Obadiya 1:15 - Luganuzi Luswanu Kuli Wanhu Wose 2002

¹⁵ “Lizuwa lyasejelela lyono ane, no Muwaha Mulungu nologaling'aniza makungugo gose. Nagwe Edomu zizo zono wetuma, zo zizo zono kolonozezwa na gwegwe nhavivilya. Nagwe zolokuwuyila zizilya du zono wawanozeza wanji.”

Obadiya 1:15 Referans Kwoze

Habakuki 2:8

Anye mwawaboka wanhu we makungugo menji sawo zawo, ninga aluno wawo nawo wono wasigaye, womubocenyi nanye zisawo zenyu, ku soko yo wuwulaji wono mwetuma, na ku soko ye mawonezi genyu kuli wanhu we yinze ne makaya gawo.

Yakobo 2:13

Hambi, u Mulungu nha kolowa yasina lusungu kolo yakumuling'aniza munhu mono yasina lusungu. Ninga lusungu lucizize wuling'anizi.

Matayo 7:2

hambi nha mu nghango yono mukuwaling'aniza wanji, nanye nha vyo moling'anizwa nhavivyo, ne cipimo ci cilya du cono mukucitumamila kuli wanji, co cipimo cico du cono u Mulungu nayo kolomupimilenyi na nyenye.

Ezekiyeli 30:3

Lizuwa lyasejelela, lizuwa lyono u Muwaha Mulungu kolokwitumila zizo zose. Lizuwa lye mavunde, no wugaye kuli makungugo.

Mika 5:15

Nane nologalipiciziza mwi'kuwo lyangu liwaha, makungugo gose gono gasina cihuliko kuli'ne.

Yelemiya 50:29

“Walonjele i wanhu wo wupinde, wewikanize, wayihome Babiloni. Muwategule wanhu wose wono wamanyile kuwitumamila wupinde ne zisonga. Mulipilime likaya, kanyhi mulanjilile, mulece kumuleceleza yunji wo wose yatije. Mulilipicize ku soko ya zose zono lyetuma. Kanyhi mulitendele nha vyono lyene lyawatendela wanji. Hambi nha lyazinozaga zizo zose ko widunhumuzi hali 'ne, ane mono nelile wa Isilayeli.

Zabuli 137:8

Nagwe go Babiloni kokongomezwa. Kanyhi yo mumoti munhu mono kokulipiciza, nha vyono wacitendela 'se!

Yoweli 1:15

Woyi he nye! Hambi lizuwa lyo Muwaha Mulungu, nha lyasejelela, lizuwa lyono Muwaha Mulungu u Mudaha Vyose kololeta wongomele!

Ezekiyeli 35:15

Nha vyono nagwe wawusangalalilaga u wutekwe we wanhu wangu Waisilayeli. Holeka i matunda ge yisi ya Seyili, hamonga ne yisi yose ya Edomu, yolowa nyika. Na mu nzila yiyo, wanhu wose ho wolomanyila vyono ane yo nene Muwaha Mulungu.”

Yelemiya 49:12

“Sunga na wose wono wali si wanojeye waling'anizwe, nawo wocing'wela du cikombe cico co wuling'anizwe. Hamba wukwihwesa nha vyono kolekwa wulece kutuga wuling'anizwe lo? Ng'o yaye, langa kocing'wa du cikombe cico co wuling'anizwe.

Walamuzi 1:7

Adonibezeke yakatya, “Watemi makumi mupunghati wono madole kululu gawo ga mu mawoko na ga mu magulu gali madumulwe, watondolaga ndigwa hasi ye meza yangu. Alu Mulungu yanhendela nane nha vyono nawatendela wene.” Nawo wakamutegula ku Yelusalemi yakafwila kuko.

Jobu 24:1

“Alu socici Mulungu yalihagula lipango lyo wuling'anizi, lizuwa lyo wuling'anizwe, kuli wose wono wakumwitumamila?”

Yelemiya 51:56

Walugu nha waza ho wayongomeze Babiloni, ne wasilikale wayo wakutekwa, ne mapinde gawo gakubeneka. Hambi ane nha yo nene Mulungu, mono niwulipicizaga wubi. Nane noyitendela Babiloni nha vyono yene yinojeye.

Ezekiyeli 35:11

Ninga luno mbeka, nha vyono yinha, ane yo nene Muwaha Mulungu, u Mulungu mumi, nane nokulipiciza gwegwe so likuwo lyako, no wivu wako, hamonga no lusulo lwako, kuli wanhu wangu. Nawo i wanhu wangu, nhondo ho wolomanya nha vyono nghukulipiciza ku soko ye metumo gono wawatendela wene.

Yoweli 2:1

Towenyi ndulele ye citanjilo mu Sayuni, mwi'tunda lyono lyelile lyo Muwaha Mulungu. Wanhu wose mono mwikaye mu Yuda, mucicime. Hambi lizuwa lyo Muwaha Mulungu nha likuza, kanyhi lyasejelela.

Yoweli 2:11

Hambi Muwaha Mulungu nha yakuwalajiliza lipuga lye wasilikale wakwe kwe'zi yiwaha, nalyo lipuga lyono limuhulicile, wo wenji muno, kanyhi wali vilungo. Wugayeci wono wolowa, mwi'zuwa lilyo lyo Muwaha Mulungu! Nani 'mbi mono kolokangalila?

Amosi 5:18

Wolowa wogofye wuwaha kuli'nye mono mukusulumila lizuwa lyo Muwaha Mulungu! Kolowa kowuli wuswanuci kuli'nye mwi'zuwa lilyo? Hambi kuli'nye nha lyolowa lizuwa lye citi, hamba si lya wuzelu yaye.

Amosi 5:20

Lizuwa lyo Muwaha Mulungu, lyololeta citi hamba si wuzelu yaye. Lyolowa yizuwa lya wutitu wuwaha, lyono lisina hamba wuzelu bwete.

Esita 9:25

Ninga Esita yakamubitila mutemi, nayo mutemi yakalavya lilajilizo lyono lyamunoza Hamani yagazwe sunga yakafwa, u wufwe wono yali yawehweseze Wayahudi. Mwene hamonga ne wanagwe, wakatumbikwa, wakafwila mu mabici.

Zimbazi 5:22

Kanyhi wumanye vyono u wubi wo munhu mubi, mutego kuli mwene. Hambi nha kokwigwiza mu mutego wo wubi wakwe mweneco.

Yelemiya 12:14

U Muwaha Mulungu yakutya nhavi, “Ane nina nghani yono nghusaka niwalonjele wono wekalane ne wanhu wangu Waisilayeli, wono wakondya kuyinoza matongo, i yisi yono nawapela i wanhu wangu Waisilayeli. Nha vyono nane, nowawusa wawo i wanhu wabi, mu zi'si zawo, niwakule, niwawuse ne milela nho mubici, nimuponye Yuda muli wene.