Wugubule 7:3 - Luganuzi Luswanu Kuli Wanhu Wose 2002

³ yakatya, “Mulece kuyihodanga yisi, hambe malenga, hambe mabici, sunga kolo cakondya kuwawicila citanjilo mu wusu wawo, i wetumami wo Mulungu wetu.”

I CILAGANE CIPYA 1991

³ nayo malayika yuyo yakatya, “Mulece kuyihodanga yisi, hambe malenga, hambe mabici, sunga kolo cakondya kuwawicila citanjilo mu wusu wawo, i wetumami wo Mulungu wetu.”

Wugubule 7:3 Referans Kwoze

Wugubule 22:4

Nawo wowuwona wusu wakwe, ne litagwa lyakwe lyokwandikwa mu mahanda go wusu wawo.

Ezekiyeli 9:4

“Alu, wubite wukole muciligati ye likaya lyose lya Yelusalemi, wukawawicile vitanjilo mu vihanda vyo wusu wawo, wanhu wose wono wakuwona wusungu no kugazika mu zinhumbula zawo, ku soko ye makani ge mawifyo gono getumwagwa mwi'kaya lili.”

Wugubule 9:4

Zinzije zizo zikalonjelwa vyono, zilece kuhodanga mahanze ge yinze, hamba dedede yose, hambe mibici yose, langa zibite zikawahodanje wanhu wawalya du wono wasina citanjilo co Mulungu mu vihanda vyo wusu wawo.

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kuling'aniza. Nghawona kanyhi ne zinhumbula za wono wadumulwa mitwe yawo ku soko yo kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.

Wugubule 14:1

Hanyuma nghawona ilitunda lya Sayuni, no Mwana we ngholo yemile mucanyha ye litunda lilyo, hali howali ne wanhu yigana limonga na makumi mane na yine elufu, wono wali wemile hamonga nayo, wono wali wandikwe mu wusu wawo, litagwa lyo Mwana we ngholo hamonga ne litagwa lyo Sogwe.

Wugubule 13:16

I lilimu lilyo likawadindimiza wose, i wadodo ne wawaha, i wagoli ne waciwa, i walelele ne wawanda, wawicilwe citanjilo mu miwoko yawo yo kulume, hamba mu wusu wawo.

Wutuluce 12:13

Nayo sakami yono yili mu fulemu ze milango, cowa co citanjilo cono cikulajila vyono zo kaya zenyu zono mwikaye. Nane kolo nghuyiwona yiyo sakami, hodu nopuluta, hamba si nomutamisenyi yaye, lono neza kuwalipiciza Wamisili.

Isaya 54:17

“Ninga hamba nhavivyo, howa hasina citwalo co cose cono cosuma kukutamisa yaye. Nagwe kowa wina yo kumupitula munhu wo wose mono yakukusitaka. Ane nowadima wetumami wangu nowapela no wusume.” Vyo yakutya Muwaha Mulungu.

Wugubule 19:2

Hambi ining'aniza yakwe nha ya mbeka kanyhi ye ling'ani. Hambi nha kamuling'aniza u musenyha muwaha, mono yali yakondya kuyajiliza yinze ku so wusenyha wakwe. U Mulungu kamuling'aniza yuyo Babiloni likaya liwaha, vyono lyawawulaga i wetumami wakwe!”

Wugubule 6:6

Nghahulika cinhu cinji kotya nha yizi lyono likulawilila kuli vivilya viwumbwa vine vyumi. Nalyo lizi lilyo likatya, “Cibaba cimonga ca wusaje wa ngano, cogulwa dinali monga, na vibaba vidatu vya shayili, navyo vyogulwa dinali monga nhavivyo. Ninga wulanjilile, wulece kuhodanga mafuta hamba divayi!”

Malaki 3:18

Kanyhi i wanhu wangu, ho wolowuwonela wisimajile wono wolowa, kuli we ling'ani na kuli i wanhu wabi, na kuli munhu mono yakunyitumamila, na kuli yulya mono si yakunyitumamila'ne.”

Wutuluce 12:23

Nayo Muwaha Mulungu kolo yeza kukola mu yisi ya Misili, ho yawawulaje Wamisili, koyiwona yiyo sakami ya mu fulemu ze milango yenyu, nayo si komuleka malayika we lifwa, yenjile mu zi nyumba zenyu yamuwulajenyi.

Yohana 12:26

Munhu mono yakusaka kunyitumamila, yimunojeye yanhyatye, kanyhi ho hose hono nili honili ane, baho ho kowa no mwitumami wangu. No munhu wo wose mono yakunyitumamila ane, nayo Baba komupela lilumbo.

Matayo 24:22

Ne vilo vivyo hono vyali vilece kucepulwa, hali hawe hasina munhu wo wose mono yali yapone, ninga alu, ivilo vivyo vyocepulwa, ku soko ya awalya iwahagulwa.

Zefaniya 2:3

Mumupitucilaje Muwaha Mulungu anye wose nyo wanhu wenenenyhezi wa mu yisi, anye mono muwukamise wulajilize wakwe. Mwitumaje ze ling'ani, kanyhi mwinenenyheze nyo weneco hali Muwaha Mulungu, nha lunji mopona mwi'zuwa lyono Muwaha Mulungu, yalalajila likuwo lyakwe.

Isaya 65:8

Muwaha Mulungu yakutya nhavi, “Hambi nha hasina munhu mono kazihodangaga zi zabibu ziswanu, langa waziminyaga no kuzinoza divayi. Ale yo nhavivyo, nane hamba si nowongomezeza lukulu wanhu wangu wose ng'o, langa nowasigaza wose wono wakunyitumamila.

Isaya 27:8

Langa Muwaha Mulungu, yawalipiciziza wanhu wakwe, mu nzila yo kuwahamya no kuwategula ku yisi yo wujenzi. Lono yawahwajiliza no mukukunzo we mbeho nghali ya kucilima.

Isaya 6:13

Hamba yiwe mu wanhu yikumi, yikumi, yasigale munhu monga monga, mu yisi, yuyo nayo kokongomezwa du. Kokwihwana lisici lyo mubici wo munghola lyono lyakondya kutemangwa.” (Lisici likuwa nha wo mwamulizo mupya we wanhu wo Mulungu.)

Walumi 6:22

Ninga alu mwakondya kuwopolelwa ku wulawa mu vilungo vyo wubi, alu mwaweza wetumami wo Mulungu, ne cambuzi cono mwina naco alu, wo wele, no mudumo wayo, wo wumi we cibitilila.

Matayo 24:31

Ne lizi yiwaha lye ndulele, lyolohulikwa, nayo kolowatuma i wamalayika wakwe, nawo wolowakonghola i wahagulwa wakwe ku wulawa ku zimbavu zose vyono yine ze yinze, kuwulawilila ku mudumo awu wo wulanga, sunga ko ku mudumo muyagwe.”

Danyeli 6:16

Hobaho mutemi yakalajiliza vyono Danyeli yebatwe. Hobaho Danyeli yakawa kwibatwa, yakagumilwa mu mhango ye zisimba. Mutemi yakamulonjela Danyeli yakamutya, “Ale, u Mulungu wako mono kumwitumamilaga nhondo zose, yo yuyo mono kokuponya.”

Danyeli 3:26

Hobaho Nebukadineza yakenuka yakasejelela behi no moto, yakacemeleza kwe vilungo yakatya, “Shedilaki! Meshaki! Na Abedinego! Wetumami wo Mulungu mumi! Mulawile muze kuno!” Nawo wakalawaniza lwa kamonga.

Danyeli 3:17

Langa u Mulungu wetu mono cikumuhemba, yo kosuma kucitaza mwi'lambi lyo moto, hamonga na mu vilungo vyako.

Ezekiyeli 9:6

Muwawulagaje i wakombi wose, ne wa wazelelo wose, ne wahinza wose, ne wanyina zo munhu wose, hamonga ne wana wadodo wose. Langa du mulanjilile, mulecele lukulu kuwapamiza wanhu wose, wono wena vitanjilo mu vihanda vyo wusu wawo. Ninga hamba nhavivyo, mwamulizizaje bahano du mono Nyumba yangu.” Hobaho nawo wakawa kwanziza baho, wakawawulaga walongola wose, wono wali wali baho ha Nyumba yo Mulungu.

Yohana 3:33

Ninga munhu wo wose mono yakuwubocela wuhomelezi wakwe, yakukangaza vyono, Mulungu yo we mbeka.

Wugubule 7:1

Hanyuma ya zizo, nghawona wamalayika wane, wemile mu zinhuzi zose ze yinze vyono yine, akuno webatilize mbeho ze yinze, ho mbeho yilece kuputa mu'nze hamba hadodo, hamba mu yisi, hamba mu malenga, hamba mu mabici.

Wugubule 7:2

Kanyhi nghamuwona malayika yunji yakulawilila ku lubavu lwe cilima yakubita kucanyha, akuno yena no mutozo wo Mulungu u mumi. Nayo malayika yuyo yakazoza kwe'zi 'waha, yakuwalonjela wawo wamalayika wane, wono wali wapejigwe vilungo vyo kuhodanga yisi ne malenga,

Wugubule 13:17

I lilimu lilyo, likalemezeza lukulu munhu wo wose, yalece kugula hamba kuguza cinhu co cose, langa munhu yuyo du mono yena citanjilo cico, ce litagwa lya lilyo lilimu, hamba liwalo lye litagwa lilyo.

Wugubule 14:9

Nayo Malayika we kadatu yakatyatilila munyuma wulonje we wayagwe, yakalonga kwe'zi yiwaha yakutya, “U munhu wo wose mono kolihemba lilimu lilyo, hamonga ne cihwani calyo, mu muwoko walyo,