Wafilipi 4:7 - Luganuzi Luswanu Kuli Wanhu Wose 2002

⁷ No mulamu wo Mulungu wono wucizize u wumanye wose we wanhu, womukamisenyi zinhumbula ne mahala genyu mu wilunza na Kilisito Yesu.

I CILAGANE CIPYA 1991

⁷ No mulamu wo Mulungu wono wucizize u wumanye wose we wanhu, womukamisenyi zinhumbula ne mahala genyu mu wilunza na Kilisito Yesu.

Wafilipi 4:7 Referans Kwoze

Yohana 14:27

“Mulamu nghumulecelenyi, mulamu wangu nghumupelenyi, si nghumupelenyi anye kotya nha vyono yinze yilavyaga. Mulece kugazika mu nhumbula, hamba mulece kwihwelela.

Isaya 26:3

Gwe go Muwaha Mulungu, kuwapelaga mulamu wono wukwilaniciye, i wanhu wono wuhile wawo wose wuli kuli'gwe kanyhi wakwitumbiye gwegwe.

2 Watesalonike 3:16

U Muwaha mweneco, yo mwamulizo wo mulamu, yamupelenyi mulamu nhondo zose muli zose. U Muwaha yawezane na nyenye wose.

Wakolosayi 3:15

No mulamu wa Kilisito wuteme mu zinhumbula zenyu, hambi ku soko yiyo, nanye nha mwacemwa ho muwe muwili wuwo wumonga. Kanyhi muwe mwina lilumbo!

Zabuli 29:11

U Muwaha Mulungu kowapela wanhu wakwe vilungo, kowalugutiza wanhu wakwe ko mulamu.

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Walumi 15:13

Ale u Mulungu mono wo musinji wo witumbilo, yamumemyenyi inyemo yose, no mulamu wono wukulawa mu wihuwilo wenyu, u witumbilo wenyu ho wonjezece mu vilungo vyo Muhe Mono Yelile.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Walumi 8:6

Imahweso ge cimunhu-munhu, galetaga wufwe, langa imahweso go Muhe, galetaga wumi no mulamu.

Walumi 5:1

Ale, vyono cakondya kunozwa, ho civumilwe hali Mulungu ko wihuwilo, holeka cilamuye nayo mu nzila yo mutwa wetu Yesu Kilisito.

Waefeso 3:19

Kanyhi muwumanye no wendo wa Kilisito, wono wucizize wumanye wose, ho mumemywe u wukwilanicile wose wo Mulungu.

Isaya 48:18

Alu yali yiwe yili ciba le, hono mwali mugebate malajilizo gangu! Holeka mwali muwutuje no wumoteswe wuwaha, wono wihwanile nhe likolongo lyono si linyalaga! No wusume wali wumuzizenyi nhe mawingo ge lilenga.

Jobu 22:21

“Holeka agwe Jobu, yikunojeye wilamule no Mulungu, wulece kumunoza nha mulugu wako. Na hono mwilamule nayo, ale, nayo kokulugutiza.

Walumi 14:17

Hambi wutemi wo Mulungu nha si wuli mu wulye no wung'we, langa wuli mu wiling'ano, no mulamu, ne nyemo mu Muhe Mono Yelile.

Isaya 48:22

Muwaha Mulungu yakutya, “Hasina mulamu kuli wanhu wabi.”

Wugubule 1:4

Ane yo nene Yohana mono nghugandicila makanisa mupunghati, gono gali mu yisi ya Asiya. Ilihewa no mulamu vyeze kuli'nye ku wulawa kuli mwene mono hoyuli, mono yali ho yali, kanyhi mono yakuza, na kanyhi ku wulawa kuli i myuhe mupunghati yono yikalaga he'goda lyakwe lyo lukumyo,

Luka 1:79

no kuwamulicila wono wekaye mu citi ce lifwa. No kuyitonga migulu yetu mu nzila yo mulamu.”

2 Wakolinto 13:11

Na ye ndumilizo, wandugu zangu, nghutya, mwikalaje! Mweze mukamile, muwibataje muno muno u wijize wangu, mweze mulaganiye kumonga, mwikalaje mwilamuye. Nayo u Mulungu wo wendo no mulamu, kowa hamonga nanye.

Wuwale 6:26

Muwaha Mulungu yakuwonele lusungu yakupele mulamu.’ ”

Luka 2:14

“Lukumyo kuli Mulungu kucanyha, na kono'nze mulamu kuli wanhu wono wakumunojeza.”

Zabuli 85:8

Nghuhulika zono yakutya Mulungu, u Muwaha Mulungu, yakwihuwiza kuwapela mulamu wanhu wakwe wehuwilwa, hono walece kuwuwuyila kanyhi wulele wawo.

Wafilipi 4:9

Mwitumaje zono mweyijiza, na zono mwabocela kulawa kwangu, i zinghani zangu, ne metumo gangu. Nayo u Mulungu wo mulamu, kowezana nanye.

Zimbazi 6:22

Ne mafundo gayo, gokutonga lono wuli mu muhinzo, kanyhi gokukamisa ku cilo.

Isaya 26:12

Gwe go Muwaha Mulungu, kocimotya mu milimo yetu yose, hambi nha yo soko ye metumo gako.

Zimbazi 4:6

Wulece kumuleka mahala, nayo kokukamisa. Wumwende, nayo kokucitila, wikale wupolile.

Walumi 1:7

Holeka, nghumwandicilenyi anye wose mono muli kuko ku Lumi, iwendece wo Mulungu, mono mwasiwanulwa Nayo ho muwe wanhu wakwe. Nghumulombelenyi ilihewa no mulamu, vyono vikulawa kuli Mulungu u Sogo yetu, no Muwaha Yesu Kilisito.

Zimbazi 2:11

Wizuce wako no wumanye wako, vyokukamisa

Nehemiya 8:10

Alu, muwuye ku zikaya zenyu, ho mukanoze sikukuu. Muhanje zindigwa zenyu hamonga na awalya wono wena ndigwa ndodo. Zuwali lyo lizuwa lyono lyelile kuli Muwaha Mulungu, holeka mulece kuwa no wukalale. Hambi nyemo yono Muwaha Mulungu komupelenyi, nha yomupelenyi vilungo viwaha.”

Yelemiya 33:6

“Ninga hamba nhavivyo, nololiponya likaya lili, hamonga ne wanhu wayo, no kuwaleka wekale ne miwili miswanu. Nane nolowalajila zo mulamu, na ze mikalile yono yipolile.

Isaya 45:7

Yo nene mono nawuwumba wuzelu no wutitu yo nene mono ndetaga wumoteswe no wongomele. Yo nene du Muwaha Mulungu, mono nizitumaga zizi zose.

Wahebelaniya 13:20

U Mulungu yamuzukula u Muwaha wetu Yesu Kilisito mono yo Mudimi wetu Muwaha we zingholo, ku soko yo wumwaje we sakami yakwe yono yakangaza i cilagane ce cibitilila.

Jobu 34:29

Na hono Mulungu yawe si yakusaka kwituma nghani yinji, alo nani mono kosuma kumuhosa. Na hono yawuhundice wusu wakwe, wanhu wowula wutazi.

Wugubule 2:17

“Mono yena makutu go kuhulicila, yazihulikaje zono u Muhe yakugalonjela i Makanisa! ‘Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe yitagwa yipya, lyono munhu yunji sikosuma kulimanya, langa wawo du wono wolibocela.’ ”

Yuda 1:1

Ane Yuda u mwitumami wa Yesu Kilisito, kanyhi mono nili muwahawe wa Yakobo, nghumwandicilenyi anye mono mwacemwa no Mulungu, mono muli mu wendo wo Mulungu Baba, na mu wukamiswe wa muli Yesu Kilisito.

Wafilipi 1:2

Ilihewa no mulamu vyono vikulawa kuli Mulungu Sogo yetu, no kulawa kuli Muwaha Yesu Kilisito.

Yelemiya 32:16

Nane, nali neza kukondya kumupela Baluku, zikalatasi zizo, hodu, nghawa kumulomba Muwaha Mulungu nghatya,

2 Wakolinto 10:5

no kuvikumulanga vimizi vyose vyo wiwoni, vyono vikwimila u wumanyo Mulungu, cikugakwega i mahweso gose, no kuganoza gamuhulice Kilisito.

Wafilipi 1:1

Yo nene Pawulo na Timoteyo, i wetumami wa Yesu Kilisito, cikumwandicilenyi anye nyo wanhu wo Mulungu kuko ku Filipi, mono mwalunzwa na Kilisito Yesu, hamonga nanye mo walongola ne watazi mu Kanisa.

Wafilipi 4:19

Holeka u Mulungu wangu ku soko yo wugoli wakwe wuwaha mu nzila ya Kilisito, komupelenyi i visakwa vyenyu vyose.

Wafilipi 4:21

Nghumulamusenyi anye mo wanhu wose wo Mulungu mono muli wa Kilisito Yesu. We zindugu wono wali hamonga nane wakumulamusenyi.