Wafilipi 2:10 - Luganuzi Luswanu Kuli Wanhu Wose 2002

¹⁰ Ku so lilumbo lye litagwa lya Yesu ho vinhu vyose vya ku wulanga, na vya kono'nze na vya kusi ye yinze, vifugame hamwande yakwe,

I CILAGANE CIPYA 1991

¹⁰ Ku so lilumbo lye litagwa lya Yesu ho vinhu vyose vya ku wulanga, na vya kononze na vya kusi ye yinze, vifugame hamwande yakwe,

Wafilipi 2:10 Referans Kwoze

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kono'nze.

Wahebelaniya 1:6

Ninga u Mulungu lono yamutumila kononze u Mwanagwe mulelwa mulongozi, yatya nhavi, “Ne wamalayika wose wo Mulungu, yiwanojeye wamuhembe.”

Waefeso 3:14

Ku soko yiyo, holeka nane nghumufugamila u Sogo yo Munhu,

Wugubule 4:10

awalya i wawaha makumi mejete na wane, nawo wakagwa ha mwande ya yuyo mono yekaye mwi'goda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

Waefeso 1:10

U wuhile wuwo wono yali yawufisilize mwi'daha lyayo, wo wukongholeza hamonga iviwumbwa vyose, ho yavitowelele vyose viwe muli Kilisito, vya ku wulanga na vya kono'nze.

Matayo 27:29

wakatawa cipombelo ce mamivya, wakamuvwika mu mutwe, wakamwibatiza ne lidete mu muwoko wakwe wo kulume. Wakafugama ha mwande yakwe, akuno wakumuzwajiza wakutya, “Lamucenyi go Mutemi we Wayahudi!”

Wugubule 20:13

I lilenga nalyo, likawalavya kunze, i wafu wose wono wali wali mugati yalyo, i lifwa hamonga ne yinze ye wafu, vikawalavya kunze iwafu wose wono wali wali mumo. Na wose wakaling'anizwa nha vyono genha metumo gawo.

Waefeso 4:9

Alu lono yikulongwa yabita kucanyha wo wutya nhawule? Nhunizo yayo yili nhavi, halulongozi yatima sunga hono hasi mono yinze.

Walumi 11:4

U Mulungu yamupitula Eliya yakamutya nhawule? Yamutya nhavi, “Nisigazize wanhu elufu mupunghati, wono wakali si namuhemba Baali.”

Matayo 12:40

Nha vyono Yona yakekala mu'nda ye lisomba liwaha vilo vidatu misi ne cilo, ale nha vivyo u Mwana wo Munhu nayo, si koleka kwikala vilo vidatu misi ne cilo mugati ye yisi.

Mwamulizo 41:43

Falawo yakawa kumuwika mucanyha ye ligali lyakwe lye kejete, lyono lyali kukwegwa ne zifwalasi, ne walanjilizi wakalongola ku mwande ya Yusufu, akuno wakuzoza wakutya, “Ale, mufugame wose!” Ale du, Falawo yakamupela Yusufu wulajilize wuwaha muno mu yisi yose ya Misili.

Zabuli 95:6

Nzonyi cifugame no kumuhemba, cimufugamile Muwaha Mulungu, Muwumbi wetu!

Wugubule 5:3

Ninga hamba si yejela munhu wo wose ku wulanga, hamba mono'nze, hamba hasi ye yinze, mono yasuma kucigubula citabu cico, hamba kucilanga za mugati.