Obadiya 1:21 - Luganuzi Luswanu Kuli Wanhu Wose 2002

²¹ Wanhu wo wusume wa Yelusalemi, woloyihoma Edomu no kuyitema. No Muwaha Mulungu mweneco, kolowa yo mutemi.”

Obadiya 1:21 Referans Kwoze

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Yakobo 5:20

manyenyi vyono, yuyo mono yakumupitula munyo wubi, ku wulawa mu nzila yakwe yo wajilile, koyiponya i nhumbula yakwe mwi'fwa, no wubi winji wonenelwa.

Zakaliya 14:9

Ale baho, u Muwaha Mulungu ho kolowa yo mutemi we yinze yose. Baho wose wolomuhemba mwene vyono yo Mulungu, kanyhi wolomumanya mwene vyono lilyo lyo litagwa lyakwe.

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

1 Timoteyo 4:16

Wiyikamisaje muno muno go mweneco hamonga ne mejizo gako. Wuhidimbale muno muno mu wituma zizo, hambi nha kokwiponya go mweneco, hamonga na wawo wono wakukuhuliciza.

Zabuli 22:28

Hambi u Muwaha Mulungu nha Mutemi, nayo yagatemile makungugo gose.

Luka 22:30

Musume kulya no kung'wa ha wulilo wangu mu wutemi wangu. Nanye molokwikala mu magoda go wutemi mukuwaling'aniza i milango yikumi na myejete ya Isilayeli.”

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Isaya 19:20

Naco cowa co citanjilo co Muwaha Mulungu we Mihanga kuko ku Misili. Na kolo wanhu wakwiwonelwa kuko, ho wamucemeleze Muwaha Mulungu ho watuje wutazi, nayo Muwaha Mulungu komutegula yunji yawaponye.

Walamuzi 2:16

Hobaho Muwaha Mulungu yakawapela kanyhi Waisilayeli, walongola wono wakawataza ho wawasume walugu wawo.

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kuling'aniza. Nghawona kanyhi ne zinhumbula za wono wadumulwa mitwe yawo ku soko yo kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.

Wugubule 19:6

Hanyuma kanyhi nghahulika lizi yiwaha lye lipuga yiwaha lye wanhu, na lye malenga menji, na lye mabalalusi mawaha, nalyo lizi lilyo likutya, “U Mulungu yalumbwe! Hambi u Muwaha, u Mulungu wetu, u Mudaha vyose, nha yo Mutemi!

Matayo 6:13

Wulece kucitegula mu wujelwe, Langa wuciponye na yulya u Mubi.’ ” [Hambi u wutemi ne vilungo, no wuwaha nha vyako, sunga ku cibitilila. Heya.]

Matayo 6:10

U wutemi wako wuze yono wukuhila yitumwe kono'nze nha vyono ku wulanga.

Yoweli 2:32

Kanyhi munhu wo wose mono kololomba wutazi kuli Muwaha Mulungu, yuyo yo kolopona. Nha vyono Muwaha Mulungu yalonga yakatya, Wenji wa mu Yelusalemi wolopona, na wono nawahagula wolokwikala wapolile.”

Danyeli 12:3

Ninga i walongola we mahala, wolonga'lala nhe limuli lya ku wulanga. Na wono wawatongaga wanhu wenji, ho wetume ze ling'ani, awo wolong'alala nhe zinyelezi, cibitilila.”

Danyeli 7:14

Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Danyeli 2:35

Lo lulo lulo cuma, ne lilongo linamu, ne shaba ne fweza hamonga ne zahabu, vikasajika, vikawa nhe mawaje ga mu cuga, ga mu vilo vye nhwanga. Mbeho yikavipemhelusa hamba si vyasigala yaye. Libwe lililya likawahapa likawa yitunda lyono likayimemya yinze yose.

Zabuli 102:15

Nago makungugo, gomogopa Muwaha Mulungu, ne watemi nawo, wose wolwogopa lukumyo lwakwe.

2 Watemi 13:5

Muwaha Mulungu yakawaletela Waisilayeli mukombozi, yakawakomboza mu miwoko ye Wasiliya. Nhondo Waisilayeli wakawa kwikala wapolile cinya ha lulongozi.

Walamuzi 3:9

Hobaho Waisilayeli wakamulilila Muwaha Mulungu, nayo Muwaha Mulungu yakawapela munhu mono kowaponya, litagwa lyakwe Otiniyeli u mwana wa Kenazi u mwanakwawe wa Kalebi.

Nehemiya 9:27

Na ku soko yiyo nagwe wukawaleka, wakatowa no kutemwa ne walugu wawo. Na mu mapango go wugaye, wakakulomba wutazi, nagwe wukawapitula ku wulawa ku wulanga. Na ko lusungu lwako luwaha, wukawaletela walongola, wono wawakomboza mu walugu wawo.

Zabuli 47:7

Mulungu yo mutemi we yinze yose, holeka mwimbilenyi zi nyimbo zo lukumyo.

Zabuli 67:4

Ne makungugo gose gasangalale no kusecelela, hambi agwe nha wukuwaling'aniza wanhu we ling'ani. No kugatonga makungugo ga mono'nze.

Mwamulizo 25:23

Nayo u Muwaha Mulungu yakamutya, “Munda yako, mogali makungugo mejete, Nazo zizo zimbeyu zi nyejete zono zolelwa nagwe, zokwitemanuka. Likungugo linji lyowa na vilungo kuciza liyagwe, u Muwaha komwitumamila u mudodo.”

Zabuli 22:29

Ne wanhu wedunhumuzi wose, womuhemba mweneco du, na wose wono si wakusuma kwiwumifya, hamba wahwele, womuhemba mweneco du.

Isaya 24:23

Nawo mwezi wolotukuwala, ne lizuwa nalyo hamba si lyolowalika yaye. Hambi u Muwaha Mulungu we mihanga, nha kolowa yo mutemi. Nayo kolotema mu Yelusalemi, mwi'tunda lya Sayuni, ne walongola wose we wanhu, wololuwona lukumyo lwakwe.

Mika 4:7

Wakawa wakusenzegula, kanyhi wali kutali no kwawo. Ninga hamba nhavivyo nowanozeza mwamulizo mupya wawo wono wasigala, nawo wowa likungugo yiwaha lye vilungo. Nane notema hali wene mwi'tunda lya Sayuni, ku wulawa mu vilo vivyo sunga cibitilila.”