Wafilipi 2:21 - Luganuzi Luswanu Kuli Wanhu Wose 2002

²¹ Hambi wanji wose nha wakulondola i zawo weneco, si nho kulondola za Yesu Kilisito.

I CILAGANE CIPYA 1991

²¹ Hambi wanji wose nha wakulondola i zawo weneco, si nho kulondola za Yesu Kilisito.

Wafilipi 2:21 Referans Kwoze

1 Wakolinto 10:24

Ninga u munhu yalece kwilondolela cambuzi cakwe mweneco, langa i cambuzi co muyagwe.

Matayo 16:24

Hanyuma Yesu yakawalonjela i wejizwa wakwe, yakawatya, “Hono munhu wo wose yasace kuwa mutyatyi wangu, yimunojeye yekapise mweneco, yawudinghule u musalaba wakwe, yanhyatye.

Wafilipi 2:4

Halece kuwa na yunji mono yakulondola cambuzi cakwe mweneco du, langa cambuzi co muyagwe.

2 Timoteyo 3:2

Iwanhu wolowa weyenda weneco, wono wena masulumizi ge mapesa, wewoni, wenyanyaguzi, waligo Mulungu, wolowa wasina cihuliko kuli walezi wawo, wono wasine 'lumbo, kanyhi wabi,

1 Wakolinto 10:33

Ale, wose muweze nha vyono ninha nene, ane nghujela kuwendeza wanhu wose mu zinzila zose, hamba kulondola cambuzi cangu no mweneco, langa nghulondola cambuzi ce wanhu wose, ho waponywe.

1 Wakolinto 13:5

Wendo wukuwa wina cogopo, kanyhi si wukuwa kwilondolela weneco cambuzi, kanyhi wendo si wukolwaga ne'kuwo mbela, hamba si wukumbucilaga zimbi, hamba si wuwalaga wubi wono wapuluta yaye,

Luka 14:26

Munhu wo wose mono yakuza kuli nene, si kowa mwijizwa wangu, langa sunga yawe yanyendile nene si nha vyono yawendile u sogwe, no nyina, ne walumbuze, heya, sunga no wumi wakwe mweneco.

Isaya 56:11

Kanyhi wehwana i mabwa malaku gono si gegutaga yaye. Na kanyhi walongola wawa, mbeka wasina hamba wizuce bwete. Hambi nha wene wose, munhu yakwituma nha vyono yakusaka mweneco du, no kulondola cambuzi cakwe du mweneco.

2 Timoteyo 4:10

Hambi Dema nha yandeka, mwene yenda ze yinze ya lulu, yakabita ku Tesalonike. Kileseke nayo yabita ku Galatiya, na Tito yabita ku Dalumatiya.

2 Wakolinto 1:5

Heya, mu nghango ye magayo ga Kilisito vyono gakucila muli'se, ale, mu nghango yiyo nase mo cikucilila kusindamikwa nayo.

2 Timoteyo 4:16

Ha witetele wangu wulongozi, hasina hamba munhu monga mono yema ku lubavu lwangu, langa wose wandeka. Ninga Mulungu yalece kuwawalila wubi wawo!

Metumo ge Watumwa 15:38

Ninga Pawulo si yendezwa yamusole kanyhi yuyo Yohana (Maluko) mono halulongozi yakawaleka ku Pamufuliya, yakalema kuwa hamonga nawo mu mulimo wawo.

Metumo ge Watumwa 13:13

Pawulo ne wayagwe wakatulucila mu ngalawa wakulawa ku Pafo, wakubita ku Peliga ya ku Pamufuliya, ninga Yohana (Maluko) yakawaleka yakawuya ku Yelusalemi.

Malaki 1:10

U Muwaha Mulungu we mihanga yakutya, “Yali yiwe yili ciba yunji wa muli nyenye, yadinde milango yo wuhembelo, ho muze mulece kwasa moto wono wusina cambuzi mu cikumbicilo cangu. Ane singhwendezwa nanye hamba hadodo, hamba sinovibocelela lukulu ne vilavywa vyono mukundavizya.

2 Timoteyo 1:15

Kanyhi nha vyono wumanyile, i wanhu wose wono wali mu yisi ya Asiya, wakondya kundeka, na muli wawo, moyuli Fugelo na Helimogene.

2 Watemi 12:6

Ninga sunga yikapuluta myaka makumi mejete na midatu yo wutemi wa Yowashi, i wakohani wawo, wali wakali si wananoza co cose mu Nyumba yo Mulungu.