Wafilipi 2:7 - Luganuzi Luswanu Kuli Wanhu Wose 2002

⁷ Ninga yakenda kuzileka zizo zose mweneco, yakasola u wuwe wo mwitumami, yakawa yenha wanhu yakehwana kotya wanhu.

I CILAGANE CIPYA 1991

⁷ Ninga yakenda kuzileka zizo zose mweneco, yakasola u wuwe wo mwitumami, yakawa yenha wanhu yakehwana kotya wanhu.

Wafilipi 2:7 Referans Kwoze

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

Matayo 20:28

Na vyo nha vivyo, u Mwana wo Munhu nayo, si yaza ho yetumamilwe, langa ho yetumame, no kuwulavya u wumi wakwe ho wuwe wukombozwe wa wanhu wenji.”

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Walumi 8:3

U Mulungu yaketuma, yono u Wulajilize si wasuma kwituma so wusocele wo munhu. U Mulungu yakamutuma u mwanagwe, mu hwani yono yiling'aniye no muwili wetu ase co wanyo wubi, ho vidome no wubi, na so muwili wuwo, yakawusuma u wubi.

Wagalatiya 4:4

Ninga i vilo vyali vyeza kufika, u Mulungu yamutuma u Mwanagwe mono yalelwa no mucekulu, yakekala mu Wulajilize,

Wahebelaniya 4:15

Nayo yuyu u Mukohani wetu Muwaha si yenha mono si kosuma kuhanga nase mu wusocele wetu, langa u mwene yo Mukohani Muwaha mono yajelwa nha sese muli zose, ninga si yetuma wubi.

Walumi 15:3

Hambi na Kilisito nha si yeyendeza mweneco, nha vyono gakutya i Mandiko, “I zimbi zose zono wakulongaga gwegwe, zikangwila nene.”

Isaya 53:11

Nayo yalaza kuwa yapuluta mu magazo, hanyuma kolowa na nyemo, baho ho komanyila vyono kumbe magazo gakwe si gali ga bwete yaye. U mwitumami wangu mwihuwilwa mono nyendezwe nayo, yuyo yo kowudinghula wuling'anizwe wa wenji, nane nowanenela ku soko yakwe.

Wahebelaniya 12:2

Akuno cikumulanga Yesu mono wo mwamulizo wo wihuwilo wetu, no kuwukwiza. Mono, ku soko ye nyemo yono yali yawiciywe u mwene, yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Luka 22:27

Hambi wa hayi muwaha, mono yekaye ha ndigwa, hamba mono yakwitumama? Ane nghuwona, yuyu mono yekaye ha ndigwa yo muwaha. Ninga hamba yiwe nhavivyo, ane hali nyenye ninha mono yakwitumama.

Walumi 15:8

Hambi nha nghumulonjelenyi vyono Kilisito yawetumamila Wayahudi, ho yawalajile u Wihuwilwa wo Mulungu, no wihuwizo wono u Mulungu yawapela walezi wetu ho wufisilizwe,

Wafilipi 2:6

U Mwene ku cihuma, nhondo zose yali Mulungu ninga si yehwesa vyono u wuwa sawa no Mulungu ceze nha cinhu cono cidahile kudindimilwa kwa vilungo.

Isaya 42:1

Muwaha Mulungu yakutya, “Lanjenyi ta u mwitumami wangu mono nghumusikamya, yo yuyo mono namuhagula, kanyhi mono nghwendezwa nayo. Nakondya kumumemya muhe wangu, nayo kowaletela makungugo gose wiling'ano.

Zabuli 22:6

Ninga ane nili ng'onyo du, hamba si nili munhu yaye, nghubedegalwa no kuhoswa ne wanhu wose.

Zakaliya 9:9

Musecelele, musecelele nye nyo wanhu wa ku Sayuni! Muzoze muno muno so nyemo, anye nyo wanhu a Yelusalemi! Mulanje ta! Mutemi wenyu yakumuzizenyi 'nye! Yakuza yena nyemo mbaha ne mhonelo, kanyhi mupolo, yakuza yali mucanyha ye ndogowe, nyana ye ndogowe.

Matayo 12:18

“Langa ta, ayu yo mwitumami wangu mono nimuhaguye, u mwendece wangu mono yakunyendeza mu nhumbula yangu. Nane nowuwika u Muhe wangu muli mwene, nayo koganula ze ning'aniza yangu kuli wanhu wose.

Wahebelaniya 13:3

Mweze kuwakumbucila i wawopwa nanye muwe nha kotya muwopanwe nawo. Kanyhi mweze kotya mukugazika nha weneco.

Walumi 1:3

No Luganuzi luluno Luswanu, lukulonga za muli Mwanagwe u Muwaha wetu Yesu, mono ku muwili, yalelelwa mu lulelo lwa Dawudi,

Maluko 9:12

Nayo yakawatya, “Heya, Eliya kokwamula kuza kuviwikaniza vyose. Ninga hamba nhavivyo, nhawule, lu, yandicigwe mu Mandiko Gono Gelile, vyono, u Mwana wo Munhu kotuga magazo menji no kobedegalwa?

Zakaliya 3:8

Wuhulicize 'gwe Yoshuwa, agwe yo gwegwe mono weza wuli Mukohani Muwaha. Nanye nyo wakohani wayagwe, i watyatyi wakwe, muhulicize, anye yo nyenye mono muli citanjilo ce ziswanu zose zono cikuzilanjilila. Nomulajila calinze u mwitumami wangu, mono kacemwaga Inhambi!

Danyeli 9:26

Na ku ndumilizo ye vilo vivyo, u mulongola muhagulwa wo Mulungu, kolowulagwa mbula soko. Nalyo likaya hamonga ne Nyumba yo Mulungu, vyolokongomezwa ne wasilikale wo mutemi we vilungo. Nayo ndumilizo yolokuza nhe lihwazi. Kanyhi wolokuza wulugu hamonga ne magazo, vyono Mulungu yakondya kuviwikaniza.

Isaya 49:3

Hanyuma yakanonjela yakutya, “Isilayeli, agwe wuli mwitumami wangu hambi nha ku soko ya gwegwe, wanhu wose wonghumya.”

2 Wakolinto 13:4

Hamba yiwe nha yatumbicilwa mu musalaba mu wusocele, ninga alu yakuwumipa kwe vilungo vyo Mulungu. Nase cisoceye nhavivyo so wilunza nayo, ninga ciwumipana hamonga nayo kwe vilungo vyo Mulungu ku soko yenyu.