Wutuluce 1:12 - Luganuzi Luswanu Kuli Wanhu Wose 2002

¹² Ninga nha vyono Wamisili wacila kuwagaza Waisilayeli, nawo Waisilayeli, vyo wakacila kwilela no konjelezeka no kuwa wenji, wakatandala mu yisi yose. Nawo Wamisili wakenjilwa muno no woga ku soko ye Waisilayeli.

Wutuluce 1:12 Referans Kwoze

Zabuli 105:24

Nayo Muwaha Mulungu, yakawanoza wanhu wakwe, welele muno muno kanyhi yakawapela wuwe, wo kuwa wali vilungo, muno kuciza vilungo vye walugu wawo.

Wutuluce 1:9

Ale, yuyo yakawalonjela wanhu wakwe yakatya, “Ta mulanje, wanhu wawa Waisilayeli weza wenji, kanyhi wali vilungo wacicizize na sese.

Walumi 8:28

Kanyhi cimanyile vyono, muli zose, u Mulungu ketumanaga no kumalila hamonga na wose wono wamwendile, nha cinji, wawalya wono yawacema nha vyono yali yehwesize.

Yohana 12:19

Holeka Wafalisayo wakalongana weneco wose, wakutya, “Alu mwawona! Si cosuma kwituma nghani yo yose! Lanje, vyono we yinze wose wakumutyatya.”

Jobu 5:2

Holeka wumanye, vyono mahwele gawulagaga wanhu ko wusungu, na yowa nghani ya wulele, kanyhi cowa cinhu ca wulele ku witumwe.

Zimbazi 27:4

Likuwo si litetelaga, kanyhi lihodangaga. Ninga hamba nhavivyo, si lyokwihwana no munhu we mvivi.

Zimbazi 21:30

I mahala go munhu, hamba lukumyo, hamba wizuce, si vyosuma kukutaza cinji, hono Muwaha Mulungu yo yalece kuwa hamonga nagwe.

Wutuluce 1:7

Ne wana wa Isilayeli wali welelile muno, wakacila konjelezeka, wakawa ne vilungo, kanyhi wakawa wenji muno muno, sunga ne yisi yiyilya ye Misili, yikamema weneco wose.

Wutuluce 1:20

Na vyono wadala wamogopaga Mulungu, nayo Mulungu yakawatendela viswanu wa walya wadala, ne wanhu wa Isilayeli wakenjipa.

Mwamulizo 46:3

Mulungu yakamulonjela yakatya, “Ane yo nene Mulungu, u Mulungu wo sogo. Holeka wulece kogopa ku wubita ku Misili. Na lono wuli kuko, ane nokunoza wuwe yikungugo yiwaha.

Wuwale 22:3

Holeka, mwene hamonga ne wanhu wakwe wose, wakenjilwa no woga wuwaha muno muno ku soko ye Waisilayeli.

Wukumbucize wo Wulajilize 26:5

Nagwe wuwe kulonga hali Muwaha Mulungu, u Mulungu wako, wuwe kutya nhavi; ‘U mulezi wangu yali Mwalamu, mono yawasola we mhuga yakwe wose, wakahamila ku Misili. Nawo wali wacefu muno lono wabitaga kuko, ninga hanyuma yayo, wakonjelezeka muno, kanyhi wakawa yikungugo yiwaha, kanyhi wali vilungo muno.

Nehemiya 9:23

Wukawapela wana wenji muno, wakawa wenji nhe zinyelezi zono zikwijela ku wulanga. Kanyhi wukawasumila no wulugu wawo, wakekala na mu'si yilya yono wawehuwiza vyono kowapela walezi wawo.

Zabuli 107:38

Nayo yakawalugutiza wanhu wakwe, nawo wakonjezeka muno, sunga ne liwalo lye mitugo yawo, nalyo Mulungu yakalyonjeleza muno muno.