Obadiya 1:17 - Luganuzi Luswanu Kuli Wanhu Wose 2002

¹⁷ “Ninga mwi'tunda lya Sayuni, wanji wolopona. Na ho baho, holowa hanhu hono helile. Ne wanhu wa Yakobo wolokwikala mu yisi, yisi yono yo ling'ani yawo.

Obadiya 1:17 Referans Kwoze

Wugubule 21:27

Ninga hasina cisemunwa co cose cono colokwinjila mumo, hamba munhu wo wose mono ketumaga i makani ge cikomaza, hamba i makani go wulambi lambi, yuyo si kokwinjila mumo. Langa wono wokwinjila mumo mugati, wo wawalya du wono wandikwe mu citabu co wumi co Mwana we ngholo.

Amosi 9:8

Nane yo nene Muwaha Mulungu, mono nghuwulanga wutemi wa Isilayeli, wono wina wubi, nane nowongomezeza lukulu mono yinze. Ninga hamba nhavivyo si nolongomeza lulelo lose lwa Yakobo.

Yoweli 2:32

Kanyhi munhu wo wose mono kololomba wutazi kuli Muwaha Mulungu, yuyo yo kolopona. Nha vyono Muwaha Mulungu yalonga yakatya, Wenji wa mu Yelusalemi wolopona, na wono nawahagula wolokwikala wapolile.”

Yoweli 3:17

“Nagwe go Isilayeli baho ho kolomanyila vyono ane yo nene Muwaha Mulungu wako. Nikaye mu Sayuni mwi'tunda lyangu lyono lyelile. Nayo Yelusalemi yowa likaya lyangu lyono lyelile, hamba wajenzi si wolisuma yaye.

Isaya 60:21

Ne wanhu wako wolowa kwituma zo mugoloka, nane nowapela yisi cibitilila. Hambi nha yo nene mono nawawumba no kuwanoza, ho ndajile wuwaha wangu kuli wanhu wose.

Yelemiya 46:28

Ane nolomuzizenyi nimuponyenyi. Nane nologongomeza i makungugo gose, ku wulawa hanhu hose, hono namwiyagazizenyi. Ninga anye, si nolomongomezenyi yaye. Hamba nhavivyo, si nolomulecenyi du ndece kumulipicizenyi yaye, langa nolomulipicizenyi ko wulipicizwe we ling'ani vyo nghutya, ane no Muwaha Mulungu.”

Isaya 46:13

Nowusejeleza wiling'ano wangu nawo hamba si wuli kutali yaye. No wusume wangu hamba si wocela yaye noyiponya Yelusalemi, niwapele ne lilumbo lyawo wanhu wa Isilayeli.”

Isaya 1:27

Alu, vyono Muwaha Mulungu mwihuwilwa, holeka koliponya likaya lya Yelusalemi, hamonga na wose wono wali mumo wono wonena wubi wawo.

Zakaliya 8:3

Alu nowuya 'ne ku Yelusalemi, likaya lyangu lyono lyelile, niwe kwikala mumo. Likaya lyocemwa likaya lye mbeka. Ne litunda lyo Muwaha Mulungu we Mihanga, nalyo lyocemwa litunda lyono lyelile.

Yelemiya 44:28

Langa wacefu du wa muli nyenye, wo wolopona, wawuye ku yisi ya Yuda, ku wulawa kuko ku Misili. Nawo wawo wono wolopona, wo wolomanya nha vyono, nghani ya nani yono mbeka yifisilizwa, hono nghani yangu yo yifisilizwe, hamba nghani yawo.

Yelemiya 44:14

Na holowa hasina munhu wowose we yisi ya Yuda, muli wawo wose wono wasigala no kubita kwikala ku Misili, mono kolopona hamba kuwumipa. Hamba hasina munhu wo wose mono kolowuya kanyhi ku yisi ya Yuda, kono wakusulumila, ho wabite wakekale kuko kanyhi. Hasina hamba monga mono kolowuya kuko, langa wolowuya wacefu du wono wolopona.”

Ezekiyeli 7:16

Na wanhu wanji wolotiziza mu matunda nha nziwa zono zogofywa mu wikala mu malolo. Ne wanhu wose wolowulilila wubi wawo.

Zabuli 69:35

Hambi Mulungu nha koliponya likaya lya Yelusalemi, no kulizenga kanyhi likaya lya Yuda. Ne wanhu wakwe, wokwikala mumo no kutema,

Isaya 4:2

Vilo vikuza, lono Muwaha Mulungu kolovinoza vilimwa vyose vya mu'si, hamonga ne mibici yose, viwiluce viwe kwendeza. Nawo i wanhu wa Isilayeli wono wopona, wolosangalala no kwilumbila mu vilimwa vya mu'si.

Zakaliya 8:12

Wolohadika zimbeyu zawo ko mulamu. Ne mizabibu yawo yolela mikalo viswanu, nawo muhangha we yisi wololavya wuhemba, ne mvula yowa kutonya muno. No wulugutizwe wuwu nowapela i wanhu wa mu nghungugo yangu wono wasigaye.

Isaya 65:9

Nowamotya i Waisilayeli we nghungugo ya Yuda, ne wana wawo, woloyihala yisi yangu ye matunda. I wanhu wangu wahagulwa, wono wakunyitumamila, wawo wo wolokwikala mumo.

Yelemiya 31:23

U Muwaha Mulungu we mihanga, u Mulungu we Waisilayeli yakutya nhavi, “Kolo nghuwagomola i wanhu ku yisi yawo weneco, wolokwitumamila nghani yiyi mu yisi ya Yuda na mu vikaya vyayo, wawe kutya, ‘U Muwaha Mulungu yalilugutize litunda lyono lyelile lya Yelusalemi, i hanhu hono helile hono mwene yekaye.’

Ezekiyeli 36:12

Nolomugomolenyi 'nye nyo wanhu wangu Isilayeli, muze mwikale kanyhi mu'si, nayo yolowa yisi yenyu nyo weneco. Nayo yisi hamba si yolowaleka kanyhi i wana wenyu waze wagazice ne lizala.

Danyeli 7:18

Nawo i wanhu wo Mulungu Mono Yalawiliciye, wolowubocela wutemi, no kutema cibitilila.”

Yoweli 3:5

Hambi nha mwesolela nyo weneco fweza ne zahabu, ne vinhu vyangu viswanu, no kuvinjiza mu zinyumba zo wuhembelo wenyu.