Wafilipi 2:17 - Luganuzi Luswanu Kuli Wanhu Wose 2002

¹⁷ Ninga hamba ndavywe hamonga no wihuwilo wenyu wono lye kumbiko kuli Mulungu, hodu nosecelela muno kanyhi nosangalalana na nyenye wose mu nyemo yiyo.

I CILAGANE CIPYA 1991

¹⁷ Ninga hamba ndavywe hamonga no wihuwilo wenyu wono lye kumbiko kuli Mulungu, hodu nosecelela muno kanyhi nosangalalana na nyenye wose mu nyemo yiyo.

Wafilipi 2:17 Referans Kwoze

2 Timoteyo 4:6

Ninga ane ku lubavu lwangu, niwikanize du, ku wulavywa niwe yikumbiko, ne lidaha lyo wufwe wangu nha lyasejelela.

Walumi 15:16

ho niwe mwitumami wa Kilisito kuli wanhu wono si Wayahudi. Wo mulimo wangu we cikohani kuwaganulila u Luganuzi Luswanu lo Mulungu, ho wanhu we wono si Wayahudi wawe yikumbiko lyono likuvumilwa no Mulungu, likumbiko lyono lyezigwe no Muhe Mono Yelile.

2 Wakolinto 12:15

Ane nyendezwe muno nitumile cono nina naco, sunga ko ku wilavizya lukulu nene no mweneco, ku soko ye cambuzi ce zinhumbula zenyu. Alu hongo monyenda hadodo, vyono ati'ne nimwendilenyi anye muno muno?

Wakolosayi 1:24

Alu nghusecelela mu matamiso gangu so nyenye, hambi nha ku soko ye magayo gangu ga baha hono yinze, nghumemeleza cono cali cicepuce mu magayo ga Kilisito ku soko yo muwili wakwe, likanisa.

Wafilipi 1:20

U wuhile wangu no witumbilo wangu, ho ndece kulemwa mu wufisiliza u mulimo wangu, langa nojendelela kuwa na nhumbula yono yikamile mu mapango gose na ko muno mwipango lili, ho mu mikalile yangu yose, hono niwe nghali mumi hamba hono niwe nafwa, nimutujile Kilisito lilumbo.

2 Wakolinto 7:4

Nina witumbilo wuwaha muno muno, lono nghulongana nanye, kanyhi nghwilumbila muli nyenye! Hamonga no wugaye wetu wose, alu nakondya kutuga wutuzwe no wusangalale wuwaha muno.

1 Yohana 3:16

Ase cakondya kuwumanya wendo vyono co cici, hambi Kilisito nha yelavya u wumi wakwe ku soko yetu. Holeka nase yicinojeye ciwulavye u wumi wetu ku soko ye wandugu zetu.

Walumi 12:1

Holeka wandugu zangu, vyono u Mulungu yo wo lusungu lwinji, holeka nghumunenenyi ko mutima wangu wose, mwiyilavye nyenye mo weneco muwe likumbiko lyumi, lyelile, lyono likumunojeza u Mulungu. Na yiyi yo nzila yenyu yo kumuhembela mu wulunji.

1 Petelo 2:5

Ale mubitilenyi mwene nha mabwe momi, mukazenjece, no kuwa nyumba ye cimuhe, mono mosuma kwitumama nhe wakohani wono welile, ku wulavya i makumbiko ge cimuhe gono gakumwendeza Mulungu mu nzila ya Yesu Kilisito.

1 Watesalonike 2:8

Ale nhavivyo, vyono cikamwendenyi anye muno muno, cikawa ciwikanize kumugawilenyi si u Luganuzi Luswanu du lo Mulungu, langa sunga no wumi wetu. Nhavivyo nanye vyo mwali mo wendece wetu!

Wafilipi 4:18

Ale, nakondya kuvibocela vinhu vyose vyono mukamhela, kanyhi vicizize kuciza na vyono navihilaga. Alu nina navyo vyose ku soko Epafulodito yakondya kundetela i vipegwa vyenyu. Vipegwa vivino vikuwa nha vilavywa vye mhunjile swanu, likumbiko lyono likuvumilwa no kumwendeza u Mulungu.

Wafilipi 2:30

vyono yali yeza kufwa so mulimo wa Kilisito, ho yasume kumhela u wutazi, wono anye si mwasuma kumhela.

Metumo ge Watumwa 21:13

Ninga mwene Pawulo yakapitula yakatya, “Alo mukusaka kunoza cici? Mukulila no kunyenyanga mutima wangu? Hambi ne nha nilumbiye si kuwopwa du, langa no kufwila kuko ku Yelusalemi, ku soko ye litagwa lyo Muwaha Yesu.”

Metumo ge Watumwa 20:24

Ninga ane si nghuganiciza wumi wangu nha cinji cikamu kuli'ne, si nho wukondeleze wo muhinzo wangu, no witumami wono nabocela kuli Muwaha Yesu, kuluhomelela u Luganuzi Luswanu lwe lihewa lyo Mulungu.

Wuwale 28:6

Naco cici, cowa co cilavywa ce nhondo zose, cono cowa cinyanywe, cilavywa cono calavywa halulongozi nha cilavywa ce ndigwa he 'tunda lya Sinayi. Ne mhunjile yayo yikumwendeza Muwaha Mulungu.

Wuwale 28:7

Alu nha vyono yinha, yinojeye divayi, yilavywe hamonga ne ngholo nongozi, holeka wujidile divayi mu cikumbicilo lita monga.

2 Wakolinto 6:10

Hamba ciwe catuga wulipicizwe, ninga si cikawulagwa yaye, hamba ciwe cina wuzinguce, ninga cikusangalala nhondo zose, hamba ciwe ciciwape muno muno, ninga cikuwagolifya wanhu wenji, cijelaga nha cili wanhu mono cisina cinji co cose, ninga kumbe ho cina navyo i vinhu vyose.

Wafilipi 2:18

Holeka na nyenye nhavivyo, yiwanojeye musecelele no kusangalalana nane mu nyemo yenyu.

2 Wakolinto 4:12

Nha cinji wo wutya, i lifwa likwituma mugati mwetu, ninga nawo wumi wukwituma mugati mwenyu.