Wafilipi 2:19 - Luganuzi Luswanu Kuli Wanhu Wose 2002

¹⁹ Mu wilunze no Muwaha, nina witumbilo vyono nosuma kumutuma Timoteyo kuko kwenyu vilo vivi, ho sinyhimale nane kolo nghumanya zenyu.

I CILAGANE CIPYA 1991

¹⁹ Mu wilunze no Muwaha, nina witumbilo vyono nosuma kumutuma Timoteyo kuko kwenyu vilo vivi, ho sinyhimale nane kolo nghumanya zenyu.

Wafilipi 2:19 Referans Kwoze

1 Wakolinto 4:17

Si holeka nimutuma Timoteyo kuli nyenye. U mwene, yo mwanangu u mwendece wangu, kanyhi yo munhu mwihuwilwa muli Muwaha. U mwene, komukumbucizenyi nyenye, nzila yono ane no Pawulo nghuyityatya mu mikalile yangu ye Cikilisito, i nzila yono nghuyijiza ihanhu hose mu makanisa gose.

1 Watesalonike 3:2

cikamutumilenyi ndugu yetu Timoteyo, kanyhi mwitumami muyetu muli Mulungu mu wuganule u Luganuzi Luswanu lwa Kilisito. Cikamutumilenyi ho yaze yamusikamyenyi no kumusindamicenyi,

Wafilipi 1:1

Yo nene Pawulo na Timoteyo, i wetumami wa Yesu Kilisito, cikumwandicilenyi anye nyo wanhu wo Mulungu kuko ku Filipi, mono mwalunzwa na Kilisito Yesu, hamonga nanye mo walongola ne watazi mu Kanisa.

Wafilipi 2:28

Holeka nghuhila muno nimutumilenyi, nanye kolo mukumuwona kanyhi, ho musecelele, nane u wuzinguce wangu wucepuce.

Yakobo 4:15

Langa yali yinojeye mutye, “U Muwaha hono yacitaze cokwikala womi no kunoza aci hamba acilya.”

2 Timoteyo 1:12

na ku soko yiyo, holeka nghutamiswa nhavivi. Holeka nghali nina witumbilo wuwaha, hambi nha nimumanyile mono namwihuwila, kanyhi manyiye lukulu vyono mwene kocikamisa cicilya cono yanghoza, sunga Mwizuwa lilya.

2 Watesalonike 1:3

Nye wandugu zangu, yicinojeye ceze kumulumbo Mulungu nhondo zose ku soko yenyu. Kanyhi yicinojeye cinoze nhavivyo, vyono u wihuwilo wenyu wukucila muno muno, sunga no wiyendi wenyu wukucila konjelezeka muno muno.

Waefeso 1:13

Nanye nyo wanhu we makungugo ganji, mwayihulika inghani ye Mbeka, wo wutya u Luganuzi Luswanu lono lwamuletelenyi u wukombozwe, mukamwihuwila Kilisito, nayo u Mulungu yakamuwicilenyi citanjilo so kumupelenyi u Muhe Mono Yelile mono yacihuwiziza, ho yalajile vyono ase cili wakwe.

Walumi 16:21

Timoteyo u mwitumami muyangu, yakumulamusenyi, nha vivyo na Lukiya na Yasoni, na Sosipateli, wandugu zangu, wakumulamusenyi.

Walumi 15:12

Kanyhi Isaya yakutya: “Kolokwijela munhu mu lulelo lwa Yese nayo kolotema muli wanhu wono si Wayahudi nawo wolomwitumamila.”

Matayo 12:21

Ne makungugo gowa no witumbilo ku soko ye litagwa lyakwe.”

Yelemiya 17:5

U Muwaha Mulungu yakutya nhavi, “Nane nomulipiciza munhu wo wose mono yakundeka 'ne, no kumwitumbila munhu muyagwe, kawa kumunoza munhu muyagwe yiwa yo nyhito yakwe.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

Metumo ge Watumwa 16:1

Pawulo yakafika ku Delibe, na ku Lusitela, kono yekalaga mwijizwa yunji litagwa lyakwe Timoteyo, u nyina yali Muyahudi, nayo nhavivyo yakawa mwijizwa. Ninga u sogwe yali Mugiliki.

Wafilipi 2:18

Holeka na nyenye nhavivyo, yiwanojeye musecelele no kusangalalana nane mu nyemo yenyu.

1 Watesalonike 3:5

Ku soko yiyo holeka nane nghamutumilenyi Timoteyo. Vyono si nasuma kulindila kanyhi, holeka nghamutumilenyi ho hulice muli zo wihuwilo wenyu. Yilece kuwa na lunji u mukonji yamujelenyi, no mulimo wose wono cawituma muli nyenye wuwe wa bwete!