Walawi 1:9 - Luganuzi Luswanu Kuli Wanhu Wose 2002

⁹ Kanyhi yimunojeye munhu yuyo, yasole wutumbu, hamonga ne vima, ne viwoko vye ng'ombe yiyo, yavikweme ne malenga. Nayo mukohani, yacikongoje cilavywa cose hamonga, mu moto mucanyha ye cikumbicilo. Ne mhunjile swanu muno ye cilavywa cico, yikwendeza muno kuli Muwaha Mulungu.

Walawi 1:9 Referans Kwoze

Mwamulizo 8:21

Ne mhunjile swanu ye vilavywa vivyo, yikamwendeza muno u Muwaha Mulungu, nayo Muwaha Mulungu yakatya mu nhumbula yakwe, “Hodu, hamba si nilayihodanjila lukulu yinze kanyhi, ku soko yo munhu, hambi nha nakondya kumanya vyono i mahweso go munhu, nha mabi du ku wulawa wudodo wakwe. Hamba si novyongomezeza lukulu kanyhi i viwumbwa vyose, nha vyono nozize.

Walawi 1:13

Ninga munhu yuyo, yamule yavikweme ne malenga, wutumbu hamonga ne vima. Nayo mukohani ho yalilete likumbiko lilyo hali Muwaha Mulungu, yalikongoje mu moto mucanyha ye cikumbicilo. Ne mhunjile swanu muno ye cilavywa cico, yikwendeza muno kuli Muwaha Mulungu.

Waefeso 5:2

Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

2 Wakolinto 2:15

Hambi ase nha cinha mhunjile swanu yono Kilisito yakumulavizyo Mulungu, i mhunjile swanu yono yikuwaficila wanhu wose wono wakupona, na wono wakwajilila.

Ezekiyeli 20:41

Nane kolo nakondya kumuwusenyi mu zi'si zizo zono mowa muyagazizwe, no kumukongholelenyi wose hamonga, nhondo ho nolovibocela ne vilavywa vyenyu vinyanywe. Ne makungugo baho ho wolowonela nha vyono ane nelile.

Walawi 3:11

Nayo mukohani mono yakulongoza wuhembi, yavikongojele vyose mu cikumbicilo, yiwe yo ndigwa ndavye kuli Muwaha Mulungu.

Wutuluce 29:18

Wuyiticimize nduwilu yose mu moto mucanyha ye cikumbicilo, wundavizye cilavywa cinyanywe. Ne mhunjile ye cilavywa cicino, yinyendezaga muno.

Wafilipi 4:18

Ale, nakondya kuvibocela vinhu vyose vyono mukamhela, kanyhi vicizize kuciza na vyono navihilaga. Alu nina navyo vyose ku soko Epafulodito yakondya kundetela i vipegwa vyenyu. Vipegwa vivino vikuwa nha vilavywa vye mhunjile swanu, likumbiko lyono likuvumilwa no kumwendeza u Mulungu.

Ezekiyeli 20:28

Ninga nane, lono nawenjiza mu yisi yono nali nehuwiza nha vyono nowapela. Nawo wali weza kugawona matunda matali, hamonga ne mibici yono yidedewaye, ati hodu, wakawa kuvilavizya makumbiko. Nane nhondo, ho wakanghoza likuwo muno, so makumbiko gawo manyanywe, hamonga ne divayi yono wayilavya.

Yelemiya 4:14

Gwe Yelusalemi, kweme mabi gose gono gali mu nhumbula yako, ho wupone. Alu ho kojendelela kwihwesa makani mabi sunga nili?

Zabuli 66:15

Nokulavizya vilavywa vinyanywe vyono vijinile muno, vilavywa vinyanywe vye zingholo zinume, nolavya zinghongolo hamonga ne zimhene.

Zabuli 51:6

Ninga agwe wendile winenenyhezi wa mugati, holeka wunyijizaje mahala mu nhumbula.

Walawi 9:14

Yakawa kuwusola wutumbu ne vima vyayo yakavikwema, yakawa kuvikongojela mucanyha ye cikumbicilo hamonga ne cilavywa cinyanywe cono cali cisigaye.

Walawi 8:21

Yakawa kuwusola wutumbu wayo, yakawa kuwukwema ne malenga hamonga ne migulu yayo. Hanyuma yakawa kuyisola mhama, hamonga no mutwe, na vinji vyose vyono vyali visigaye vya mu mudunhu we nduwilu, yakawa kuviticimiziza mu cikumbicilo, nha vyono Muwaha Mulungu yamulajiliza. Ne cilavywa cicino cinyanywe cikawa co cilavywa ca ndigwa. Ne mhunjile yayo yikwendeza kuli Muwaha Mulungu.

Walawi 1:17

Hanyuma yayitandakule ndeje yiyo mabawa gayo no kuyikata, ninga yalece kugadumula mabawa gayo. Hanyuma yawe kuyikongoga yose mu moto mucanyha ye cikumbicilo. Ne mhunjile swanu muno ye cilavywa cico, yikwendeza muno kuli Muwaha Mulungu.

Wutuluce 29:25

Hanyuma, wuvisole kanyhi ku wulawa mu miwoko yawo, wuviticimize no moto mucanyha ye cikumbicilo, hamonga ne cilavywa cinyanywe, viwe mhunjile swanu yono yonyendeza nene no Muwaha Mulungu. Naco cico co cilavywa cono cikunozwa no moto.

Zakaliya 13:7

U Muwaha Mulungu we mihanga yakutya, “Winuce 'gwe go mumaje, wumuhungucile mudimi wangu, mono yakunyitumamila. Wumuwulagaje, ne zingholo zokwiyagala, Nane nowatowanga wanhu wangu.

Wutuluce 12:9

Mulece kuyilya nduma hamba nhelece, langa yose yeze nghasice, hamonga no mutwe wayo ne migulu yayo yose, sunga no wutumbu wayo wose.

Walawi 4:31

Hanyuma yawe kuyiwusa mhama yayo yose, nha vyono kanozaga mhama ye mitugo zose, zono zikuwa kulavywa no kuwulagwa so vilavywa vyo mulamu. Nayo mukohani yayikongojele mu cikumbicilo. Mhunjile yayo ho yimwendeze Muwaha Mulungu. Na mu nzila yiyi, mukohani mo komunozeza wilamule so wubi wo munhu yuyo, no munhu yuyo konenelwa wubi wakwe.

Wuwale 15:3

Yiwanojeye wamulavizye Muwaha Mulungu nghongolo, hamba ngholo, hamba mhene, yiwe so cilavywa cinyanywe, hamba so cilavywa co wufisilize wo wilahize, hamba so cilavywa ce lihewa, hamba so cilavywa cono wazoweye kulavya mu zi sikukuu zenyu ze nhondo zose, ne mhunjile ye vilavywa vye ndigwa, yikumwendeza Muwaha Mulungu.

Wuwale 28:11

Weze kumulavizya Muwaha Mulungu cilavywa cinyanywe mwi'zuwa lilongozi lya mu myezi yose. Weze kulavya nzeku nyejete, hamonga ne nduwilu monga, hamonga na nyana za ngholo nume za mwaka monga, zili mupunghati, nazo zose zeze nhelevu, zono zisina cilema co cose.

Wukumbucize wo Wulajilize 12:27

Mweze kulavizya baho ha cikumbicilo co Muwaha Mulungu, i makumbiko ge vilavywa vinyanywe, ne makumbiko gose, gono anye moyilya nyama yayo no kuyita sakami yayo mucanyha ye cikumbicilo.

Walawi 2:2

ho yawe kuwuleta kuli wana wa Haluni i wakohani. Nayo Mukohani mono yakulongoza wuhembi, yasole yiganza limonga lyo wusaje wuwo, hamonga ne mafuta, no wuvumba wose, yavikongoje vyose mu cikumbicilo, ho ciwe citanjilo cono cikulajila nha vyono vyose vilavywa kuli Muwaha Mulungu. Ne cilavywa ci cino ce ndigwa, co cikwendeza kuli Muwaha Mulungu.

Walawi 2:9

Nayo mukohani yasole cibegulwa cidodo co mukate, yacikongoje mu cikumbicilo, ciwe nha citanjilo cono cikulajila nha vyono, vyose vyakondya kulavywa kuli Muwaha Mulungu. Ne mhunjile ye cilavywa ci cino ce ndigwa, yikwendeza kuli Muwaha Mulungu muno muno.

Walawi 2:16

Nayo mukohani yasole mhece nyhefu, yazikongoje mu moto hamonga ne mafuta, ciwe cikumbucizo, kanyhi yakongojeze hamonga no wuvumba, yiwe ndigwa ndavye kuli Muwaha Mulungu.”

Walawi 3:5

Nawo wakohani wavikongojele vivyo vyose mu cikumbicilo hamonga ne vilavywa vinyanywe. Ne mhunjile ye cilavywa ce ndigwa yiyi, yikwendeza muno kuli Muwaha Mulungu.

Walawi 6:14

“Awu nawo wo wulajilize wono wunojeye kuli vilavywa vyo wusaje. Yiwanojeye wakohani walawi, walavye cilavywa co wusaje kuli Muwaha Mulungu, wacilavizye ha mwande ye cikumbicilo.

Walawi 8:28

Hanyuma kanyhi Musa ho yakawa kuvisola ku wulawa mu miwoko yawo, yakawa kuvikongoga mu cikumbicilo, mucanyha ye cilavywa cinyanywe, ciwe co cilavywa co wusiwanule. Navyo vyali co cilavywa ce ndigwa, ne mhunjile yayo yikwendeza kuli Muwaha Mulungu.

Wuwale 28:7

Alu nha vyono yinha, yinojeye divayi, yilavywe hamonga ne ngholo nongozi, holeka wujidile divayi mu cikumbicilo lita monga.

Wuwale 28:8

Na mwi'pango lye cinyamihe, wuyilavye ngholo ye kejete, wuyilavizye mu nzila yiyo du nha vyono wuyilavizye ngholo ya hakali mitondo, hamonga ne cilavywa cayo ce divayi. Naco co cilavywa ce ndigwa, ne mhunjile yayo yikumwendeza Muwaha Mulungu.

1 Zinghomo 6:34

Nayo Samwili mwana wa Elikana, nayo Elikana mwana wa Yelohamu, nayo Yelohamu mwana wa Eliyeli, nayo Eliyeli mwana wa Towa.

2 Zinghomo 4:6

Yakanoza na mabeseni yikumi, yakawika mahano lubavu lwa kutakama lwe Nyumba yo Mulungu, ne mahano nago lubavu lwayo lwa kusumuka. Ne mabeseni gago, getumamilwaga so mulimo wo kukwema zinyama zinji ze mitugo ze makumbiko ge vilavywa vinyanywe. Ninga malenga gono gekalaga mwi'tanji liwaha, ago wezuguzaga wakohani du wali wene.

Ezekiyeli 40:38

Na ku luwa ya kunze, hali ho zili nyumba zinji nzengwe zipapicizwe mwi'jinji ku lubavu lwa kusumuka yo mulango. Ne milango yayo, yadigulilwaga mugati ye balaza yo kwambila lubeho, yono yali vidomile ne luwa. Baho ho wazikwemelaga zi mitugo ze makumbiko ge vilavywa vinyanywe.