Wafilipi 4:20 - Luganuzi Luswanu Kuli Wanhu Wose 2002

²⁰ Ale u lukumyo lweze kuli Mulungu wetu no Sogo yetu, cibitilila ne cibitilila. Heya.

I CILAGANE CIPYA 1991

²⁰ Ale u lukumyo lweze kuli Mulungu wetu no Sogo yetu, cibitilila ne cibitilila. Heya.

Wafilipi 4:20 Referans Kwoze

Walumi 11:36

Hambi i vinhu vyose nha vilawaga kwakwe, na vyose vikawa so vilungo vyakwe, na ku soko yakwe. U lukumyo lweze kuli mwene sunga cibitilila! Heya.

Zabuli 115:1

Kuli'gwe go Muwaha Mulungu wuli wene, yo si sese, langa yo gwegwe du wuli wene, mono wunojeye lukumyo, ku soko yo lusungu lwako, no wihuwilwa wako.

Wugubule 14:7

Nayo malayika yuyo, yakalonga kwe'zi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ning'aniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 7:12

wakutya, “Heya! I lilumbo no lukumyo, ne mahala, no wulumbe, ne cogopo, ne vilungo no wuwaha, viweze kuli Mulungu wetu cibitilila ne cibitilila! Heya!”

Wugubule 5:12

wakalonga wenuye mazi gawo wakutya, “U Mwana we ngholo mono yawulagwe, yo yanojeye yabocele vilungo, wugoli, mahala, wusume, lukumyo ne lilumbo.”

Wugubule 1:6

yakacinoza ciwe wutemi, ciwe wakohani, ho cimwitumamilo Mulungu u Sogwe. Ale, kuli mwene Yesu Kilisito, lweze lukumyo ne vilungo, cibitilila ne cibitilila! Heya.

Yuda 1:25

kuli u Mulungu mono yali wene, u Mukombozi wetu, lweze lukumyo, Wuwaha, vilungo, hamonga no wutemi, muli Kilisito Muwaha wetu, kulawa i katali na katali, na lulu hose, na ku cibitilila. Heya.

Wafilipi 1:11

I mikalile yenyu yomemywa zose zono zili mbeka na swanu, zono Yesu Kilisito mweneco kosuma kumupelenyi, ku soko yo lukumyo ne lilumbo lyo Mulungu.

Waefeso 3:21

kuli yuyo lweze lukumyo mu Kanisa na muli Kilisito Yesu, mu mapango gose sunga ku myaka ne cibitilila. Heya.

Zabuli 72:19

Ilitagwa lyakwe lye nhojo, likumywe cibitilila. No lukumyo lwakwe lumeme mu yinze yose. Heya, heya!

Wugubule 11:13

Na mwi'daha lilyo, likaza yitulo yiwaha lye'si, ne libimha lye likumi lye likaya likagwa. Ne wanhu elufu mupunghati wakawulagwa ku soko ye litulo lilyo lye yisi. Ne wanhu wono wasigala, wakawa kogopa muno, wakamukumyo Mulungu wa ku wulanga.

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

Wafilipi 4:23

Ilihewa lyo Muwaha Yesu Kilisito liwezane nanye wose.

Walumi 16:27

Kuli Mulungu mono yo munya mahala yali wene, lweze lukumyo muli Yesu Kilisito, cibitilila ne cibitilila! Heya.

Matayo 28:20

Kanyhi, muwejizaje, webate i malajilizo gose gono namupelenyi. Nane nili hamonga nanye vilo vyose, heya, sunga ko ku ndumilizo ye vilo.”

Matayo 6:9

Ninga munojeye mweze kulomba nhavi: ‘Baba mono wuli ku wulanga, Ilitagwa lyako lyezwe,