Tito 2:14 - Luganuzi Luswanu Kuli Wanhu Wose 2002

¹⁴ Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

I CILAGANE CIPYA 1991

¹⁴ Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Tito 2:14 Referans Kwoze

Wahebelaniya 9:14

Ninga mu sakami ya Kilisito zitumwaga nghani mbaha kuciza! Vyono mu vilungo vyo Muhe we cibitilila, Kilisito yelavya mweneco ho yawe likumbiko lyono likwilaniciye kuli Mulungu. I sakami yakwe yocikwema i viselinji vyetu mu metumo gono gakuleta u wufwe, ho cimwitumamile u Mulungu u mumi.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

1 Petelo 1:18

Hambi nha mumanyile vyono, anye mwakombozwa mu mikalile yenyu mibi, yono mwalecezwa kulawa ku wasenyu, si ne vinhu vyono vihodanjikaga, zipesa ne zizahabu,

Tito 3:8

Ne nghani yiyi ya mbeka. Nghukulomba wuzilongaje wusimbiliye zinghani zi zino, ho wawalya wono wamwihuwiye u Mulungu wawe no wuhile wo kucitumamila cilejeho cawo mu wituma ziswanu, zono swanu na zono zina cambuzi kuli wanhu.

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico, no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, we zinonga zose, ne wanhu wose ne zinghungugo zose.

Wagalatiya 3:13

Kilisito yacikomboza mu wulijitwe wo Wulajilize, hambi nha yawusola u wulijitwe wuwo ku soko yetu, vyono i Mandiko gakulonga, “Muli wose mono kotumbikwa mu musalaba, yuyo mulijitwe.”

Ezekiyeli 36:25

Nomumizizenyi malenga maswanu, nimwezenyi mu wavufywe wenyu, ku soko yo wuhemba vihwani wenyu, hamonga ne makani menji du mabi gono gamwavufyajenyi.

Wagalatiya 2:20

ninga nghuwumipa, ninga yo si nene kanyhi, langa Kilisito yo yakuwumipa muli nene. No wumi wuwu wono nina nawo lulu, nghuwumipila u wihuwilo, u wihuwilo wa muli Mwana wo Mulungu mono yanyenda sunga yakelavya wumi wakwe ku soko yangu.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.

Metumo ge Watumwa 9:36

Kwali na mwijizwa yunji we cicekulu kuko ku Yopa, litagwa lyakwe yacemwaga Tabita, mu Cigiliki Dolika, nhunizo yayo “Nzimba.” Mucekulu yuyo yali yamemile metumo maswanu, nayo yawatazaga iwaciwa vilo vyose.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe, yakaciwopola kulawa mu wubi wetu,

Matayo 20:28

Na vyo nha vivyo, u Mwana wo Munhu nayo, si yaza ho yetumamilwe, langa ho yetumame, no kuwulavya u wumi wakwe ho wuwe wukombozwe wa wanhu wenji.”

1 Yohana 3:2

Mo wendece wangu, alu ase cili wana wo Mulungu, ninga yikali sinejela calinze vyono colowa. Ninga cimanyile du vyono i cipango Kilisito kolo yakwijela, colokwihwana nayo, hambi nha colomuwona vyono yenha.

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we ling'ani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,

Zabuli 130:8

Heya, kowakomboza wanhu wakwe Isilayeli, mu wulawa mu wubi wawo wose.

1 Petelo 2:12

I mijendele yenyu muli wanhu wono siwamumanyile Mulungu, yinojeye yiwe miswanu muno muno, na kolo wakumuvilenyi nha muli wetuma vibi, wasume kugawona i metumo genyu maswanu, ho wamulumbile Mulungu mwizuwa lyo wuze wakwe.

Wukumbucize wo Wulajilize 14:2

Anye muli wanhu wo Muwaha Mulungu, u Mulungu wenyu. Nayo Muwaha Mulungu yamuhagulenyi muwe wanhu wakwe mu wulawa mu wanhu wose wono wekaye mono yinze.”

Wagalatiya 1:4

Kilisito yelavya mweneco ku soko yo wubi wetu, ku soko yo wendo wo Mulungu wetu no Sogo yetu, ho yaciponye mu yinze yiyi yimbi ya lulu.

Yohana 10:15

nha vyono Baba yamanyile, nane vyono nimumanyile Baba. Nane nghuwulavya u wumi wangu, ku soko ye zingholo.

Wukumbucize wo Wulajilize 26:18

Nayo Muwaha Mulungu, izuwali kakondya kumubocelenyi, mweza muli wanhu wakwe, nha vyono yamwihuwizenyi. Holeka nayo aluno yakumukong'onhezenyi muno, mugebate malajilizo gakwe gose.

Wukumbucize wo Wulajilize 7:6

Muzitumaje zizi, vyono anye muli wanhu wo Muwaha Mulungu, u Mulungu wenyu. Hambi Muwaha Mulungu nha yakamuhagulenyi anye mu wulawa mu wanhu wa mono'nze yose, muwe nghungugo yono yili wene so mweneco.

Wutuluce 15:16

Wogofye no woga, vyawagana, ku soko yo wuwaha we vilungo vyako, nawo wanyamala twii kotya yibwe, sunga wanhu wako kolo wapuluta wakondya, 'gwe go Muwaha Mulungu, heya, sunga wanhu wako wono wawakomboza, wakondya kupuluta.

Wahebelaniya 10:24

Kanyhi cihindaje mu wikombaniza sese wose munhu na muyagwe, akuno cikwiyoha kwiyikwejenhela ku wendo no wituma ziswanu.

Tito 2:7

Yikunojeye gwegwe go mweneco weze wina musambo we metumo maswanu. Weze wuli mutuvu, ne mafundo gako geze gena wuzito.

1 Timoteyo 6:18

Wuwalonjelaje wetume viswanu, wawe wagoli mu metumo maswanu, kanyhi wawe wacemezi, wono wewikanize mu wuhanga ne wanji zisawo zawo.

Waefeso 5:2

Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

Ezekiyeli 37:23

Hamba si wolokwiyavufya weneco so wuhemba vihwani vye cevu, hamba kwiyinjiza mu wituma wubi yaye. Nane nolowawusiza lukulu mu zinzila zo wubi, na mu zinzila zono zosuma kuwambuza wangaluce'ne. Noloweza, nawo wolowa wanhu wangu, nane nolowa Mulungu wawo.

Zabuli 135:4

Muwaha Mulungu yakehagulila Yakobo, yawe munhu wakwe, ne wanhu wa Isilayeli, wawe sawo yakwe mweneco.

Mwamulizo 48:16

Sunga na malayika mono yamhonya ne mabi gose, ale yawalugutize i wana wawa! Litagwa lyangu hamonga ne matagwa ge wasogo zangu Abulahamu na Isaka, gatambulwe mu zinzila ze wana wawa, nawo wonjelezece wawe wenji mono yinze.”

Yakobo 4:8

Mumusejelelaje Mulungu, nayo komusejelelenyi. Kwemenyi miwoko yenyu nyo wahodanji! Mweze zinhumbula zenyu nyo wakoci!

1 Timoteyo 2:10

langa wehambaje kwe metumo maswanu nha vyono yiwanojeye i wacekulu wono wamogopilo Mulungu.

1 Timoteyo 2:6

mono yelavya mweneco ho yawakomboze iwanhu wose. Wuwo wali wo wuhomelezi we cipango cono u Mulungu yakuhila kuwaponya wanhu wose.

1 Timoteyo 1:15

No wulonje wuwu nha wa mbeka, na kanyhi wunojeye wuvumilwe muno muno, vyono Kilisito Yesu yaza kononze kuwaponya wanyo wubi. Nane nha nili mubi kuciza wawo wose.

Metumo ge Watumwa 15:14

Simiyoni kalolosa nha vyono u Mulungu, ha mwamulizo, yamula kuwalanga i wanhu wono si Wayahudi, yakawahagula wanji muli wene wawe wanhu wakwe.

Metumo ge Watumwa 15:9

Hamba si yanoza wisimajile wa ase na wene, ninga yaweza zinhumbula zawo ko wihuwilo.

Yohana 6:51

Ane yo nene indigwa yo wumi, yono yatima kulawa ku wulanga, munhu wo wose hono yalye indigwa yiyi, kokwikala mumi cibitilila, ne ndigwa yono nomupela, wo muwili wangu wono nghuwulavya so wumi we yinze.”

Matayo 3:12

U mwene yebate u luheneko mu mawoko gakwe, ho yezeze lukulu icuga cakwe, no kuwututicila u wuhemba mu nyumba yakwe, ninga i mawaje kogaticimiza no moto wono si wuzimaga.”

Matayo 1:21

Nayo kolela mwana we cilume, nagwe komucemela ilitagwa lya Yesu, hambi u mwene nha yo kolowaponya iwanhu wakwe mu wubi wawo.”

Malaki 3:3

Kolokuza yaling'anize kotya mono yakukwema fweza no kuyeza. Kotya mono yakwituma mulimo wo kukwema fweza na zahabu. Nayo mutumwa wo Muwaha Mulungu, koloweza wakohani, ho wasume kutegula kuli Muwaha Mulungu, i vilavywa vyono vikwilaniciye.

Wuwale 25:13

Mwene, hamonga ne wanagwe wose, mu ndelo zakwe zose, ane nakondya kuwawika kuwa wakohani mu vilo vyose. Hambi mwene nha si yali kusuma kuvikangalila i vinhu vyose vyono vikujela kwisumaniza nane. Kanyhi kasuma kuwanozeza wanhu wa Isilayeli wilamule.”

Wukumbucize wo Wulajilize 4:20

Ninga anye muli wanhu mono mwawuswa ku Misili, mwi kongojelo lyono likwaka moto mukali. Yakamuletenyi, ho yamunozenyi muwe wanhu wakwe, nha vyono mwinha izuwali.

Metumo ge Watumwa 20:28

Mwikamisaje mo weneco, mulikamisaje na lilyo i litewa lyose, lyono u Muhe Mono Yelile yamuwicenyi anye ho mulidime. Mulidimaje ilikanisa lyo Mulungu, lyono yaligula ne sakami yo Mwanagwe.

Waefeso 1:11

Ivinhu vyose vinozezwaga mu wuhile no wulamuzi wo Mulungu, nayo u Mulungu yakacihagula ase, ho ciwe wanhu wakwe mu wendo wakwe, so wilunze wetu na Kilisito, ku soko yo wutemye wakwe wo wulawa mwamulizo.

Wahebelaniya 1:3

U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu Mono Yalawiliciye.

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.

1 Yohana 1:9

Langa hono ciwuvumile u wubi wetu, u mwene u Mulungu yo mwihuwilwa, kanyhi yali ling'ani, nayo kocinenela u wubi wetu wose, no kucikwema ne masutya getu gose.

Walawi 25:41

Na mwidaha lilyo yikunojeye wumulecele mwene, hamonga ne wanagwe, yawuye kuli walezi wakwe na kuli wanduguze.

Wuwale 7:15

Nzeku monga, nduwilu monga, nyana ya ngholo nume monga ya mwaka monga; so cilavywa linyanywe.