Wafilipi 1:21 - Luganuzi Luswanu Kuli Wanhu Wose 2002

²¹ Hambi wumi co cici? Ane ku lubavu lwangu, ku wikala mumi nha Kilisito, na ku wufwe kukuleta cambuzi ciwaha.

I CILAGANE CIPYA 1991

²¹ Hambi wumi co cici? ane ku lubavu lwangu, ku wikala mumi nha Kilisito, na ku wufwe kukuleta cambuzi ciwaha.

Wafilipi 1:21 Referans Kwoze

Wagalatiya 2:20

ninga nghuwumipa, ninga yo si nene kanyhi, langa Kilisito yo yakuwumipa muli nene. No wumi wuwu wono nina nawo lulu, nghuwumipila u wihuwilo, u wihuwilo wa muli Mwana wo Mulungu mono yanyenda sunga yakelavya wumi wakwe ku soko yangu.

2 Wakolinto 5:8

Ninga hamba nhavivyo, cikamile du. Kanyhi cali cende cihame mu wikalo wuwuno wa mu muwili no kuhamila kuli Muwaha.

2 Wakolinto 5:1

Hambi nha cimanyile vyono, kaya yiyi ya kono'nze yono cikaye lulu, wo wutya u muwili wetu, kolo yeza yapambulwa, u Mulungu nha kocipela kaya yinji kuko ku wulanga, kaya yono yayinoza mweneco yo wikalo we cibitilila, yono si yizenjigwe ne miwoko.

Wafilipi 1:23

Ninga ha mwande yangu ho zili nghani nyejete. Nghusulumila kuwuka mu wumi wuwu, ho nghekale hamonga na Kilisito, hambi nha yo nghani swanu muno,

Wakolosayi 3:4

Na Kilisito wo wumi wenyu we mbeka, yalaza kwijela, ale, anye nanye baho ho molokwijela hamonga nayo mu lukumyo.

2 Wakolinto 5:6

Holeka ase cina nhumbula yono yikamile nhondo zose. Kanyhi cimanyile vyono mu wikala mu muwili wuwu du, cikuwa cili kutali no Muwaha.

Wafilipi 1:20

U wuhile wangu no witumbilo wangu, ho ndece kulemwa mu wufisiliza u mulimo wangu, langa nojendelela kuwa na nhumbula yono yikamile mu mapango gose na ko muno mwipango lili, ho mu mikalile yangu yose, hono niwe nghali mumi hamba hono niwe nafwa, nimutujile Kilisito lilumbo.

Wugubule 14:13

Nghahulika kanyhi lizi kulawa ku wulanga likutya, “Wandice nhavi! Wo wamoti wanhu wono ku wulawa lulu, wakufwa akuno welunzize no Muwaha.” Nayo Muhe yakutya, “Heya! Woceha mu wulawa mu magazo gawo, hambi metumo ge nhuguti yawo nha gowatyatya.”

Wagalatiya 6:14

Ninga ane si nokwilumbila muli cinji co cose, hono si mu musalaba wo Muwaha wetu Yesu Kilisito langa, ku soko mu nzila yo musalaba wuwo, yiyo yinze yikawulagwa kuli nene, nane nghawulagwa kuli yinze.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

Wafilipi 2:21

Hambi wanji wose nha wakulondola i zawo weneco, si nho kulondola za Yesu Kilisito.

1 Wakolinto 3:22

Hono Pawulo, hamba Apolo, hamba Kefa, hamba yinze, hamba u wumipe, hamba lifwa, zinghani za lulu, hamba zono zikuza, zizi zose nha zenyu.

Wafilipi 1:22

Ninga hono mu wikala mumi nosuma kwituma u mulimo wono wina cambuzi ciwaha, baho nhondo cono nokwihaga co si manyile!