Wafilipi 4:17 - Luganuzi Luswanu Kuli Wanhu Wose 2002

¹⁷ Mulece kwihwesa nha vyono nyendile kubocela vipegwa du, langa nghusaka i cambuzi conjelezwe mu viwutwa vyenyu.

I CILAGANE CIPYA 1991

¹⁷ Mulece kwihwesa nha vyono nyendile kubocela vipegwa du, langa nghusaka i cambuzi conjelezwe mu viwutwa vyenyu.

Wafilipi 4:17 Referans Kwoze

Tito 3:14

Yiwanojeye wanhu wetu weyijize vyono yiwanojeye kuvitumila vidaha vyawo mu wituma ziswanu, ho wawataze wono wena wanjile we mbeka, ne mikalile yawo nayo yeze mikalile yono yinojeye.

Wahebelaniya 6:10

Hambi u Mulungu nha si kawezaga yasina ling'ani, u mwene si kowusemwa mulimo wenyu wono mwetuma, hamba u wendo wono mwawulajila ku soko ye litagwa lyakwe, mu witumami wenyu wono mwawetumamila, na vyono sunga na lulu mukali mukuwetumamila i wanhu wakwe.

Yohana 15:8

Nayo Baba kakumywaga, hono mulele muno mikalo minji, nanye mowa wejizwa wangu.

1 Petelo 5:2

muyidimaje yiyilya imhuga yo Mulungu yono mwapegwa, muyilanjilile, si ne dindimiza langa kwe nhumbula, nha vyono kasakaga Mulungu. Muwitumaje u mulimo wuwo si kwe masulumizi ge zipesa, langa kwe nhumbula zenyu zose.

Tito 1:7

Nayo Asikofu vyono yo mulanjilizi wo mulimo wo Mulungu, holeka yimunojeye yawe munhu mono yasina yilema. Yalece kuwa mwidunhumuzi, hamba kuwa mukolwa ne likuwo mbela, hamba mukolwa ku wujimbi, hamba mufyuzi, hamba si musulumila cambuzi cono si ce ling'ani.

Wafilipi 4:11

Si nghulonga nhavivi yiwe nha kotya nghusaka cinji, hambi nha neyijiza kuwa nyheye ne vinhu vyono nina navyo,

1 Watesalonike 2:5

Nanye mumanyile vyono lono caziza kwenyu, si caza ne zinghani zo wutelemezi, hamba si cetumamila u wulonji wo wusugu wo kwihundika cinji muli sese, u Mulungu yo muhomelezi!

2 Wakolinto 9:5

Holeka mbona viswanu vyono yinojeye niwanene wandugu zetu wawa, wanongolele kuza kwenyu, ho wasume kuviwikaniziza lukulu vipegwa vyenyu viwaha, navyo viwe vyawikanizwa kolo nghuza, vyono mwehuwiza. Ne vipegwa vivyo, vilajile mbeka, nha vyono vilavywa ko mutima muzelu, hamba si ko wudindimizwe yaye.

Walumi 15:28

Nilaza kuwa nawukondya u mulimo wuwo, no kuwafisiza no kuwapela ivilavywa vivyo vyono vilavigwe ku soko yawo, ale baho ho nolokolela kuko u kwenyu, lono nghubita ku Hisipaniya.

Yohana 15:16

Anye si mwanyihaga ane, langa ane yo namwihajenyi nyenye, kanyhi nghawa kumuwagulenyi ho mubite mukalele mikalo, i mikalo yono yikalaga, nayo Baba ho yasume kumupelenyi co cose cono mukumulomba mwitagwa lyangu.

2 Wakolinto 11:16

Kanyhi nghutya, Munhu yalece kumbona ane nha nili mulele. Ninga hono munyihweseze nhavivyo, ale munozaje nha nili mulele nhavivyo du, nane ho nicituje co kwilumbila hadodo vivi.

Malaki 1:10

U Muwaha Mulungu we mihanga yakutya, “Yali yiwe yili ciba yunji wa muli nyenye, yadinde milango yo wuhembelo, ho muze mulece kwasa moto wono wusina cambuzi mu cikumbicilo cangu. Ane singhwendezwa nanye hamba hadodo, hamba sinovibocelela lukulu ne vilavywa vyono mukundavizya.

Zimbazi 19:17

Na lono wukuwataza vinhu waciwa, yinha kotya wukuviwika kuli Muwaha Mulungu. Nayo Muwaha Mulungu, hanyuma kanyhi yakukugomolela.

Yuda 1:11

Woyi he! Iwanhu wawo wakugatyatya i metumo ga Kayini. Nawo weyinjiza mu masutya ga Balamu ku soko ya wenda pesa. Wakondya kuwa wabezi kotya Kola vyono yali mubezi, wakondya kongomezwa nha vyono Kola yongomezwa.

2 Petelo 2:3

Na ku soko ye masulumizi gawo mabi, wolokwisavizya muli nyenye, kolo wakumulonjelenyi zinghani zo wulambi-lambi. No wulipicizwe wawo wakondya kuwikanizwa kulawa katali, siwocela yaye. Nayo mono kowongomeza, yali meso!

1 Timoteyo 3:3

yalece kuwa mukolwa, hamba munhu we ciwuma wuma, langa yeze mupolo, mono yendile mulamu, kanyhi yalece kuwa munhu mwenda pesa,

Wafilipi 1:11

I mikalile yenyu yomemywa zose zono zili mbeka na swanu, zono Yesu Kilisito mweneco kosuma kumupelenyi, ku soko yo lukumyo ne lilumbo lyo Mulungu.

Mika 7:1

Woyi hee! Hambi ane nha neza nha munhu mono yadabuce, mono yagana musina mikalo yono yisigazwe mu mibici, hamba zabibu mu manhambi ge mizabibu. Hambi zabibu zose hamonga ne mikalo yo mukuyu, nha vyakondya kuhepwa.

2 Petelo 2:15

Hambi nha wayileka inzila yono yigolocile, wajilila no kuyityatya nzila yono yayityatya Balamu, mwana wa Beyoli, mono yenda yatuje cambuzi mu wituma zo wulambi-lambi,

1 Timoteyo 6:10

Hambi u wenda muno we zipesa nha wo mwamulizo wo wubi wose. Iwanhu wanji wasulumilaga muno kutuga mapesa, sunga wawuleka no wihuwilo wawo, no kudumanjila dumanjila ako na ako, kutali no wihuwilo wawo no kutukuwika i mitima yawo ko wusungu wuwaha muno.