Obadiya 1:18 - Luganuzi Luswanu Kuli Wanhu Wose 2002

¹⁸ Wanhu wa Yakobo ne wanhu wa Yusufu, wolowa nha moto, wolowahodanga wanhu wa Esawu kotya nha moto wono wukutakamiza lisici. Nawo wo lulelo lwa Esawu, hasina hamba monga mono yalasigala. Ane no Muwaha Mulungu vyo nghutya.

Obadiya 1:18 Referans Kwoze

Zakaliya 12:6

Mu vilo vivyo, nozinoza zindelo zose za Yuda ziwe kotya moto wono wukwaka mu mbago, hamba moto wono wukwaka mu mugunda wo wuhemba wono wupiye. Nawo wozongomeza zinghungugo zose zono ziwapilime. Ne wanhu wa he 'kaya lya yelusalemi, wolokwikala wapolile du mwi'kaya.

Isaya 10:17

U Mulungu mono wo wuzelu we Waisilayeli, kolowa moto, u Mulungu mono yelile we Waisilayeli, kolowa malambi ga moto, mono kolovitakamiza vyose mwi'zuwa limonga, hamonga ne mamivya ne mabijili.

Mika 5:8

Nawo wo lulelo lwa Yakobo wono wolowa wakali wasigaye mumo mu makungugo, wolowa nha simba yono yili mu mbago mu wupelembi, hamba mu wudimilo, yikwagana zingholo no kuzizumhila no kuzihawanga, hawa hasina hamba no witumbilo wo kupona yaye,

Ezekiyeli 37:19

Wuwalonjele nha vyono, ane no Muwaha Mulungu, nocisola cibici cono candicigwe Isilayeli, nicihanze hamonga ne cibici ciyagwe cono candicigwe Yuda. Nane novinoza viwe cibici cimonga nicibate mu muwoko wangu.

Isaya 5:24

Na ku soko yiyo, nha vyono lilambi lyo moto, ligatakamizaga mahanze, na kanyhi, nha vyono mahanze gono ganyalile, gatakamilaga mu malambi go moto, ale, nhavivyo, ne lisina lyenyu nalyo lyowola, ne maluwa gayo nago gonyala, gapemheluswe ne mbeho, hambi nha mwazilema zo wulajilize wo Muwaha Mulungu u Mudaha vyose, u Mulungu we mihanga, u Mulungu mono yelile we Waisilayeli, zono yacijiza 'se.

1 Wakolinto 3:12

Na mucanyha yo musinji wuwo, munhu wo wose yadahile kuzenjela zahabu, hamba fweza, hamba mabwe go wuguzi wukamu, lunji kosuma kwitumamila mabici hamba mahanze.

Nahumu 1:10

Nanye mo wagalo 'jimbi, molotakamizwa nhe mamivya gono gedawilize ne mahanze makavu.

Obadiya 1:16

Wanhu wangu wakang'wa cikombe co wusungu wo wuling'anizwe, mucanyha ye litunda lyangu lyono lyelile. Ninga imakungugo gose gono gapilime, golong'wa cikombe co wusungu cono cicizize co wuling'anizwe, wolocing'wa wose no kwajililila lukulu.

Amosi 6:6

Anye mono mukung'wela divayi mu zibakuli, hamonga no kwibaka mafuta ge mhunjile swanu muno muno, hamba simukulila so wongomezwe we Waisilayeli.

Amosi 5:15

Musule zimbi, mwende ziswanu no kwituma ze ling'ani mu mahakama. Nha lunji Muwaha Mulungu we mihanga kowa no lusungu kuli wanhu we likungugo lili, wono wakali wasigaye womi.

Yoweli 2:5

Na lono zikuguluka musunho mu vizuli vye matunda, cihumbi cazo cihwanile mituka yono yikubita ku wulugu, misindo yazo no mulilo we cihumbi cazo, kotya mahanze makavu gono gakutakamila mu moto. Zipanjile kotya wasilikale wono wewikanize kubita ku wulugu.

Ezekiyeli 37:16

“Gwe go munhu, wusole cibici cimonga, wucandice mucanyha yayo zinghani azino, ‘U wutemi wa Yuda.’ Na hanyuma kanyhi wusole cibici cinji, naco wucandice mucanyha yayo zinghani azino, ‘U wutemi wa Isilayeli.’

Isaya 47:14

“Ninga wumanye vyono wawo wose wokwihwana mawaje no moto wowakongojeza wose! Nawo hamba si wolosuma kwiponya wali wene yaye hambi malambi go moto nha golowasumiza, holowa hasina kanyhi moto wo kota, ho watuje civuce.

Isaya 31:9

Nayo mutemi wawo kolotiza so woga. Nawo wetumami wakwe, wolokwinjilwa no woga wuwaha, wolotiza wazilece ne zibendela zawo zo wulugu.” Muwaha Mulungu vyo yakutya, u Muwaha Mulungu mono yakuwa kuhembwa mu Yelusalemi, mono no moto wakwe wakaga mumo so makumbiko.

2 Samwili 19:20

Ane manyiye lukulu vyono netuma vibi. Na yiyi yo yilecile niwa mulongozi kuza ku wulawa mu wo mwango wose wa Yusufu, ho nize nghuhinjilize izuwali ‘Gwe Mutemi.’ ”

Isaya 9:18

No wubi we wanhu, wunyanyaga nha moto, wono wutakamizaga masanzu ne mamivya. Wutakamizaga nha mbago yono yikolelezwe moto, nawo wukwaka, ne malambi gayo gapunaga kucanyha gepalinjile nhe 'sumbili lya lyosi.

Isaya 9:19

Alu, na vyono Muwaha Mulungu we mihanga yakoligwe likuwo, holeka no wulipicize wakwe wukutakamiza nha moto mu yisi yose, no kuwongomeza wanhu. No munhu wo wose kokwimanyilila mweneco.

Yelemiya 11:23

Nane nha nakondya kuliwikaniza lizuwa lyono nolowuletela wongomele muli wanhu wa Anatoti. Ne lizuwa lilyo kolo lyakondya kuza, holowa hasina hamba munhu monga wa muli wene mono kolopona.”

Amosi 1:8

Nowawusa wono wekaye mu makaya ga Ashidodi na Ashikeloni, hamonga ne watemi wawo. Kanyhi nolilipiciza likaya lya Ekiloni, ne wafilisiti wose wono wasigala, wofwa.”

Malaki 4:1

U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

Wutuluce 5:12

Holeka wanhu wose wakawa kwiyagala ako na ako mu yisi yose ya Misili, mu wulondola gago mahanze.