Wafilipi 2:16 - Luganuzi Luswanu Kuli Wanhu Wose 2002

¹⁶ hono muyibate mukamile i nghani yo wumi. Nane baho ho notujila i nghani yo kwilumbila mwizuwa lilya lya Kilisito, hambi nha ho yolokwijelela vyono u wuhidimbazi wangu hamonga no mulimo wangu si vyajilila bwete.

I CILAGANE CIPYA 1991

¹⁶ hono muyibate mukamile i nghani yo wumi. Nane baho ho notujila i nghani yo kwilumbila mwizuwa lilya lya Kilisito, hambi nha ho yolokwijelela vyono u wuhidimbazi wangu hamonga no mulimo wangu si vyajilila bwete.

Wafilipi 2:16 Referans Kwoze

1 Wakolinto 9:26

Ale, nane nhavivyo vyo manghaga, akuno nina no wuhile wo wusume, holeka nane nihwanile nho mutowa zingumi, mono si katowaga zingumi mu mbeho caka du.

Wagalatiya 2:2

No wubite wangu walawilila mu wugubule wono yangubulila Mulungu. Na muwihangulize we cinyele, nghasuma kuwaloloseza wawo iwalongola ze nghani yo Luganuzi Luswanu lono naluganula kuli wanhu wono si Wayahudi. Nanoza nhavivyo ho mulimo wangu wono nali nakondya kuwituma, sunga na wono nali nghali kuwituma, wulece kuwa nha nghani ya bwete.

1 Yohana 1:1

Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco.

2 Wakolinto 1:14

Ninga hamba yiwe aluno mukucizuka hadodo du, nitumbiye vyono hanyuma mocizucila lukulu, Mwizuwa alilya lyo Muwaha wetu Yesu, ho muze musume kwilumbila muli sese, nha vyono nase colokwilumbila muli nyenye.

Yohana 6:68

Simoni Petelo yakamupitula yakatya, “Muwaha, cobita kuli nani? Nha yo gwegwe mono wina zinghani zo wumi we cibitilila.

1 Watesalonike 3:5

Ku soko yiyo holeka nane nghamutumilenyi Timoteyo. Vyono si nasuma kulindila kanyhi, holeka nghamutumilenyi ho hulice muli zo wihuwilo wenyu. Yilece kuwa na lunji u mukonji yamujelenyi, no mulimo wose wono cawituma muli nyenye wuwe wa bwete!

Yohana 6:63

U Muhe yo kaletaga wumi, ninga munhu yali wene, sikosuma cinji. Izinghani zono nimulonjelenyi, wo Muhe wo Mulungu, kanyhi wo wumi.

Luka 12:8

Nghumulonjelenyi mbeka, muli wose mono yakumvumilila hali wanhu, vyono wangu, Mwana wo Munhu nayo kolomuvumilila hali Wamalayika wo Mulungu, vyono munhu yuyo wakwe.

Wahebelaniya 4:12

Hambi nghani yo Mulungu nha nyumi kanyhi nyitumi, kanyhi nghali yicizize u mumaje mukali kose kose, kanyhi yicinyaga sunga ku wutemanula i nhumbula no Muhe, sunga hono vihanjiye i vilunzwa vyo muwili no musopo. Ne nghani yiyo yisalangulaga u wuhile ne mahweso ga mu zinhumbula ze wanhu.

1 Petelo 1:23

Hambi nha mu nzila ye nghani nyumi yo Mulungu, inghani ye cibitilila, anye mwalelwa wupya, si mwinha i wana wo sogo ya munhu mono yadahile kufwa, langa usogo yo munhu mono siyadahile kufwa cibitilila.

1 Watesalonike 2:19

Wulenyi cilaza kwima hali Muwaha Yesu yalaza kuza, u lukumyo lo wusume wetu wolowa cici? Wolowa nyenye nyo weneco, vyono anye yo nyenye, wo witumbilo wetu ne nyemo yetu.

Wagalatiya 4:11

Ane nghogopa ku soko, yilece kuwa lunji u mulimo wono netuma muli nyenye, wuwe wusina cambuzi.

Isaya 49:4

Nane nghamupitula nghatya, “Nepiganza bwete, nghetuma sunga nghakatala so cinhu cono cisina cambuzi.” Ninga hamba nhavivyo, nomwitumbila Muwaha Mulungu, nayo yo koyitetela ling'ani yangu, kanyhi yo kohumbiliza mu nghango ye metumo gangu.

Zabuli 71:17

Gwe go Mulungu, yo gwegwe du, mono wanyijiza ku wulawa wudodo wangu, holeka nane si nolecela lukulu, ku wanze we metumo gako go wizine.

Wugubule 22:17

U Muhe hamonga na bibi halusi walonje watye, “Wuze!” Nayo u munhu wo wose mono yakuyihulika yiyi, nayo yatye, “Wuze!” Na mono yakaluce, ale yaze, nayo mono yakugasaka i malenga go wumi, yasole bwete.

Metumo ge Watumwa 13:26

“Nye wandugu zangu mo wana we mhuga ya Abulahamu, na nyenye wose mono mumogopile u Mulungu! Yo sese mono cileteywe inghani ye mhonelo yiyi.

Matayo 10:27

Na yono nghumulonjelelenyi mu wutitu, anye muyilonjelaje hazelu, ne nghani yono mukuyihulika yikupwepwa, anye muyanzalikaje cagalanze.

Zabuli 40:9

Nane niwalonjela mhuga mbaha ye wanhu, zinghani ziswanu ze mhonelo. Gwe go Muwaha Mulungu, agwe wumanyile vyono ane si nanyamala hamba hadodo.

1 Wakolinto 1:8

U mwene Yesu, komusikamyenyi nyenye wose sunga ko ku ndumo, ho muze mwijele musina yilema lyo lyose, kwizuwa alilya lyo Muwaha wetu Yesu Kilisito.

Wafilipi 1:6

Holeka nitumbiye vyono, u Mulungu mono yawanza u mulimo wuwu muswanu muli nyenye, kowujendeleza sunga ko ku wukondelecele mwi'zuwa lilya lya Kilisito Yesu.

Wafilipi 1:10

ho musume kuhagula zinghani ziswanu. Baho ho mowa mwina nhumbula nzelu, kanyhi musina yilema sunga ko Kwi'zuwa lya Kilisito.