Nehemiya 8:2 - Luganuzi Luswanu Kuli Wanhu Wose 2002

² Ale, Ezila yakacileta citabu cico ha mwande ye wanhu, hono wali wekongholeye we cilume na we cicekulu hamonga ne wana wawo, wono wali wena lizika lyo wumanye no wizuce.

Nehemiya 8:2 Referans Kwoze

Walawi 23:24

“Na mwi'zuwa lilongozi lya mu mwezi wo mupunghati, lizuwa lilyo lyowa yizuwa lyo wucehe. Nanye kolo mukuhulika mazi ge zindulele, munojeye mwihangulize hamonga so wuhembi.

Malaki 2:7

Yinojeye wakohani wejize mafundo ge mbeka go Mulungu. Wanhu ho wabite kuli wene, wakelanjize wuhile wangu, hambi wene nha wetumami wo Muwaha Mulungu we mihanga.

Wuwale 29:1

Na mwi'zuwa lilongozi lya mu mwezi wo mupunghati, mweze kwihanguliza wose so wuhembi. Ninga mulece kwituma mulimo wunji mwi'zuwa lilyo. Na mwizuwa lilyo munojeye mutowe ndulele.

Metumo ge Watumwa 15:21

Ku soko mu vipango vinji, zinghani za Musa zikuganulwa mu makaya gose, no kusomwa mu matang'anilo go wuhembelo, mu Sabato zose.”

Isaya 28:9

Sunga nalu, wakung'ung'ulicila wakutya, “Alu, mwene nye, nani 'lo mono yamunozize munhu yuyu, yehwese nha vyono mwene kosuma kwijiza munhu yunji? Hamba nani mono yakuzisaka zinghani zakwe? Hambi zinghani zakwe, nha ziwanojeye i wana wagalika du, wono wakali kongha!

Wukumbucize wo Wulajilize 17:18

Ninga munhu kolo yawa mutemi, munhu yuyo, yimunojeye yapegwe citabu cono candicigwe i malajilizo go Mulungu, hamonga ne mejizo, vyono visoleywe mu wulawa mu citabu cono cikalaga ne wakohani Walawi.

Nehemiya 8:9

Wanhu wali weza kuhulika, no kumanya vyono Wulajilize wukutya, hobaho wose wakanza kulila muno. Ale, vyono Nehemiya yali yo mulongola wa mwi'tumbi, na Ezila yali yo mukohani no munghula wo kuwumanya Wulajilize, hamonga ne Walawi wono wawalolosezaga wanhu zo Wulajilize, wakawalonjela wanhu wakatya, “Zuwali, lye zuwa lyono lyelile lyo Muwaha Mulungu, u Mulungu wenyu, holeka mulece kukalala hamba kulila.

Nehemiya 9:1

Mu mwezi wuwo, mwi'zuwa lye makumi mejete na yine, i wanhu wa Isilayeli wakekongholela hamonga, wakaleka kulya, ho walajile wukalale wawo so wubi wawo.

Yoshuwa 8:35

Nayo Yoshuwa yakawusoma Wulajilize wose wa Musa, ha mwande ye wanhu wose wono wali wehangulize, hamonga ne we cicekulu ne wana wawo, hamonga ne wajenzi wose wono vyekalanaga nawo.

Nehemiya 8:18

Na ku wulawilila lizuwa lilongozi lono wayinoza sikukuu yiyi, wajendelela kusoma nondo zose citabu co Wulajilize sunga mwi'zuwa lyo mupunghati. Na mwi'zuwa lyo munana, hali howuli wuhembi wo kudumliziza, nha vyono Wulajilize watezaga.

Nehemiya 10:29

Cikwilunza hamonga ne walongola wetu mu wilahize, nha vyono cokwikala mu mikalile nha vyono Wulajilize wukucitonga. Wulajilize wono Mulungu yacipelela muli Musa mwitumami wakwe. Na vyono kanyhi cozityatya zose zono Muwaha Mulungu, u Mulungu wetu, yacilajiliza. Na vyono cogakamisa ne malajilizo gakwe, hamonga no wuhile wakwe. Na vyono, hono cilibene lilajilzo lili, hodu cilijitwe.

Nehemiya 13:1

Ale, lono wasomaga citabu co Wulajilize ca Musa, ha mwande ye wanhu wose. Wakawona mu mandiko gago hanji hono hatezaga, Muamoni hamba Mumowabu, yalecele lukulu kwihanzahanza ne wanhu wo Mulungu.