Nehemiya 3:5 - Luganuzi Luswanu Kuli Wanhu Wose 2002

⁵ Nawo wanhu wa ku Tekowa wakazenga lubavu lwawo. Ninga i walongola wose wa mwi'kaya wakalema kuwituma mulimo wono wagawilwa ne walanjilizi.

Nehemiya 3:5 Referans Kwoze

Nehemiya 3:27

Wanhu wa ku Tekowa, nawo wakanozeleza lubavu lunji, ne mhelo yo munala muwaha, wo kulindiliza Nyumba yo Mulungu, sunga ko kwi'jinji behi na Ofeli.

2 Samwili 14:2

Holeka yakatuma munhu yabite yakamucemele mucekulu we mahala, mono yekalaga Tekowa. Nayo mucekulu yuyo yali yeza kufika kwa Yowabu, Yowabu yakamulonjela yakatya, “Alu, nghukulomba winozaje kotya wina cililo, wuvwale ne myenda ye cililo, wulece kwibaka ne mafuta. Wihwane no mucekulu mono yali mu cililo vilo vinji.

1 Wakolinto 1:26

Nye wandugu zangu, muvikumbucilaje ivilo lono mwacemelwa no Mulungu, vyono wanji wa muli nyenye, mu wulanje we cimunhumunhu si mwali we mahala, ne vilungo, hamba we lilumbo lya hacanyha.

Metumo ge Watumwa 15:10

Alu so cici mukumujela Mulungu, ko kuwatwika wawo iwejizwa u mutegulo wono hamba wa kuku zetu hamba sese du, si casuma kuwudinghula?

Matayo 11:29

Mwiwicilaje u lubano lwangu, mwiyijize kuli'ne, hambi ane nha nili mupolo, kanyhi nili mwinenenyhezi mu nhumbula, nanye motuga wutuzwe mu zinhumbula zenyu.

Amosi 1:1

Azi zo nghani za Amosi, u mudimi munya kwi kaya lya Tekowa. Myaka myejete lono litulo lya mu'si lyali likali si naza, mu vilo vya Uziya lono yali mutemi wa Yuda, na lono Yelobowamu mwana wa Yowashi yali mutemi wa Isilayeli.

Yelemiya 27:12

Nane Yelemiya, nghamulonjela Zedekiya u mutemi we yisi ya Yuda, zinghani zizo zose nha vyono zinha, nghamutya nhavi, “Alu 'gwe go mutemi Zedekiya, wiwikaje mu miwoko ya Nebukadineza, u mutemi wa Babiloni. Wumwitumamile hamonga ne wanhu wakwe, holeka nagwe kowumipa.

Yelemiya 27:8

“Ninga hono haze hejele likungugo linji lyono si lyolosaka litemwe no mwene Nebukadineza, nane nololilipiciza likungugo lilyo no wulugu, ne nzala, hamonga ne matamwa, sunga kolo mutemi Nebukadineza yawe yakondya kulyongomezeza lukulu.

Yelemiya 27:2

niyinozeze no mweneco lubano lwa viwopelo vya mikowa, hamonga ne mabici gayo, nivwice mu singo yangu.

Walamuzi 5:23

Malayika wo Muwaha Mulungu yakatya, ‘Yilijite Melozi. Walijitwe na wose wono wekaye mumo. Vyono siwaza ho wamutaze Muwaha Mulungu, siwaza ha wasilikale wo wulugu ho wehome so Muwaha Mulungu.’

Nehemiya 3:4

Melemoti u mwana wa Uliya, u mwizukulu kwa Hakozi, nayo yakazenga lubavu lunji. Meshulamu u mwana wa Belekiya, u mwizukulu kwa Meshezabeli, nayo yakazenga lubavu lunji. Zadoki u mwana wa Bana, nayo yakazenga lubavu lunji.

Nehemiya 3:6

Yoyada u mwana wa Peseya hamonga na Meshulamu u mwana wa Besodeya, nawo wakalizenga lilango liwaha lya Heshana. Wakawicila ne micici hamonga ne milango hanhu hayo wakawicila ne vyuma ne makomeyo go kudindila lilango.

2 Zinghomo 11:6

Ne makaya gono yagazenjela magomawakali gali goga: Betelehemu, Etamu, Tekowa,

Yelemiya 6:1

Ale, mutize ho mupone, anye nyo wanhu wa Benyamini! Muwuce mu Yelusalemi. Mutowe ndulele mu Tekowa, mwinule citanjilo co moto mu Beti-hakelemu. Hambi i mabi, hamonga no wongomezwe, nha vikuza vikulawilila ku lubavu lwa kusumuka.