Wafilipi 4:19 - Luganuzi Luswanu Kuli Wanhu Wose 2002

¹⁹ Holeka u Mulungu wangu ku soko yo wugoli wakwe wuwaha mu nzila ya Kilisito, komupelenyi i visakwa vyenyu vyose.

I CILAGANE CIPYA 1991

¹⁹ Holeka u Mulungu wangu ku soko yo wugoli wakwe wuwaha mu nzila ya Kilisito, komupelenyi i visakwa vyenyu vyose.

Wafilipi 4:19 Referans Kwoze

Zabuli 84:11

U Muwaha Mulungu yo mudimi wetu, kanyhi yo mutemi wetu wo lukumyo, mwene kacimotyaga vye lihewa lyakwe, kanyhi yakucipela no lukumyo. Muwaha Mulungu si yakuwa kuwema cinji co cose ciswanu, wono wetumaga ze ling'ani.

1 Petelo 5:10

Ninga kolo mukugazika cidaha cidodo vivi, Mulungu mono yo ndawililo ye lihewa lyose na mono yakumucemenyi muwuhanje ulukumyo lwakwe we cibitilila muwilunza na Kilisito, umweneco komukwilanicizenyi no kumukangazenyi, kanyhi komupelenyi vilungo no musinji wono wukamile.

1 Timoteyo 6:17

Wuwalonjelaje iwanhu wagoli we vinhu vye mikalile ya lulu, walece kwidunhumula, hamba kuwika u witumbilo wawo mu sawo yono siyidahile kwitumbilwa, langa wamwitumbilaje Mulungu, mono ko wuswanu wakwe, kacipela i vinhu vyose civisangalalile.

Mika 7:7

Ninga 'ne, nomulanjilila Muwaha Mulungu, nomulindila Mulungu, mono komhonya 'ne. Nayo Mulungu wangu kohulika 'ne.

Malaki 3:10

Holeka letenyi ku Nyumba yo Mulungu zaka yenyu yono yikwilaniciye, ho hawe na ndigwa nyinji. Ta munjelaje, nanye mowona, nodigula madilisha ga ku wulanga, nimumwajilenyi ko winji muno muno i vinhu vyose i viswanu.

Nehemiya 9:15

Na lono wali wasina ndigwa, wukawapela ndigwa ku wulawa ku wulanga. Na lono wali wakaluka, wukawapela malenga ku wulawa mwi'bwe. Wukawalajiliza wakayiteme yisi, yono wawehuwiziza vyono kowapela.

2 Samwili 22:7

Na mu wugaye wangu nghamucemeleza Muwaha Mulungu, nghamucemeleza Mulungu yamhele wutazi. Na mu Nyumba yakwe yakalihulika lizi lyangu, yakacihulika cililo cangu co kulondola wutazi.

Zabuli 36:8

Nagwe kuwegutyaga no wugoli wa mu nyumba yako, kuwang'wesaga mwikolongo lyo wuswanu wako.

Wakolosayi 1:27

Ninga u wuhile wo Mulungu, yakusaka yawamanyize i wanhu wakwe ze nghani mbaha yiyi na zo lukumyo, vyono vili so wanhu wose. Ne nghani yeneco nha yoyi: Kilisito yali muli nyenye, ne nghani yiyo yo yikumanyiza vyono anye mohanga u lukumyo lo Mulungu.

Waefeso 3:16

Nghumulomba u Mulungu, mu nghango yo wugoli wo lukumyo lwakwe, yamupelenyi u wusume wo Muhe wakwe, i vilungo vyo kuwa musikame mu wunhu wa mugati,

Wakolosayi 3:16

I nghani ya Kilisito yikalaje muli nyenye, hamonga no wugoli wayo wose. Mwiyijizaje nyenye wose munhu na muyagwe, akuno mukwiyilanjiziza mu mahala gose. Mwimbaje Zabuli, na nyimbo, no wimbe we cinya Muhe, mumwimbilaje u Mulungu mu zinhumbula zenyu kwe lilumbo.

Walumi 8:18

Hambi nha nghuwona vyono magayo ga lulu si nghani yaye, hono cigaling'anize no lukumyo lono lologubulilwa kuli'se.

Waefeso 1:7

Hambi nha cikukombozezwa mu sakami ya Kilisito, nha cinji u wubi wetu wukuwuswa, nhavivyo vyo winha u wuwaha we lihewa lyakwe,

2 Wakolinto 4:17

Hambi u wugaye wono cikuwutuga nha wudodo, kanyhi wa cidaha cidodo vivi du, ninga hamba nhavivyo, wosuma kucipela u lukumyo lono lucizize u wulanjilile wetu wose, u lukumyo lono lusina ndumo.

Walumi 9:23

Yakasaka kanyhi kuwulajila u winji wo lukumyo lwakwe, lono yacijidila ase mono cali yo soko yo lusungu lwakwe, ase mono yali yakondya kuciwikaniza ho cilubocele u lukumyo lwakwe.

Waefeso 3:8

Ane nili mudodo si nhe wanhu wo Mulungu wose, ninga napegwa ilihewa lyakwe, ho niwaganulile iwanhu wono si Wayahudi u wugoli wa Kilisito, wono wusina cipimo,

Zabuli 130:7

Gwe Isilayeli, wumwitumbile Muwaha Mulungu, hambi mwene nha yena lusungu, yewikanize nhondo zose ho yacikomboze.

Zabuli 104:24

Gwe go Muwaha Mulungu, milimo yako, nha minji muno kanyhi yo wizine muno muno! Wavinozeza vinhu vyose mu mahala mawaha! Ne yinze yimemile viwumbwa vyako du!

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,

Waefeso 2:7

Nhavivyo vyo yenda kuwulajila kuli wanhu wa ku myaka yono yokuza, u wuwaha we lihewa lyakwe wono yacipela bwete so wilunze wetu na Kilisito Yesu.

Walumi 2:4

Hamba lunji wukuwubedegala u wuswanu wakwe, ne ngola yakwe, no wukangalile wakwe, hamba si wukumanya vyono u wuswanu wuwo wo Mulungu, wukukutonga ho wusume kunena?

2 Zinghomo 18:13

Ninga Mikaya yakamupitula yakamutya, “Ane nghwihuwiza mwi'tagwa lyo Muwaha Mulungu mumi, nha vyono nolonga du zono mweneco Muwaha Mulungu kononjela nizilonje!”

Mwamulizo 48:15

Isilayeli yakawa kumulugutiza Yusufu yakutya, “U Mulungu wa wa baba Abulahamu na Isaka, wamuhulikaga mu wikale wawo. U Mulungu mono kandisaga mu wikale wangu sunga nalu.

Danyeli 6:22

Mulungu kandetela Malayika mono kazidinda milomo zisimba, ho zilece kuhawanga. Kanoza nhavivyo, vyono kawona ane sina yisutya lyo lyose kuli mwene, hamba kuli'gwe, go mutemi.”

Walumi 11:33

O, lecenyi u wugoli ne mahala no wumanye wo Mulungu, si wakulonga! Ne zining'aniza zakwe si za kulonga! Sunga ne zinzila zakwe si zimanyikaga yaye. Nha vyono gakulonga i Mandiko Gono Gelile.

1 Petelo 5:1

Nyo wanyamhala! Ane no munyamhala muyenyu, nghumulombenyi nghani yi monga du, nyo wanyamhala wayangu. Hambi nene no mweneco nha newonelela ne meso gangu, imagazo ga Kilisito kanyhi nitumbiye kuhanga lululya u lukumyo lono lologubulwa. Ale, ane nghumunenenyi,

1 Watesalonike 2:12

Cikamulanjizenyi, kanyhi cikamusindamicenyi, no kumuswaswanizenyi, ho mwikale mu mikalile yono yikumwendeza u Mulungu mono yamucemenyi ho muhanje u Wutemi no lukumyo lwakwe mweneco.

Walumi 1:8

Nghwamula kumulumba u Mulungu wangu, muli Yesu Kilisito so nyenye wose, vyono u wihuwilo wenyu wumanyice kononze kose.

Yohana 20:27

Hanyuma yakamutya Tomaso “Lete kuno cidole cako, wulanje maganza ge miwoko yangu, wulete no muwoko wako, winjize mu lubavu lwangu. Ho wulece kuwa na mahwele, langa wihuwile!”

Yohana 20:17

Yesu yakamutya, “Wulece kung'ang'anila, hambi nha nghali nabita kucanyha kwa Baba. Langa wubite wukawalonjele wandugu zangu, vyono ane nghubita kuli Baba, mono nanye yo Sogo yenyu, na kuli Mulungu wangu, mono nanye yo Mulungu wenyu.”

Filemoni 1:4

Nghuwa kukukumbucila nhondo zose mu wulombe wangu agwe Filemoni, kanyhi nghumulumba u Mulungu,

2 Wakolinto 12:21

Kanyhi nghogopa, na lunji kolo neza kuza mu muhinzo wuwo wono nokuza, u Mulungu wangu komhela u wula nyemo hali nyenye, nane nolila ku soko ya wenji wa muli nyenye wono wetuma wubi hamba kunena wuwo wavu wawo, ne masulumizi gawo mabi, hamonga ne mawubi gawo go wusenyha wawo, gono wali wakondya kwituma.

Nehemiya 5:19

Holeka, nghukulomba, Gwe go Mulungu, wunghumbucilaje muli ziswanu zose zono nawatendela wanhu wawa.

Matayo 6:32

Hambi iwanhu wono si wamumanyile u Mulungu, nha wo wakuwa kuzigazicila zizo zose. Ninga u Sogo yenyu wa ku wulanga, yamanyile vyono mukuvisaka ivinhu vivyo vyose.

Wafilipi 4:7

No mulamu wo Mulungu wono wucizize u wumanye wose we wanhu, womukamisenyi zinhumbula ne mahala genyu mu wilunza na Kilisito Yesu.

2 Zinghomo 31:8

Nayo mutemi Hezekiya, hamonga ne wetumami wakwe, wali weza kugawona malundo gago ge vinhu vivyo vyono wanhu walavya, wakamulumba Muwaha Mulungu, hamonga ne wanhu wose wa Isilayeli.