Waefeso 1:12 - Luganuzi Luswanu Kuli Wanhu Wose 2002

¹² Holeka ase mono calongola kumwitumbila Kilisito, yicinojeye cilukumyaje u lukumyo lo Mulungu!

I CILAGANE CIPYA 1991

¹² Holeka ase mono calongola kumwitumbila Kilisito, yicinojeye cilukumyaje u lukumyo lo Mulungu!

Waefeso 1:12 Referans Kwoze

Waefeso 1:6

Ninga cimukumyaje u Mulungu ku soko ye lihewa lyakwe lyo lukumyo muli Mwanagwe mwendece.

2 Watesalonike 2:13

Yicinojeye cimulumbe u Mulungu nhondo zose ku soko yenyu anye i wandugu zetu, anye mono mwendigwe no Muwaha, hambi u Mulungu nha yamuhagulenyi ku wulawa ku mwamulizo ho muponywe kwe vilungo vyo Muhe, ho munozwe muwe wanhu wakwe wono mwelile mu nzila yo wihuwilo wenyu mu mbeka.

Waefeso 3:21

kuli yuyo lweze lukumyo mu Kanisa na muli Kilisito Yesu, mu mapango gose sunga ku myaka ne cibitilila. Heya.

Yelemiya 23:6

No mutemi yuyo kolo yatema, i wanhu wa Yuda, wolowa wekaye wapolile. Hambi u mutemi yuyo nha kolocemwa, ‘U Muwaha Mulungu Muponyi wetu.’ ”

Isaya 45:23

No wihuwizo wangu wa mbeka, hamba si wopituka yaye. Kanyhi nelahiza, nghehuwiza ko mulomo wangu nha vyono wanhu wose wolokuza wafugamile nene, wehuwize nha vyono wowa wali cihuliko kuli'ne.

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Yakobo 1:18

So wendo wakwe mweneco, yacilela mu nghani yakwe ye mbeka, ho ciwe nha cili mikalo milongozi wa muli viwumbwa vyakwe.

Isaya 11:10

Ne lizuwa lyolokuza, lono mutemi mupya, mono kololawa mu wityatye we mhuga ye citemi ya Dawudi, kolowa citanjilo kuli makungugo. Makungugo golokwihanguliziza hamonga kwi'kaya lyakwe lyo wutemi, no kumupela lilumbo.

Zabuli 2:12

hono mulece kunoza nhavivyo, mwene kosimba nanye mokongomezwa, hambi likuwo lyakwe nha lyakaga nhinicizo. Nyemo mbaha kuli wose wono wakwihundika muli mwene!

Waefeso 2:7

Nhavivyo vyo yenda kuwulajila kuli wanhu wa ku myaka yono yokuza, u wuwaha we lihewa lyakwe wono yacipela bwete so wilunze wetu na Kilisito Yesu.

Yohana 14:1

Yesu yakawalonjela, yakatya, “Mulece kugazika mu zinhumbula zenyu, Mumwihuwiye Mulungu, ale munyihuwile na nene.

Isaya 45:25

Nene no Muwaha Mulungu nolowaponya we ndelo yose ya Yakobo, nawo wolonghumya no kunumbiza nene du.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

2 Timoteyo 1:12

na ku soko yiyo, holeka nghutamiswa nhavivi. Holeka nghali nina witumbilo wuwaha, hambi nha nimumanyile mono namwihuwila, kanyhi manyiye lukulu vyono mwene kocikamisa cicilya cono yanghoza, sunga Mwizuwa lilya.