Wutuluce 1:21 - Luganuzi Luswanu Kuli Wanhu Wose 2002

²¹ Nawo wana wa Isilayeli wakajendelela kwilela no konjelezeka, no kucila kuwa ne vilungo muno muno.

Wutuluce 1:21 Referans Kwoze

1 Watemi 11:38

Hono wuhulice 'ne ko mutima wako wose, kanyhi hono wugakamise ne malajilizo gangu, witume nha vyono nowa kukulajiliza witume, nha vyono yanozaga mwitumami wangu Dawudi, ale, nane nowa nili hamonga nagwe vilo vyose. Nokunoza wuwe mutemi we Waisilayeli. Nane nolanjilila sunga mbone, vyono ne wanago wakuwuhala wutemi wako, nha vyono netuma kuli Dawudi.

1 Samwili 2:35

Nane nolomuhagula mukohani mono kowa mwihuwilwa kuli'ne, mono kosuma kwituma zose, nha vyono nomulajiliza yetume. Kanyhi nolomupela wana wono wowa kwitumama hali mutemi wangu muhagulwa wangu.

Zabuli 37:3

Wumwitumbilaje Muwaha Mulungu, witume ziswanu, holeka kokwikala wupolile mononze.

Muganuzi 8:12

Wuwalangaje ta wanyo wubi, vyono wetumaga zimbi kali cigana, ninga hamba nhavivyo, vyo wajendeleye du kuwumipa. Ninga ane manyiye lukulu vyono, i nyemo yiwalindiye wono wamogopile Mulungu, ku soko ye cogopo cawo,

1 Watemi 2:24

Hambi Muwaha Mulungu mumi, nha kakondya kufisiliziza, kanyikaza mwi'goda lyo wutemi, lya baba Dawudi, yawukamisa wihuwizo wakwe, sunga yakondya kumhela wutemi hamonga ne wanangu. Holeka nane nghwilahiza hali Muwaha Mulungu mumi, nha vyono Adoniya izuwalili du kofwa!”

1 Samwili 25:28

Kanyhi nghukulomba muwaha wunenele muli zose zono nghusutizye. Ninga Muwaha Mulungu kokunoza wuwe mutemi, hamonga sunga no lulelo lwako nhavivilya. Hambi nha wukulewa milewo yakwe, hamba si kosuma kwituma zimbi mu vilo vyako vyose vyo wikale wako.

Zabuli 127:1

Muwaha Mulungu hono yalece kuyizenga kaya, wono wakuyizenga wakwigaza bwete. Muwaha Mulungu hono yalece kulidima likaya, wono wakulilindiliza, wokwikala meso bwete.

Yelemiya 35:2

“Ale, wubite ku wanhu wo mulango we Walekabi, wukalonje nawo. Hanyuma wuwalete, wuwenjize mugati ye cinyumba cimonga ca mu Nyumba yangu, hanyuma wuwapele divayi wang'we.”

Zimbazi 24:3

Ne zikaya zizenjeywe mu musinji we mahala no wizuce.

Zabuli 127:3

I wana co cipegwa, cono Muwaha Mulungu kacipelaga nawo, co cipegwa cakwe kuli 'se.

Wutuluce 1:17

Ninga wadala wawa, wali wamogopile Mulungu, holeka siwaketuma vyono wali walajilizwe no mutemi. Ninga wene, wakawaleka wana wose we cilume womi.

Zabuli 112:1

Muwaha Mulungu yalumbwe! Yo mumoti munhu mono yamogopile Muwaha Mulungu, mono yakusangalalila kugebata malajilizo gakwe.