Obadiya 1:11 - Luganuzi Luswanu Kuli Wanhu Wose 2002

¹¹ Na mwi'zuwa lilyo, agwe wali wimile ha mhelo, lono walugu wabenela i malango gawo. Na gwegwe wali wuli yumonga na wawo wajenzi, wono wayipumha sawo ya Yelusalemi, no kugawana weneco wose.

Obadiya 1:11 Referans Kwoze

Zabuli 137:7

Gwe go Muwaha Mulungu, wulece kuzisemwa yaye zono wazituma Waedomu, lono Yelusalemi yasolelwa ne walugu, wukumbucile vyono watya, “Yimwagulenyi Yelusalemi! Sunga ne mabwe go musinji gose!”

Nahumu 3:10

Ninga wanhu wa No-amoni, wategulwa kutali ku wuwanda. Na mu zinhuzi zose ze zinzila, wana wawo watowangwaga sunga wafwa. Ne walongola wawo wose wasolwa, akuno wawopwe ne manyolo, wakawa kugawana wanya kuwateka.

Yoweli 3:3

Nawo wakawagawa wanhu wangu mu nzila yo kuwatowela kula, ho yejele mono kosuma kuwasola wafungwa. Wakawaguza wana we cilume na we cicekulu ku wuwanda ho wetujile sawo yo kuwapela wasenyha, hamonga no kugula divayi wang'we.

Zabuli 50:18

Agwe hono wumuwone munhu muhizi, hodu du, mwelumbaniza nayo, sunga ne wasenyha mukuhanga nawo.”

2 Watemi 25:11

Hanyuma yuyo Nebuzaladani, yakawakunza wanhu wose wono wali wakali wasigaliye, hamonga na wono watiziza mu miwoko yo mutemi wa Babiloni, yakawategula wose ku Babiloni.

Zabuli 83:5

Nawo welumbanizize kumonga welunze ho walewane nagwe,

Zabuli 83:6

wanya Edomu, ne Waisimayeli, Wamowabi, ne wanhu wa Hagali,

Ezekiyeli 35:10

“Hambi agwe nha wukutya ti, gago i makungugo mejete, Yuda na Isilayeli, hamonga ne yisi yawo, vyose vyako yo sawa yako. Hamba yiwe ane no Muwaha Mulungu, yo nene Mulungu wawo ku wulawa na katali.

Amosi 1:6

Muwaha Mulungu yakutya, “Iwanhu wa Gaza, wetuma wubi muno muno. Na ku soko yiyo, nane nowalipiciza wene. Ku soko wene wayisola nghungugo yose, no kuwahamizizya kuli wanhu wa Edomu wawe wawanda.

Amosi 1:9

Muwaha Mulungu yakutya, “Iwanhu wa Tulo, nawo wetuma wubi kali kenji. Na ku soko yiyo, nane nowalipiciza. Hambi nha wayisola nghungugo yose no kuyihamizizya ku yisi ya Edomu wawe wawanda, hamba siwacikumbucila ne cilagane ce ndugu cono wacinoza.

Zefaniya 2:10

Na vyo wolowa wanhu wa Mowabu na Amoni, wololipicizwa ku soko yo wiwoni wawo, hamonga ne zinyono zawo, na ku soko yo kuwaliga wanhu wo Muwaha Mulungu we Mihanga.