Yakobo 1:17 - Luganuzi Luswanu Kuli Wanhu Wose 2002

¹⁷ Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo yo munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

I CILAGANE CIPYA 1991

¹⁷ Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo ya munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

Yakobo 1:17 Referans Kwoze

Yohana 3:27

Yohana yakapitula yakatya, “Munhu si kosuma kuwa na cinji, hono yalece kupegwa no Mulungu.

Matayo 7:11

Holeka hono anye mono muli wabi, ninga mumanyile kuwapela iwana wenyu ivinhu viswanu, mbeka, u Sogo yenyu wa ku wulanga kokwituma nhavivyo yacizilize, nayo kowapela iviswanu wose wono wakumulomba.

Wahebelaniya 13:8

Yesu Kilisito yo yuyo du igolo ne zuwali, na ku cibitilila.

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Wuwale 23:19

Mulungu si yehwanile wanhu wono walambaga. Hamba si yehwanile wuwe wo wuhile wo munhu wono wupitukaga, Ninga mwene ketumaga zose zono yehuwize, Mwene kalongaga ko mulomo, nazo ziwa kwijela.

1 Yohana 1:5

I nghani yono cayihulika kuli Yesu, yono cikumulonjelenyi, nha yoyi, u Mulungu wo wuzelu, na muli mwene, musina hamba citi.

Zimbazi 2:6

Hambi nha yo Muwaha Mulungu du, mono kawapelaga wanhu mahala, na muli mwene, mo vilawaga wumanye wose no wizuce.

Zabuli 84:11

U Muwaha Mulungu yo mudimi wetu, kanyhi yo mutemi wetu wo lukumyo, mwene kacimotyaga vye lihewa lyakwe, kanyhi yakucipela no lukumyo. Muwaha Mulungu si yakuwa kuwema cinji co cose ciswanu, wono wetumaga ze ling'ani.

Yakobo 3:17

Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

Malaki 3:6

“Ane yo nene Muwaha Mulungu, mono sina cipitupitu yaye. Holeka nanye nyo lulelo lwa Yakobo, mukali si najililila lukulu ng'o.

Waefeso 2:8

Hambi nha mwakombozwa ku so lihewa lyo Mulungu mu nzila yo wihuwilo. Ne nghani yiyi si yili mu wuhidimbale wetu, langa cipegwa co Mulungu du.

Luka 11:13

Hono anye mono muli wabi, mumanyile kuwapela wana wenyu vinhu viswanu, u sogo yenyu wa ku wulanga yo yacilile, kowapela Muhe Mono Yelile wono wakumulomba.”

1 Wakolinto 4:7

Hambi nani 'mbi mono yakukuwona agwe nha wuli cinji ha mwande ye wanji? Hamba alu wina ci cici kanyhi cono siwapegwa, alu nhawule kanyhi wukwilumbilila mu cinhu cico, kotya nha munhu mono wukali si napegwa?

1 Yohana 4:10

No wendo vyo winha nhavivi, si vyono ase camula kumwenda Mulungu, langa u mwene Mulungu yo yacenda, sunga yakawa kumutuma u Mwanagwe ho yawe yikumbiko lyo kuciwusiza wubi wetu.

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,

Yohana 1:9

Awu wo wuzelu we mbeka, u wuzelu wono wukuza mono yinze, no kuwamulicila wanhu wose.

Wugubule 21:23

Ne likaya lilyo si likusaka izuwa, hamba mwezi, vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.

1 Zinghomo 22:12

Kanyhi Muwaha Mulungu, u Mulungu wako, yakupele wizuce ne mahala, ho wuwatemele Waisilayeli mu wibate Lilajilizo lyakwe.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

Isaya 60:19

“Kanyhi ne lizuwa hamba si lyolomumulicilenyi mu misi, hamba mwezi ku cilo. Hambi ane no Muwaha Mulungu, nha yo nene mono nolowa wuzelu wenyu cibitilila. Wuzelu wo lukumyo lwangu wo wolomumulicilenyi.

1 Samwili 15:29

Hambi Muwaha Mulungu mono mwene, wo lukumyo, lwe Waisilayeli, nha si kalongaga zo wulambi, kanyhi yasina cipitupitu mu mutima wakwe.” Hambi mwene nha si munhu yaye ho yawe ne cipitu-pitu.

Mwamulizo 41:16

Nayo Yusufu yakamupitula Falawo yakamutya, “Ane mutemi, sina vilungo vyo kusumila kukuloloseza nhunizo ye ndoto yako, ninga u Mulungu yo kokupela lipitulo lyono likwiliye.”

Wugubule 22:5

I cilo si colokwijela kanyhi, hamba si wolosaka wuzelu we tala hamba we'zuwa, hambi u Muwaha Mulungu nha kowamulicila, nawo wotema cibitilila ne cibitilila.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose ko winji, na kwe nhumbula swanu.

Walumi 6:23

Hambi u musahala wo wubi nha yifwa, langa icipegwa cono yakulavyo Mulungu, wo wumi we cibitilila mu wilunza na Yesu Kilisito u Mutwa wetu.

1 Zinghomo 29:19

Wumupelaje mwanangu Solomona nhumbula nhuvu, yebate wulajilize wako, yawitumame, kanyhi yayizenje ne Nyumba yako yiyi, ye nhojo, yono nakondya kuyiwicila ne vinhu vyose vyo kuyizenjela.”

Wuwale 11:17

Nane notima, cilongane nagwe baho. Nane nosola muhe wunji wono wuli muli'gwe wono nakupela, ho niwagawile nawo. Nawo ho wosuma kukutaziliza mu wituma mulimo wo wulanjilizi we wanhu wawa, nagwe holeka si kowudinghula mulimo wuwo kanyhi wuli wene yaye.

Yakobo 3:15

Mahala gono genha nhavivi, sigalawaga kucanyha ku wulanga, langa imahala gago ga kononze, kanyhi ga ciyinze yinze, na kanyhi ga cisetani.

Isaya 45:7

Yo nene mono nawuwumba wuzelu no wutitu yo nene mono ndetaga wumoteswe no wongomele. Yo nene du Muwaha Mulungu, mono nizitumaga zizi zose.

Wafilipi 1:29

Hambi anye nha mwapegwa cipegwa co kumwitumamila Kilisito, si so kumwihuwila du, langa na so kugazwa ku soko yakwe nhavivilya.

Metumo ge Watumwa 11:18

Waza kuzihulika zizi, wakanyamala, wakamukumya Mulungu wakutya, “U Mulungu kawapela i wanhu wono si Wayahudi cilejeho co kunena ho wawutuje wumi!”

Metumo ge Watumwa 5:31

Yuyo yo Mulungu yamwinula sunga ko ku muwoko wakwe wo kulume, yakawa Mulongola no Muponyi, yawapele wanhu Isilayeli u wunene, ho wanenelwe uwubi wawo.

Isaya 46:10

Nakondya kuwila ku wulawa katali zono zolokuza na ku wulawa katali nali nakondya kuzilonga zono zolokwijela. Nane nghalonga nghatya vyono mahweso gangu si galasumwa yaye, langa nokwituma zose du nha vyono nali nihwesize nitume.

Isaya 28:26

Kanyhi mwene yakuwa yamanyile nha vyono yimunojeye yetume mulimo wakwe, hambi Mulungu nha yakondya kumwijiza.

Zabuli 122:6

Holeka muyilombele Yelusalemi mulamu, “Nawo wose wono wakwendile, wamoteswe.

Wukumbucize wo Wulajilize 4:19

Kanyhi mwilanjilile, mulece kukwegwa na vya ku wulanga, lizuwa, mwezi, ne zinyelezi, ho muvitumamile no kuvihemba. Muwaha Mulungu, u Mulungu wenyu, yawaleceye wanhu wanji vivyo vyose ho wavihembe.

Wuwale 11:25

Nayo Muwaha Mulungu yakawa kuziza mwi'vunde, yakawa kulongana na Musa. Muwaha Mulungu yakasola muhe wunji muli Musa, wono yali yamupelile Musa. Yakawa kuwagawila wa walya walongola we makumi mupunghati. Kukawa, muhe wali weza kuwatimila, hobaho wakawa kwanza kuwila nhe wawizi, ninga si wasola yidaha mututu yaye.

Zabuli 85:12

Nayo Muwaha Mulungu, kociletela wumoteswe, ne yisi yetu yocitujila ndigwa nyinji.

Zabuli 102:27

Hambi agwe, nha yo gwegwe du cibitilila, no wikale wako wusina ndumo.

Zabuli 136:7

Yawumba lizuwa, no mwezi, hamonga ne zinyelezi, hambi lusungu lwakwe, nha lwikalaga cibitilila.

Yohana 3:3

Yesu yapitula yakamutya, “Ane nghukulonjela mbeka, vyono hono munhu yalece kulelwa wupya, si kosuma kuwuwona wutemi wo Mulungu.”

1 Timoteyo 6:16

Umwene yali wene du yo kekalaga mumi cibitilila, kanyhi kekalaga mu wuzelu wono hasina munhu wo wose mono yadahile kuwusejelela. Hasina munhu mono yasuma kumuwona, hamba mono kosuma kumuwona. Kuli mwene lyeze yilumbo ne vilungo vye cibitilila! Heya.