Yakobo 1:12 - Luganuzi Luswanu Kuli Wanhu Wose 2002

¹² Mumoti munhu mono yakukangalila wujelwe, hambi kolo yeza yasuma, nha kopegwa i cihumbilizwa co wumi cono Mulungu yawatemezezya wawalya wono wamwendile.

I CILAGANE CIPYA 1991

¹² Mumoti munhu mono yakukangalila wujelwe, hambi kolo yeza yasuma nha kopegwa i cihumbilizwa co wumi cono Mulungu yawatemezezya wawalya wono wamwendile.

Yakobo 1:12 Referans Kwoze

1 Petelo 5:10

Ninga kolo mukugazika cidaha cidodo vivi, Mulungu mono yo ndawililo ye lihewa lyose na mono yakumucemenyi muwuhanje ulukumyo lwakwe we cibitilila muwilunza na Kilisito, umweneco komukwilanicizenyi no kumukangazenyi, kanyhi komupelenyi vilungo no musinji wono wukamile.

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwatajila wanji wayenyu mu jela, nanye motuga magayo mu vilo yikumi. Holeka, mweze muli wehuwilwa kuli'ne, sunga ko ku wufwe, nane nomupelenyi wumi, co cihumbilizwa cenyu co wusume wenyu.’

Yakobo 5:11

Holeka ciwacemaga wawo wo wamoti ku soko vyono wakangalila. Mwakondya kuhulika zo wukangalile wa Jobu, kanyhi mumanyile vyono u Muwaha yamutendela ha ndumilizo. Hambi Muwaha nha yamemile nheto no lusungu.

Walumi 8:28

Kanyhi cimanyile vyono, muli zose, u Mulungu ketumanaga no kumalila hamonga na wose wono wamwendile, nha cinji, wawalya wono yawacema nha vyono yali yehwesize.

Matayo 10:22

Ne wanhu wose wolomusulenyi nyenye, ku soko ye litagwa lyangu. Ninga mono kokangalila sunga ko ku ndumo yo kopona.

1 Wakolinto 9:25

I wedawazi wose, wewikanizizaga mu nzila yo wizoweleze, hamonga ne cogopo cose, ninga hamba nhavivyo, wene wanozaga nhavivyo, ho watuje u mukumbo wono wuhodanjikaga! Ninga ase cikunoza nhavivyo, ho cituje u mukumbo wono wikalaga cibitilila.

1 Petelo 3:14

Ninga, hamba yiwe yimunojelenyi kugazika ku soko yo wituma ziswanu, ale, mowa wamoti. Kanyhi mulece kumogopa munhu wo wose, hamba mulece kuvumila kwinjizwa mu mahwele.

2 Timoteyo 4:8

Alu yisigaye yo wubocela i cipegwa co wisumanize wangu, ku soko ye mikalile yo wiling'ano, i cipegwa cono Muwaha Muling'anizi we ling'ani, kolomhela Mwizuwa lilya, kanyhi hamba si nene du nili wene, langa na wose wono wakulanjilila ko wendo i mazizo gakwe.

Yakobo 2:5

Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.

1 Petelo 5:4

Na mu cidaha kolo u Mudimi Muwaha yakwijela, nanye molobocela u mukumbo wo lukumyo wono siwunyalaga.

1 Wakolinto 2:9

ninga nha vyono gakulonga i Mandiko Gono Gelile, “Izinghani zono hamba liso likali si naziwona, hamba i likutu kuzihulika izinghani zono, hamba munhu yakali si nazihwesa mu nhumbula yakwe, zizo zo Mulungu yawawikaniziza wa walya wono wamwendile.”

Wukumbucize wo Wulajilize 8:2

Kanyhi mukumbucile vyono Muwaha Mulungu, u Mulungu wenyu, yamutonjenyi mu muhinzo mutali, wa mu nyika mu myaka yiyi makumi mane yono yipulute, yakamukozenyi mu makamu menji, ho yamujelenyi, ho yamanye zono zili mu zinhumbula zenyu, na hono mbeka mwendile kugebata malajilizo gakwe, hamba ng'o.

Zimbazi 17:3

Zahabu na fweza, vikuwa kujelwa no moto. Nayo nhumbula yo munhu yijelwaga no Muwaha Mulungu.

Zakaliya 13:9

Nane ho nowalanga wa walya we lifungu lye kadatu wono wasigaye, nane noweza nha fweza yono yezigwe no moto kanyhi nowajela nha vyono zahabu yikuwa kujelwa. Hobaho wonyhema, nane nowapitula, ‘Nane nowalonjela vyono wene wo wanhu wangu, awo wovumila vyono ane yo nene Mulungu wawo.’ ”

Wugubule 3:21

“Wono wosuma, wawo nowekaza hamonga nane mwi'goda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.

1 Petelo 4:13

Langa musangalale vyono mukuhanga imagazo ga Kilisito, ho musume kuwa na nyemo mbaha muno muno mwidaha lono ulukumyo lwakwe lukugubulwa.

1 Wakolinto 8:3

Ninga u munhu mono yamwendile u Mulungu, yuyo langa yo yamanyice kuli mwene.

Wugubule 3:19

Ane yo nene mono nghumulanjiza no kumutacila munhu wo wose mono nimwendile. Holeka wikamilizaje, wunene, wu wulece wubi wako.

Wukumbucize wo Wulajilize 13:3

Anye mulecele lukulu kuzihulicila zinghani zakwe munhu yuyo. Hambi Muwaha Mulungu wenyu, nha yakumujelenyi, ho yamanye hono mbeka mumwendile mwene kwe zi nhumbula zenyu zose, na kwe mitima yenyu yose.

Wahebelaniya 10:32

Ninga muzikumbucilaje zono zejela mu vilo vivilya i vilongozi lono mwali mwenzeluswa no wuzelu wo Mulungu. Ku soko hamba yiwe mwatuga wugazwe winji mu vilo vivyo, ninga mwakangalila.

Zabuli 119:71

U wulipicizwe wangu wali viswanu kuli'ne, hambi nha wunoza niyijize zo wutonji wako.

Wukumbucize wo Wulajilize 7:9

Kanyhi mweze kukumbucila vyono Muwaha Mulungu, u Mulungu wenyu, yo Mulungu monga du, kanyhi mwihuwilwa. Mono kosuma kukamisa cilagane cakwe, no kulajila lusungu lwakwe luwaha kuli ndelo maelufu na maelufu ga wono wamwendile, kanyhi webate ne malajilizo gakwe.

Wahebelaniya 6:15

Abulahamu yalindiliza ko wukangalizi, holeka yakacibocela cono u Mulungu yamwihuwiziza.

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa ku wulawa wuwumbwe we yinze.

Zabuli 119:67

Lono wali wukali nandipiciza, netumaga zimbi, ninga aluno, noyikamisa nghani yako.

Nehemiya 1:5

“Gwe go Muwaha Mulungu wa ku wulanga, agwe wuli Muwaha, nase cikogopile gwegwe, kanyhi agwe wuli lusungu, kukamisaga cilagane cako kuli wono wakwendile gwegwe no kwituma wulajilize wako.

Wahebelaniya 11:17

So wihuwilo, Abulahamu yamulavya u mwanagwe Isaka ho yawe likumbiko, lono u Mulungu yamujelaga. Na yuyo Abulahamu yali yabocela u wihuwizo wo Mulungu, ninga, hamba nhavivyo, yavumila kumulavya yikumbiko u mwanagwe we ciwene,

Zabuli 119:75

Nane manyile vyono wuling'anize wako, wo we ling'ani 'gwe go Muwaha Mulungu, na vyono kanyhi kundipiciza, vyono 'gwe wuli mwihuwilwa.

1 Yohana 4:19

Ase cina wendo, vyono Mulungu yamula kucenda.

Isaya 64:4

Kanyhi hasina hamba munhu monga mono yamuwona, hamba kuhulika zo Mulungu yunji wo wose mono yehwanile gwegwe, mono ketumaga metumo gono genha gaga, kuli wose wono wamwitumbiye.

Zabuli 5:11

Ninga wose wono wakwihundika Muli'gwe, wasecelele, wembe ko wusangalale vilo vyose, wuwadimaje wose wono wakwendile gwegwe, ho wasangalale ku soko yako.

Wutuluce 20:6

Ninga nghuwawonela lusungu maelufu na maelufu, wawalya wono webate malajilizo gangu.

Wahebelaniya 12:5

Wulenyi, alu mwazisemwa i zinghani zono u Mulungu yakulonga nanye nha wanagwe? “Mwanangu, wulece kubedegala i mafundo go Muwaha, hamba wulece kutukuwika u mutima wako kolo yakukukalipila.

Jobu 5:17

“Langa ta, yo mumoti munhu mono Mulungu yakumutacila. Holeka wulece kubedegala lono yakukutacila.

Zabuli 94:12

Gwe go Muwaha Mulungu, yo mumoti munhu mono kumufundaga cogopo, munhu mono kumwijizaga wulajilize wako.

Mwamulizo 22:1

Zali zeza kukondya zizo, hanyuma u Mulungu yakamujela Abulahamu, yakamucema yakutya, “Gwe Abulahamu!” Nayo yakedika yakatya, “Ane, baha Muwaha.”

Jobu 2:10

Ninga Jobu yakamupitula mugolece wakwe, yakamutya, “Gwe mugolece wangu, mbeka wukulonga nghani za caka du! Alu kumbe, hono Mulungu yakuciletela nghani swanu, ayo langa ciyibocelaje na nyemo. Ninga kolo yakuciletela wugaye, hongo yicinojeye cimung'ung'ulicile?” Na muli zizo zose ze magayo zono zamwijelela Jobu, ninga mwene hamba si yalonga nghani yo yose 'mbi kuli Mulungu yaye.

Zabuli 11:5

Muwaha Mulungu kawapimaga we ling'ani ne wabi, nayo kawasulaga muno muno i wanhu wakali.

Luka 6:22

“Muli wamoti 'nye, kolo wanhu wakumusulenyi, na kolo wakumusiwanulenyi, no kumulijenyi, no kuliviza litagwa lyenyu nha wetuma vibi, ku soko yo Mwana wo Munhu.

Walumi 5:4

u wukangalile nawo wuletaga wusikamywe, na wuwo nawo wuletaga witumbilo.

2 Timoteyo 2:15

Wupiligale muno kwiwika mu mikalile ye lilumbo hali Mulungu nha mwitumami mono si yakuwuwonela cevu u mulimo wakwe, kanyhi mono yakwijiziza mu wulunji inghani ye mbeka.

1 Petelo 4:14

Hambi nha muli wamoti, hono muli'gwe ku soko ye litagwa lya Kilisito, ne nghani yiyo, yikulajila vyono Muhe Mono Yelile, yuyo Muhe wo Mulungu kekalaga muli'nye.