Yakobo 1:10 - Luganuzi Luswanu Kuli Wanhu Wose 2002

¹⁰ nayo mugoli, yimunojeye yawe na nyemo lono yakugwiswa no Mulungu. Hambi umugoli nha kokwajilila nhe liluwa lya mu mbago.

I CILAGANE CIPYA 1991

¹⁰ nayo mugoli, yimunojeye yawe na nyemo lono yakugwiswa no Mulungu. Hambi umugoli nha kokwajilila nhe liluwa lya mu mbago.

Yakobo 1:10 Referans Kwoze

1 Petelo 1:24

Nha vyono i Mandiko gatezaga: “U munhu wo wose nha yenha mahanze no lukumyo lwakwe lose nha lwinha maluwa ga mu mbago. Imahanze ganyalaga ne maluwa gakung'unhikaga.

1 Yohana 2:17

I yinze nayo yimalikaga hamonga ne vinhu vyayo vyono vikuleta masulumizi, langa mono ketumaga u wuhile wo Mulungu, yo yakwikala cibitilila.

Jobu 14:2

Cikuwa kuwiluka no kunyala mbela mbela nhe maluwa, cikupuluta nho mwenzenze.

1 Timoteyo 6:17

Wuwalonjelaje iwanhu wagoli we vinhu vye mikalile ya lulu, walece kwidunhumula, hamba kuwika u witumbilo wawo mu sawo yono siyidahile kwitumbilwa, langa wamwitumbilaje Mulungu, mono ko wuswanu wakwe, kacipela i vinhu vyose civisangalalile.

Matayo 5:3

“Wamoti wono wakwiwona nha waciwa hali Mulungu, hambi u wutemi wo Mulungu nha wawo.

1 Wakolinto 7:31

nawo wono wakipiganziza za mono'nze yiyi, ale wawe nha wono si wakwipiganziza muno zizo. Hambi nha vyono cimanyile, yinze yiyino nha yikupuluta.

Zabuli 103:15

Munhu nha yehwanile mahanze du, kasanulaga nhe liluwa lya mu mugunda,

Yakobo 4:14

Hamba simumanyile vyono wumi wenyu wowa wule ku mitondo! Hambi anye nha mwihwanile linghungulyosi lyono lijelaga cipango cidodo vivi du no kwajilila kanyhi.

Matayo 6:30

Alu u Mulungu hono yawe yakugavwika imahanze ga mu migunda nha vivyo gono gali baha izuwali, ninga imitondo gakutagwa mu moto, wulenyi, si kosuma kumuvwicenyi viswanu anye kuciza? Anye mo wanhu mono mwina u wihuwilo wucefu!

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Isaya 40:6

Ne lizi likulonga kwa vilungo likutya, “Wuyanzaje nghani.” Nane nghawuza nghatya, “Alo nghanici yene yono niyanze?” Nayo Muwaha Mulungu yakanyitya, “Wanze nha vyono wanhu wose wehwanile mahanze, hamba si wekalaga vilo vinji, wehwanile maluwa ga mu mawimbi.

Wafilipi 3:8

Heya, hamba si nhavivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene, ane navumila kugaleka gose, nane nghagawona gago gose nha takataka, ho nimutuje Kilisito,

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Zabuli 102:11

No wumi wangu, wihwanile, nho mubeho we cinyamihe, nghunyala nhe mahanze.

Zabuli 37:2

Hambi wene nha wokwajilila musunho nhe mahanze, wonyala nhe vilimwa videce.

Zabuli 39:6

Na mbeka, munhu wo wose kapulutaga nho mwenzenze du. No wuhidimbazi wakwe wose, wukuwa nghani ya bwete du, mwene kakongholaga sawo, hamba kumanya mono koyitumila nani.

Isaya 40:7

I mahanze ganyalaga, nago maluwa gawombaga, lono Muwaha Mulungu yakuleta libeho liwa kugaputa. Na mbeka, wanhu siwekalaga wehwanile mahanze du.