Waefeso 1:11 - Luganuzi Luswanu Kuli Wanhu Wose 2002

¹¹ Ivinhu vyose vinozezwaga mu wuhile no wulamuzi wo Mulungu, nayo u Mulungu yakacihagula ase, ho ciwe wanhu wakwe mu wendo wakwe, so wilunze wetu na Kilisito, ku soko yo wutemye wakwe wo wulawa mwamulizo.

I CILAGANE CIPYA 1991

¹¹ Ivinhu vyose vinozezagwa mu wuhile no wulamuzi wo Mulungu, nayo u Mulungu yakacihagula ase ho ciwe wanhu wakwe mu wendo wakwe so wilunze wetu na Kilisito, ku soko yo wutemye wakwe wo wulawa mwamulizo.

Waefeso 1:11 Referans Kwoze

Walumi 8:28

Kanyhi cimanyile vyono, muli zose, u Mulungu ketumanaga no kumalila hamonga na wose wono wamwendile, nha cinji, wawalya wono yawacema nha vyono yali yehwesize.

1 Petelo 1:4

holeka cilindiye kuwutuga wumoti awulya wono Mulungu yawawiciye wanhu wakwe. No Mulungu yakondya kumuwicilenyi wumoti wuwo ku wulanga, kono siwuwolaga, hamba kuhodanjika, hamba kufwifwiza.

Waefeso 1:14

Yuyo Muhe co cipingo co kuzibocelela zose zono u Mulungu yawehuwiziza iwanhu wakwe, ne nghani yiyi yo yikucimanyiza vyono u Mulungu kowakombozeza lukulu wose iwakwe. Cilukumyaje u lukumyo lwakwe!

Waefeso 3:11

U Mulungu yayituma inghani yiyo nha vyono wali winha u wutemye wakwe we cibitilila, wono yawunozeza muli Kilisito u Muwaha wetu.

Waefeso 1:5

U Mulungu yali yehwesize ku wulawa mwa mulizo vyono yacilete kwakwe ho ciwe wakwe mu nzila ya Yesu Kilisito. Vyo yali yendile na vyo yali yehwesize.

Wagalatiya 3:18

Hambi i cipegwa co Mulungu hono ciwe cikwitumbila u Wulajilize, i cipegwa cico si cosuma kwitumbila kanyhi i cilagane co Mulungu. Ninga u Mulungu yamupela Abulahamu ku soko ye cilagane.

Wahebelaniya 6:17

Nayo u Mulungu, yawukangaziza u wihuwizo wakwe mu wilahize, na muli zizo, yakawalajila calinze, wawo wono yawehuwiziza, vyono si kowupitula kanyhi u wuhile wakwe wuwo.

Tito 3:7

na ku so lihewa lyakwe ho cisume kuvumilwa hali Mulungu no kuwubocela u Wumi we cibitilila wono ciwitumbiye.

Walumi 8:17

Holeka vyono ase cili wana wo Mulungu, cawubocela uwumoti wose wo Mulungu wono yawawiciye iwanhu wakwe, kanyhi cohanga uwuhazi wuwo hamonga na Kilisito, hambi hono cihanje uwugaye wakwe Kilisito, cohanga kanyhi no lukumyo lwakwe.

Wakolosayi 1:12

Akuno mukumulumba kwa nyemo u Sogo yo munhu mono yamupelenyi u wusume ho muwe ne 'fungu lyenyu mu zinghani zo Mulungu zono yawawicila i wanhu wakwe mu wutemi wo wuzelu.

Wakolosayi 3:24

Akuno mukumanya vyono u Mulungu kolomupelenyi i mafungu go wuhazi gono yawawiciye i wanhu wakwe. Mumwitumamilaje Kilisito u Muwaha!

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

Metumo ge Watumwa 20:32

“Alu nghumuwicenyi mu wukamiswe wo Mulungu, na kuli nghani ye lihewa lyakwe, yono yidahile kumusikamyenyi, no kumupelenyi wuhazi wono yawawiciye wanhu wakwe.

Metumo ge Watumwa 2:23

na mu wutemezwe no wumanye we katali wo Mulungu, yali yakondya kudumula nghani, vyono Yesu kowikwa mu miwoko yenyu, nanye mukamuwulaga mu nzila yo kuwalecela iwanhu wabi, wamutumbice mu musalaba

Metumo ge Watumwa 20:27

Hambi nha sinaleka kumuganulilenyi nghani zose zo Mulungu.

Metumo ge Watumwa 4:28

Heya, wetang'anila ho wanoze zizilya, zono wetemezezya no kuziwikaniza kwe vilungo vyako, na ko wendo wako, ku wulawa mwamulizo.

Yelemiya 32:19

Hambi nha yo gwegwe du mono wina mahweso ge mahala, kanyhi kwitumaga metumo go wizine. Mono kuziwonaga calinze i zinghani zose, zono i wanhu wetumaga. Kanyhi kuwapelaga i wanhu, munhu mu nghango ye metumo gakwe.

Zabuli 37:18

Muwaha Mulungu kawakamisaga wanhu wehuwilwa, no wuhazi wawo wokwikala cibitilila.

1 Petelo 3:9

Mulece kuwagomolezeza wanhu wubi na wubi, hamba yiligo ne 'ligo, langa muwalombele wumoteswe, hambi anye nha mwacemwa no Mulungu ho muwubocele wumoti.

Walumi 11:34

“Hambi nani mono yasuma kulimanya i lihala lyo Muwaha? Hamba nani mono kosuma kuwa mulanjilizi wakwe?

Zakaliya 6:13

U mwene yo kolizenga no kubocela lilumbo lyo mutemi, nayo kuwatema i wanhu wakwe. Nayo mukohani muwaha kolokwima he'goda lyakwe lyo wutemi. Nawo wokwitumana mulimo viswanu kwa mulamu, kanyhi wowa wehulicile.

Yelemiya 23:18

Nane nghatya nhavi, “Muli wawizi wawo wose, hasina hamba muwizi monga, mono yasuma kugamanya, i mahweso ge cinyele go Muwaha Mulungu. Kanyhi hasina hamba monga muli wene, mono yayihulika nghani yakwe, yakayizuka, hamba kuyimanya kose, hamba kwenda kuyihulika kose, hamba kucelelela kose, kuli zono Muwaha Mulungu yakuzilonga.

Isaya 28:29

Ninga wumanye nha vyono, mahala gaga gose, galawaga kuli Muwaha Mulungu we mihanga. Ne mahweso gakwe go ge cihalahala muno muno, kanyhi nhondo zose gena cambuzi ciwaha.

Isaya 5:19

Hambi nha mutezaga, “Ale, Muwaha Mulungu, na yetume mbela zono katezaga kokwituma, nase ho ciziwone. Lecenyi Mulungu mono yelile we Waisilayeli, yetume za mu mahweso gakwe. Mulece ciziwone zono zili mu mutima wakwe.”

Wukumbucize wo Wulajilize 4:20

Ninga anye muli wanhu mono mwawuswa ku Misili, mwi kongojelo lyono likwaka moto mukali. Yakamuletenyi, ho yamunozenyi muwe wanhu wakwe, nha vyono mwinha izuwali.

Zimbazi 8:14

Nane nghali kwihwesa, ho niwawusize lukulu hambi nha nina wizuce kanyhi nili vilungo.

Yakobo 2:5

Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.

Waefeso 1:8

lyono yacipela lisina cipimo! Kwe mahala no wumanye wakwe wose.

Jobu 12:13

I wakombi wena wizuce ninga Mulungu yo yena wizuce, hamonga ne vilungo vyo kwitumila.

Jobu 33:29

“Mulungu ketumaga zizi vilo vyose,

Isaya 25:1

Gwe go Muwaha Mulungu, yo gwegwe go Mulungu wangu. Nane nokupela cogopo, no kulikumya litagwa lyako. Hambi nha wetuma metumo go wizine kugafisiliza ko wihuwilwa i mahweso gako gono wagawikaniza ku wulawa katali na katali.

Metumo ge Watumwa 13:48

Iwanhu wono si Wayahudi, waza kuyihulika nghani yiyo, wakasecelela, wakayikumya nghani yo Mulungu, na wose wono wali watemezezwe wumi we cibitilila, wakehuwila.

Walumi 8:29

Hambi wawo wono yawahagula ku wulawa mwamulizo, wawa kanyhi yawasiwanula, ho wehwane no Mwanagwe, u mwana nayo, ho yawe mulongozi muli wanduguze wenji.

Walumi 8:30

Holeka u Mulungu yakawacema wawalya wono yali yawasiwanula, na wawo wono yawacema, yakawanoza wavumilwe hali mwene, na wawo wono yawanoza ho wavumilwe hali mwene, kanyhi yakawakumya.

Walumi 9:11

Ninga ho Mulungu yejele vyono yena welecele wo kuhagula, na lono wawalya iwana we metundu wakali si nalelwa, na lono wakali si namanya kuhagula iziswanu ne zimbi.

Waefeso 1:9

U Mulungu yacifisiliza cicilya cono yali yatemizye, yakacimanyiza zo wuhile wakwe wono wali wihundice, wono yali yewikanize kuwufisiliza mu nzila ya Kilisito.

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.