo nghani yo wulele, yihwanile wubwiga mavu. Hambi i mahweso gakwe go wupufi, nha gakondya kumwajiliza nzila, ho yalece kuyiwona nzila yono yina wutazi. Hamba si yakusuma kumanya, nha vyono cico cihwani cono yebate mu muwoko wakwe, si mulungu yaye.

Zimbazi 21:26

Na zizo zono yakwituma, yakwihwesa 'mba mo kotujila vyono yakusaka. Ninga u munhu we ling'ani, kalavyaga hamba kwimila yaye.

1 Wakolinto 15:2

Na vyono na mu nzila ya lulo Luganuzi Luswanu, mo mukuponyezwa, hono muzibate zinghani zono namuganulilenyi, na kanyhi hono yiwe si mwehuwila bwete.

Matayo 15:9

No wuhembe wawo wono wakuhemba nene, si wukwiliye cinji, ku soko sunga ne zinghani zono wakwijiza, nha malajilizo ge cimunhu-munhu du.”

Malaki 3:14

Mwalonga mukatya, ‘Kumwitumamila Mulungu yo nghani ya bwete du. Hamba ho cili cambuzici mu wituma zono mwene yakulonga, hamba zo kujela kumulajila Muwaha Mulungu we mihanga nha vyono cikuzikalalila zono cetuma?

Isaya 1:13

Holeka yo nghani ya bwete du, yo kujendelela kundavizya vilavywa vyenyu. Hambi ane nha si nghwendezwa kanyhi, ne mhunjile yo wuvumba wono mukufusa. Hamba ne zi sikukuu zenyu ze Ndawo yo Mwezi, ne zi Sabato, hamba no wihangulize wenyu wo wuhembi, ane hamba si nozivumila yaye, hambi nha zakondya kuwifywa no wubi wenyu.

1 Wakolinto 15:15

Hamonga na zizo zose, ase cali ciwe cili wahomelezi wo wulambi hali Mulungu, hambi nha calonga cikatya vyono u Mulungu yamuzukula Kilisito muli wafu, kumbe mwene ho si yamuzukula yaye, hono yiwe i wafu mbeka si wazukulwaga.

Zimbazi 16:10

Mutemi yo munya kudumula zinghani zose. Ne zinghani zakwe, si kasutyaga mu wuling'anize.

Zimbazi 15:2

Wulonje we wanhu we mahala, wuwezaga wuswanu wo wizuce. Ninga i walele, walongaga zo wulele.

Zabuli 32:9

Wulece kuwa mulele nha vyono yinha fwalasi hamba nyumbu, yono yiwopelezwaga matandiko ne mikowa mu mulomo, hono wulece kuyinoza nhavivyo, si yokusejelela yaye.”

Yakobo 2:20

Go mulele 'gwe, ma, wukusaka kulajilwa vyono u wihuwilo wono wusina metumo wufwiye?

Wagalatiya 3:4

Alo wo wutya, i zinghani zose zilya zono zamutujenyi zawa za bwete? Si yosumika yaye!

Wagalatiya 2:9

Holeka wa Yakobo na Kefa hamonga na Yohana, wono wakwijela nha wo walongola wawaha, wali wamanyile vyono u Mulungu yo yamhela lihewa lilyo, holeka wakawa kucilamusa ane na Balanaba kwe miwoko yawo, wakulajila i citanjilo co wuhangane hamonga. Na yikawa yicinojeye ase ciketume u mulimo kuli wanhu wono si Wayahudi, wene nawo kuli Wayahudi.

1 Wakolinto 3:18

Mbeka mulece kwikonga! U munhu wo wose wa muli nyenye hono yehwese nha vyono yena mahala, kumbe ho mahala ge ciyinze-yinze du, yili ciba u munhu yuyo hono yewone nha mulele, ho yasume kuwa ne mahala ge mbeka.

Jobu 15:13

Ninga wumanye, vyono wukumukolelwa likuwo Mulungu, kanyhi no kumuhosa.

Jobu 30:11

Vyono Mulungu yakondya kumhela wusocele, sina wutazi, holeka wakunyiziza ko wukali.