Wafilipi 3:3 - Luganuzi Luswanu Kuli Wanhu Wose 2002

³ Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

I CILAGANE CIPYA 1991

³ Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

Wafilipi 3:3 Referans Kwoze

Wakolosayi 2:11

Na mu wilunza hamonga na Kilisito, anye mwakondya kwalama, ninga si walame wono wukunozwa ne wanhu, langa u walame wono wukunozwa na Kilisito mweneco, u walame wa mu wukombozwe mu wuwe wo wubi.

Walumi 7:6

Ninga aluno cili welecele, si ciwopigwe kanyhi no Wulajilize, vyono cakondya kufwa kuli lubavu lwe nghani yiyilya yono yikacinoza ase ho ciwe wawanda. Alu cikwitumila imikalile mipya yo Muhe, hamba si mu wuhuma wo Wulajilize wono wali wandicigwe.

Wukumbucize wo Wulajilize 30:6

Kanyhi Muwaha Mulungu, u Mulungu wenyu, komupelenyi nyenye hamonga ne wana wenyu nhumbula yono yina cihuliko kuli mwene, ho mumwende kwe zinhumbula zenyu zose, kanyhi ho mujendelele kwikala mu yisi yiyo.

Wagalatiya 5:25

Holeka hono cikale mu wutazi wo Muhe, ciwutyatyaje no wutonji wayo.

Walumi 8:15

Hambi u Muhe mono mwamubocela, nha si Muhe mono komunozenyi muwe wawanda kanyhi, no kumuwicenyi mu woga, ninga mwamubocela u Muhe mono yakumunozenyi anye, ho muwe wana wo Mulungu, na mu vilungo vyo Muhe yuyo, nase cosuma kumucema u Mulungu, “Aba” wo wutya, “Baba.”

Yelemiya 4:4

Mukamise i cilagane cenyu cono calagana nanye, ane no Muwaha Mulungu wenyu. Kanyhi mwiyilavye kuli'ne nyenye nyo weneco, anye nyo wanhu wa Yuda na Yelusalemi. Ninga hono mwijelele du, mulece kunoza nhavivyo, likuwo lyangu lyokwaka nha moto, ku soko ye metumo mabi gono mwetuma. Na kolo likuwo lyangu lyaka, hasina hamba yunji wo wose mono kosuma kulituza yaye.”

Zabuli 105:3

Mwilumbilaje litagwa lyakwe lyono lyelile, nawo wono wamogopilo Muwaha Mulungu, yiwanojeye wasangalale.

Wukumbucize wo Wulajilize 10:16

Holeka alu, ku wulawilila zuwali, mweze muli cihuliko kuli Muwaha Mulungu, mulecele lukulu kuwa muli cibede.

Waefeso 6:18

Mweze kulomba nhondo zose, mukulomba u wutazi wo Mulungu. Mweze kulomba madaha gose mu vilungo vyo Muhe. Mwikalaje meso, mulece kukatala, mukuwalombela i wanhu wose wo Mulungu.

Yelemiya 9:26

Wamisili, Wayuda, Waedomu, Waamoni, na Wamowabi, hamonga ne wanhu wono wekalaga mu nyika, wono wekalaga na mvwili fupi.” Hambi wanhu wawa wose, hamonga ne Waisilayeli wose, nha walame, ninga si wacikamise i cilagane cono wene walajiye citanjilo cayo. Holeka wakali nalama mu zinhumbula.

Walumi 1:9

U Mulungu mono nghumwitumamila kwe nhumbula yangu yose, mu wuganula u Luganuzi Luswanu lo Mwanagwe, yamanyile vyono nghumukumbucilenyi,

Malaki 1:11

Wanhu ku wulawa ku mhelo ye yinze, sunga ko ku mhelo nzagwe, wose wanyogopile nene. Hanhu ho hose wakufusiza wuvumba, no kulavya vilavywa vyono vikwiliye. Na wose wawo, wanyogopile nene!”

Isaya 45:25

Nene no Muwaha Mulungu nolowaponya we ndelo yose ya Yakobo, nawo wolonghumya no kunumbiza nene du.

Yuda 1:20

Ninga anye mo wendece, mujendelele kwiyizenga mu wukwilanicile mu wihuwilo wenyu wono welile. Mweze kulombela mu vilungo vyo Muhe Mono Yelile.

Walumi 15:17

Holeka vyono nelunza na Kilisito Yesu, nosuma kwilumbila u mulimo wangu ku soko yo Mulungu.

Walumi 8:39

hamba iyinze ya kucanyha, hamba ya hasi muno. Hasina ciwumbwa cinji cose, cono cosuma kucitemanula mu wendo wo Mulungu, wono wuli muli Kilisito Yesu u Mutwa wetu.

Walumi 9:6

Ninga si vyono nghutya, uwihuwizo wo Mulungu wuwelile, hambi nha si wanhu wose wa mu Waisilayeli, wono wo wahagulwa wo Mulungu.

2 Wakolinto 11:18

Alu vyono kowali wenji wono wakwilumbila za mononze, ale nane nhavivyo nokwilumba.

Wagalatiya 6:16

Na wose wono wakuwutyatya u wotonji wuwu, u mulamu no lusungu vyeze muli wene, kanyhi u mulamu no lusungu vyeze kuli Waisilayeli i wahagulwa wo Mulungu.

Wafilipi 1:1

Yo nene Pawulo na Timoteyo, i wetumami wa Yesu Kilisito, cikumwandicilenyi anye nyo wanhu wo Mulungu kuko ku Filipi, mono mwalunzwa na Kilisito Yesu, hamonga nanye mo walongola ne watazi mu Kanisa.

Wafilipi 3:12

Si nghwiwona vyono kotya nakondya kusuma, hamba vyono nakondya kuwa nghwilaniciye, langa nghujendelela kusimbilila ho nicituje i cipegwa cono nebatilwa na Kilisito Yesu.

Wafilipi 3:14

Holeka nili mu lumangho nanjile ku wulunji wangu ho nicituje i cipegwa cicilya cono lo lucemo lo Mulungu so mikalile ya kucanyha mu nzila ya Kilisito Yesu.