Obadiya 1:19 - Luganuzi Luswanu Kuli Wanhu Wose 2002

¹⁹ “Wanhu wa ku Yuda ya kutakama, woloyisola Edomu, nawo wono wololawa ku lubavu lwa kumwezi mu vitunda, woloyisola yisi ye Wafilisiti. Nawo Waisilayeli woloyitema yisi ya Efulayimu ne yisi ya Samaliya, i wanhu wa Benyamini nawo, woloyisola Gileyadi.

Obadiya 1:19 Referans Kwoze

Amosi 9:12

Holeka wanhu wa Isilayeli, wolowatema i wanhu wono wali wasigaye mu yisi ya Edomu, na wa muli makungugo gose wono ku wulawa ha mwamulizo wali wangu.” Vyo yakutya Muwaha mono kolozinoza zizi zijele.

Yelemiya 32:44

Ne wanhu woloyigula, ne zikalatasi zo wuhomelezi zo wugule wazo, zolotajilwa vitanjilo no kwandikwa ne matagwa, hamonga no wuhomelezi. Na zizi, zolokwitumwa mu yisi ya Benyamini, na mu vitumbi vyose vyono vipilime Yelusalemi, na mu vikaya vya Yuda, sunga na mu vikaya vyose vya mu'si ye matunda, na mu mwalambalo we matunda, sunga na ku lubavu lwa kutakama lwa Yuda. Nolowagomola wanhu ku yisi yawo. Vyo nghutya, ane no Muwaha Mulungu.”

Ezekiyeli 36:28

Nanye ho mosuma kwikala mu yisi yono nawapela i walezi wenyu. Nanye mowa wanhu wangu, nane nowa Mulungu wenyu.

Mika 7:14

Gwe Muwaha Mulungu, weze mudimi kuli wanhu wako, iwanhu wono wawahagula. Hamba wawe wekaye kutali mwi'bago. Ninga yisi yose yono yiwapilime yina moso muno. Walekaje wabite wakaliswe ku Bashani na ku Gileyadi nha vyono wanoza mu vilo vye katali.

Amosi 1:13

Muwaha yakutya, “Wanhu wa Amoni, wetuma wubi kali kenji, na ku soko yiyo, nane nowalipiciza. Hambi mu wulugu wawo, nha wawatumbulaga i wacekulu we mida, so wusaka kugazimhya mipaka ye zi'si zawo.

Amosi 1:8

Nowawusa wono wekaye mu makaya ga Ashidodi na Ashikeloni, hamonga ne watemi wawo. Kanyhi nolilipiciza likaya lya Ekiloni, ne wafilisiti wose wono wasigala, wofwa.”

Ezekiyeli 25:16

Holeka nane lu, noyihoma yisi ye Wafilisiti, niwawulaje wanhu wose, halece kusigala hamba munhu monga. Nowongomeza wanhu wose wono wowa wakali womi mu yisi yo wuhihi ye Wafilisiti.

Yelemiya 49:1

Azi zo nghani zono u Muwaha Mulungu yakuyilonjela yisi ya Amoni yakutya, “Alo i wanhu wa Isilayeli wali hayi lo? Heza hasina hamba munhu monga mono yakuyitetela yisi yawo lo? Alu nhawule wakuwaleka i wanhu wono wamuhembaga Moleki wakuyisola yisi ya wo mulango wa Gadi no kwikala mumo?

Zabuli 69:35

Hambi Mulungu nha koliponya likaya lya Yelusalemi, no kulizenga kanyhi likaya lya Yuda. Ne wanhu wakwe, wokwikala mumo no kutema,

Ezila 4:17

Nayo mutemi yakawagomolela lipitulo yakatya, “Kuli Lehumu u mulongola wa mwi'tumbi, hamonga na Shimushayi u mwandici na kuli wayenyu wose wono mwi'kaye nawo mwi'tumbi lye Samaliya, na wa kumhelo ya ku mwezi ye likolongo lya Efulata, mulamu kuli'nye.”

Ezila 4:2

Hobaho wakawa kumubitila Zelubabeli ne walongola wa mu zindelo zawo, wakawatya, “Cikulomba nase cimutazenyi kuyizenga Nyumba yo Mulungu, hambi na sese nha cikuwa kumuhemba Muwaha Mulungu, mono na nyenye mukuwa kumuhemba. Nase cijendelelaga kumulavizya vilavywa ku wulawa mu vilo vyo wuteme wa Mutemi Esale-hadoni wa ku Siliya lono yaciletela ho cikale baha.”

1 Zinghomo 5:26

Holeka nayo Mulungu yakamuleka Pulu u mutemi wa Ashuli, mono hanji yacemwaga Tigilati Pilesa yayisole yisi yawo. Yakawahamya wo mulango wa Lubeni, na wa Gadi, hamonga na we nusu ya wo mulango wa Wamanase wono wekalaga ku lubavu lwa kucilima, yakawategula wekale ku Hala, na Haboli, na Hala, sunga ko kwi'kolongo lya Gozani. Nawo wakekala kuko sunga nalu.

2 Watemi 17:24

U mutemi wa Ashuli, yakawasola wanhu ku wulawa mu makaya ga Babiloni na Kuti, na Iva, na Hamati, na Sefalivayimu, yakawenjiza mu makaya ga Samaliya wekale mumo, wagahalile makaya ge Waisilayeli wono yawahamizya ku Ashuli. Nawo wanhu wawo, wakagasola makaya gago ga Samaliya, gakawa gawo weneco, wakekala mumo.

Yoshuwa 15:33

I makaya ga mu zinhenenhuko ye matunda, gali Eshitayoli, na Zola, na Ashina,

Yoshuwa 15:21

I makaya ga ku lubavu lwa kutakama, gose gali gawo. Na galya gono gali gali behi no mupaka wa ku Edomu, go aga, Kabizeli, na Edeli, na Jaguli,

Yoshuwa 13:31

Yikasola sunga ne nusu ya Gileyadi, hamonga na Ashitaloti na Edeleyi, i makaya mawaha ga mu wutemi wa Ogu ku Bashani. Azi zose, wakapegwa hamonga ne nusu ye we mhuga yono yali ya Macili u mwana wa Manase.

Yoshuwa 13:25

U mupaka wawo, wali wusolile na Yezeli hamonga ne makaya gose ga Gileyadi, ne nusu ye yisi ye wana wa Amoni. Mupaka wukajendelela sunga ko ku Aloweli, kulubavu lwa kucilima ya Laba.

Wuwale 1:32

Wo mulango wa Yusufu, wo wana wa Efulayimu, wali waficile,